Namaste Icon
Ad

चिनियां राष्ट्रपति सी को सुरक्षाको मुख्य जिम्मा नेपाली सेनालाई

चिनियां राष्ट्रपति सी को सुरक्षाको मुख्य जिम्मा नेपाली सेनालाई

काठमाडौं । राष्ट्रपति विद्यादेवी भण्डारीको निमन्त्रणामा असोज २५ मा नेपाल भ्रमणमा आउन लागेका चिनियां राष्ट्रपति सी जिङपिङको सुरक्षाको मुख्य जिम्मा नेपाली सेनालाई दिइएको छ । नेपाली सेनाको नेतृत्वमा नेपाल प्रहरी, सशस्त्र प्रहरी र राष्ट्रिय अनुशन्धान विभाग रहने गरी सुरक्षा प्रबन्ध मिलाईएको छ । सरकारले चिनियां राष्ट्रपतिलाई उच्चस्तरीय सुरक्षा दिने निर्णय सरकारले गरिसकेको छ । त्यसका साथै उनको सुरक्षाका लागी चीनवाट समेत सुरक्षाकर्मी आउनेछन् । सरकारले जुनसुकै मुलुकका सरकार प्रमुखहरु आउंदा पनि उच्चस्तरिय सुरक्षा दिंदै आएको छ ।

नेपाली सेनाले सुरक्षाको जिम्मा पाएसंगै काठमाडौं उपत्यकामा सेना परिचालित भइसकेको छ । नेपाली सेनाका युद्धकार्य महानिर्देशक उपरथी प्रभुराम शर्माले भ्रमणको सुरक्षाको कमाण्ड सम्हालेका छन् । उनकै नेतृत्वमा तीनै सुरक्षा निकाय परिचालित भइसकेका छन् । काठमाडौंमा मात्रै पांच हजार सेना परिचालित छन् । रिजर्व फोर्स र स्टेण्ड वाई अवस्थामा पनि सुरक्षाकर्मी राखिनेछ् । चिनियां राष्ट्रपतिको सुरक्षा पहिलो घेरमा सेना,दोस्रोमा नेपाल प्रहरी, तेस्रोमा सशस्त्र प्रहरी र चौथोमा गुप्तचर विभाग रहेनछ । त्यसैगरी सैनिक हेलिकोप्टरले समेत स्कर्टिङ्ग गर्ने प्रवन्ध मिलाईएको छ ।

Ad

सम्बन्धित समाचारहरु

महरा रिहा भएपछि रोशनीको प्रतिक्रिया, ‘दुबैले न्याय पायौँ’

काठमाडौं । संसद सचिवालयकी कर्मचारी रोशनी शाहीले निवर्तमान सभामुख कृष्णबहादुर महराले न्याय पाएको प्रतिक्रिया दिएकी छन् । सोमबार काठमाडौँ जिल्ला अदालतले बलात्कार प्रयासको मुद्दामा महरालाई सफाइ दिएपछि शाहीले यस्तो प्रतिक्रिया दिएकी हुन् । शाहीमाथि बलात्कार प्रयास गरेको आरोपमा महरा १९ असोजमा पक्राउ परेका थिए ।

बिरामी नानू दानीको उपचार गर्न सहयोग

बिरामी नानू दानीको उपचार गर्न सहयोग

काठमाडौं । हाम्रो नारेश्वर हामी घलाङ्गी टिमको अभियान मार्फत टिचिङ अस्पतालमा किड्नीको पत्थरीको अपरेशन गराईरहेकी नानू दानीलाई रु ४०,००० सहयोग गरेको छ । गोरखा नगरपालिका ३ निवासी आदरणिय दाजु गोपाल दानीकी जीवन संङ्गिनी नानू दानी को उपचारमा सहयोग स्वरुप उक्त रकम टिचिङ अस्पताल को प्राङ्गणमा एक कार्यक्रमका बीच प्रदान गरिएको हो ।

Ad

प्रतिक्रिया दिनुहोस

Ad