Namaste Icon
Ad

पेन्टाङ्गुलर सिरिज - आयरल्यान्डसँग नेपाल १३ रनले पराजित

पेन्टाङ्गुलर सिरिज - आयरल्यान्डसँग नेपाल १३ रनले पराजित

काठमाडौं । ओमानमा जारी पेन्टाङ्गुलर सिरिजमा नेपालले पहिलो हार व्यहोरेको छ । पहिलो दुई म्याचमा जित हासिल गरेको नेपाल आयरल्यान्डसँग १३ रनले पराजित भएको हो ।

आयरल्यान्डले दिएको १४६ रनको लक्ष्य पछ्याउने क्रममा नेपाल १३२ रनमा अलआउट भयो । एक समय नेपाल निकै सुदृढ अवस्था थियो । १० ओभरसम्म एक विकेट मात्र गुमाएर ७३ रन जोड्दा नेपाली समर्थकहरुले जितको आशा गर्न थालेका थिए । तर, लगातार तीन बलमा तीन विकेट गुमाएपछि नेपालको ब्याटिङ धराशयी भयो ।

नेपालका लागि कप्तान पारस खड्काले आक्रमक सुरुवात गरेका थिए । उनले १४ बलमा २ छक्का र २ चौकाको मद्दतले २५ रन जोडे । उनले इशान पाण्डेसँग ४.१ ओभरमा ३५ रनको साझेदारी गरेका थिए । तर, अर्को इन्डबाट इशान पाण्डेले रन गति बढाउन नसक्दा पारसमाथि दवाव थपियो । उनलाई मार्क अडायरले क्याचआउट गराए ।

आजको खेलमा कमब्याक गरेका अर्का ओपनर इशान पाण्डेले भने रन बनाउन निकै संघर्ष गरे । ३० बलमा २२ रन बनाएर आउट भएका उनले २ चौका प्रहार गरेका थिए । त्यसपछि आरिफ शेख र दिपेन्द्र सिंह ऐरीबीच २७ रनको साझेदारी भयो । दुवैले सुझवुझपूर्ण ब्याटिङ गरिरहँदा १४ औं ओभरमा निर्णायक मोड आयो । सो ओभरको अन्तिम बल र १५ औं ओभरको पहिलो दुई बलमा नेपालले लगातार विकेट गुमायो । त्यसपछि धराशयी बनेको नेपाल फेरि बौरिन सकेन ।

आरिफले २६ बलमा २६ र दिपेन्द्रले २० बलमा १९ रन बनाए । त्यसपछि आएका ब्याट्सम्यानले दोहोरो अंकमा रन बटुल्न सकेनन् । विनोद भण्डारी २ बलमा १ रन हानेर रन आउट भए । सन्दिप जोराले पनि २ रन मात्र जोड्न सके भने सोमपाल कामी एक चौकासहित ७ रन बनाएर आउट भए ।

नेपाललाई अन्तिम ओभरमा २५ रन चाहिएको थियो । अघिल्लो म्याचमा नेपाललाई सनसनीपूर्ण जित दिलाएका करण केसी क्रिजमा थिए । अन्तिम ओभरको पहिलो बलमा छक्का र दोस्रोमा चौका प्रहार गरेर करणले झिनो आशा जगाए । तेस्रो बलमा पनि छक्का हान्ने प्रयास गर्दा उनी लङ अनमा क्याच हुन पुगे । उनको विकेटसँगै नेपालको आशा सकियो ।

Ad

सम्बन्धित समाचारहरु

तुलसीलाल स्मृति स्पाेर्टस क्लब ललितपुरकाे अध्यक्षमा राजु श्रेष्ठ

ललितपुर । तुलसीलाल स्मृति स्पाेर्टस् ललितपुर जिल्ला समितिकाे अध्यक्षमा राजु श्रेष्ठ निर्वाचित भएका छन् । तुल्सी लाल स्मृति प्रतिष्ठान, च्यासल, ललितपुरमा शनिबार भएको साधारणसभाबाट ललितपुरको नयाँ जिल्ला कार्य समिति चयन भएको हाे ।

राखेपका कर्मचारीकाे बदमासीले कराते पुन विवादित

राखेपका कर्मचारीकाे बदमासीले कराते पुन विवादित

काठमाडौँ । नेपाली खेलकुद क्षेत्रकाे चिर परिचित एवम् नतिजाको आधारमा सफल खेल मध्येको एक खेल करातेकाे विवाद छतछुल्ल भई सतहमा आएकाे छ । विवाद उत्पन्न हुनुकाे मुख्य कारण नेपाल सिताे रियो कराते संघको नाममा मकवानपुरकाे हेटौंडामा हुने भनिएकाे राष्ट्रिय भेला तथा टेक्निकल सेमिनारकाे लागि तालिम तथा प्रशिक्षण विभागबाट अर्जुन बहादुर विककाे हस्ताक्षरित पत्र बनेको छ ।

Ad

प्रतिक्रिया दिनुहोस

Ad