Namaste Icon
Ad
Ad

‘पानी र दालमोठको भरमा दिनभर कोरस नृत्य गरिन्थ्यो’

‘पानी र दालमोठको भरमा दिनभर कोरस नृत्य गरिन्थ्यो’

काठमाडौं । काभ्रे जिल्ला नवबुद्ध नगरपालिका (साविकको मेथिन्कोट गाविस) मा जन्मिएका एस के (सुरेन्द्र कुमार) दाहाल हाल नेपाली लोक सांगितिक क्षेत्रमा चर्चित मोडल हुन । २०६२ सालको एसएलसी पछि काठमाडौंमा आएका दाहालले आधुनिक गीत, नेपाली फिल्म र लोकगीतमा गरी करिब ४ सयको हाराहारीमा नृत्य प्रस्तुत गरिसकेका छन ।

कोरस नृत्यबाट आफ्नो अभिनय सुरु गरेका उनले हालसम्म ३ सयभन्दा बढिमा मोडलको भुमिका निवार्ह गरेका छन । दाहालले पहिलो मुख्य ‘भुमिका पूर्णिमाको जुनमा पनि दाग छ’ लोक गीतको म्युजिक भिडियोबाट सुर गरेका थिए । उनले नेपाल टेलिभिजनबाट प्रसारण हुने मेरी बास्सै, जिरे खुर्सानी लगायत आधा दर्जन भन्दा बढि टेलिसिरियलहरुमा पनि आफ्नो क्षमता प्रस्तुत गरिसकेका छन् ।

दाहाल पछिल्लो समयमा नेपाली मोडलिङ क्षेत्रमा बढ्दै गएको विकृति प्रति असन्तुष्ट पनि छन । उनि भन्छन् ‘ यहि क्षेत्रमा रुचि राख्ने नयाँ र पैसा नभएका व्यक्तिहरुलाई ठाउँ पाउन गाह्रो छ । यो हाम्रा लागि चुनौतिको विषय हो । नेपाल चलचित्र संघ जस्तै यस क्षेत्रमा पनि नियमन गर्ने निकायको आवश्यक छ ।’ केहि संघसंस्थाहरु भए पनि खासै उल्लेखनिय काम नभएको दाहालको भनाई छ ।

एक त नियमन गर्ने निकाय नहुदाँ र भएका संघसंस्थाहरुले पनि प्रभावकारी रुपमा काम गर्न नसक्दा यस क्षेत्रमा जस्तासुकै व्यक्तिको प्रवेश भएको दाहालको दाबी छ । यसले गर्दा यसै क्षेत्रमा रुचि राख्ने, क्षेमता भएका, यसमै केहि गर्छु भन्ने तर पैसा नभएका व्यक्तिका लागि अवसर कम भएको उनी बताउछन ।

नेपाली मोडलिङ क्षेत्रमा चासो राख्ने जो कोहिलाई पनि नृत्य सिकेर मात्र यो क्षेत्रमा प्रवेश गर्न आग्रह दाहालको छ । यसरी सिकेर वा केहि ज्ञान बटुलेर आँउदा आईपर्ने समस्या तथा चुनौतिलाई समाधान गर्न सकिने पनि उनको भनाई छ ।

नेपाली मोडलिङ क्षेत्रमा काम गर्दा निकै संघर्ष गरेका उनले चैत बैशाखको टन्टलापुर घाममा कोरस नृत्य गर्दाको अविष्मरणीय क्षण पनि सम्झिछन । दाहाल भन्छन ‘नगरकोटको डाडाँमा पानी र दालमोड खाएर पनि कोरस नृत्य गरेको छु ।’

दाहालले हालसम्म आधा दर्जन भन्दा बढि अवार्डबाट पनि सम्मान पाईसकेका छन् । हाल उनले आफ्नो रेष्टुरेन्ट व्यवसायमार्फत केहि व्यक्तिलाई रोजागारी समेत दिईरहेका छन ।

दर्पण दैनिकका केशर विश्वकर्मासँगको कुराकानीमा आधारित

Ad

सम्बन्धित समाचारहरु

जति सक्दो तितेपााति खेती गर्नुस, प्रतिकेजि रु ५० मा हामी किन्छौं - डां ईश्वर बलामी

काठमाडौं । जापानको आर्कषक तलब छोडेर आफ्नै जन्मभुमिमा सम्भावना देखेर नेपाल आएका सहयोगी भावानाका डां ईश्वर बलामीले हाल काठमाडौंको सितापाईलामा तितेपाति बाट विभिन्न औषधी बनाएर जापान पठाई रहेका छन ।

सरकारको नजरमा पर्न सकेन् पुष्प व्यवसाय - कुमार कसजु श्रेष्ठ

फूल भन्ने वित्तिकै सबैको मन फुरुङग हुन्छ । फूलले सबैलाई आनन्द दिन्छ । आझ भनौं नेपालको परिवेशमा त मानिस जन्मे देखि मृत्युपर्यन्तसम्म जुनकुनै कार्यका लागी पनि फूलको आवश्यकता पर्छ । फूलले दिने सुगन्धदेखि सुसजावटमा मानिसहरु लोभिएका हुन्छन । तर पछिल्लो समय कोरोना महामारीको कारण सबै क्षेत्र प्रायः ठप्प छन । पुष्प व्यवसाय पनि यो महामारीबाट टाढा रहन सकेको छैन । कस्तो छ त पुष्प व्यवसायको अवस्था, समस्या, चुनौती र समाधानका उपायहरु लगायतका विषयमा रहेर फ्लोरिकल्चर एसोसिएसन नेपालका अध्यक्ष कुमार कसजु श्रेष्ठसँग दर्पण दैनिकका लागि केशर विश्वकर्माले गरेको कुराकानीः

Ad

प्रतिक्रिया दिनुहोस

Ad
Ad
Ad
Ad
Ad
Ad
Ad