Namaste Icon
Ad
Ad

बर्दगोरियामा एमआइएस अपरेटर छनोटको नतिजामा गम्भीर त्रुटि

बर्दगोरियामा एमआइएस अपरेटर छनोटको नतिजामा गम्भीर त्रुटि

कैलाली । बर्दगोरिया गाउँपालिकाले प्रकाशन गरेको एमआईएस अपरेटर पदको छनोट नतिजा त्रुटिपूर्ण भेटिएको छ । गाउँपालिकाले कार्तिक १८ मा प्रकाशन गरेको नतिजामा सहभागी उम्मेदवारको नाम नै गलत भएको छ ।

बिभागको सर्ट लिष्ट अनुसार छनोटमा परेका रोल नम्बर ९६७ का भिमबहादुर पुनमगरको नाम खिमबहादुर पुन भएको हो । बैकल्पिक उम्मेदवारको योग्यता सूचीमा परेका उम्मेदवारको नाम नै गलत देखिएपछि छनोट परीक्षा माथि आशंका उब्जिएको हो ।

सामाजिक सुरक्षा तथा व्यक्तिगत घटना दर्ता प्रणाली सुदृढीकरण आयोजना अन्तर्गत एमआईएस अपरेटरको बिभागको सर्टलिस्टमा योग्यताक्रम अगाडी परेका सहभागी नतिजामा प्रकाशनका क्रममा बैकल्पिक सूचीमा आएपछि असन्तुष्ट छन् ।

प्रशासकीय अधिकृत संयोजक रहेको पदपूर्ती समितिले जनशक्ति छनोट मापदण्ड २०७६ अनुसार बिभागको संक्षिप्त्त सूचीको प्राप्तांक, कम्प्युटर सीप परीक्षण र अन्तर्वार्ताको औषत प्राप्तांकको कुल नतिजा बमोजिम योग्यताक्रम निर्धारण गरेको जनाएको छ ।

राष्ट्रिय परिचयपत्र तथा पञ्जिकरण विभागले एमआईएस अपरेटर र फिल्ड सहायकको सर्टलिस्ट असोज १४ मा सार्वजनिक गरेको थियो । संक्षिप्त सूची एमआईएस अपरेटर ४ जना र फिल्ड सहायक ३ जनाको कम्प्युटर सीप परीक्षण र अन्तर्वार्ता परीक्षा लिइएको थियो । बिभागले व्यक्तिगत घटना दर्ता प्रणाली सुदृढीकरण आयोजना अन्तर्गत गएको भाद्र १७ मा देशैभरका स्थानीय तहमा जनशक्ति माग गरेको थियो ।

हेर्नुहोस् बिभागको सर्ट लिष्ट र नतिजा

 

 

 

Ad

सम्बन्धित समाचारहरु

दशकपछि श्रीमतीलाई प्रेम पत्र

दशकपछि श्रीमतीलाई प्रेम पत्र

प्रिय जीवन साथी,                              मैले तिमीलाई आज वैवाहिक जिवनको एक दशकपछि पहिलो पटक प्रेम पत्र लेख्ने दुस्प्रयास गरेकोछु । आशा छ, यो प्रेम पत्र तिमीले पुरै पढ्नेछ्यौं । हिमाल जस्ता सेतासेता कापीका पानाहरुमा कश्मीर रूपी काला अक्षरहरु सजाउदै, नागवेली वाक्यांसमा शब्दका पुष्पगुच्छा रुपि माला गाँस्ने प्रयासरत छु । मेरो जिवनका हरेक सपना, चाहाना, खुशी सबै– सबै तिमीलाई समर्पणगरी जिन्दगीको यात्रामा सहयात्रागरी आत्मीयता र सामिप्यता गाँस्दै गाँस्दै हाँसो आँसु उकाली ओराली जीवन संर्घषको उत्कर्षमा छु म, तिमी पनि छौं, वा हामी छौं । लामो स्वास फेर्न मन लाग्यो उफ ! अरु अरुले कुरागरेको मैले सुनेको थिए, अनि पढेको थिए, श्रीमान र श्रीमती एउटा सिक्काका दुईटा पाटा हुन अरे ! अनि एउटा रथका दुईटा पाङ्ग्रा पनि, मैले त्यो सधै महशुस गर्छु ।

क्वारेन्टाइनबाट स्वास्थ्य जाँचबिना धमाधम घर पठाइयो

क्वारेन्टाइनबाट स्वास्थ्य जाँचबिना धमाधम घर पठाइयो

गोविन्द बीसी, बौनिया । कैलालीको बर्दगोरिया गाउँपालिकाले क्वारेन्टाइनमा राखिएकालाई स्वास्थ्य जाँचबिनै धमाधम घर पठाएको छ । नेपालको पूर्वी जिल्लाका विभिन्न स्थानबाट काम गरि घर फर्किएका उनीहरूलाई दुई सातासम्म क्वारेन्टाइनमा राखेर घर पठाइएको हो । कोरोना भाइरसको संक्रमण भएरनभएकोबारे पत्ता लगाउन आवश्यक पर्ने र्‍यापिड डायग्नोस्टिक टेस्ट ९आरडीटी० किट अभाव भएपछि परीक्षण नगरिएको बताइएको छ । गाउँपालिकाको वडा नम्बर–१ स्थित महुन्याल मावि बाँस्कोटीमा राखिएका १३ जना, बसन्त मुरारी मावि बौनियाबाट १४ जना, वडा नम्बर–३ को जगदम्बिके भगवती मावि क्वारेन्टाइनबाट ११ जना, वडा नम्बर–४ माध्यमिक विद्यालय कोटातुल्सिपुरबाट १२ जना गरि सोमबार मात्रै ५० जनालाई घर पठाइएको छ ।

Ad

प्रतिक्रिया दिनुहोस

Ad
Ad
Ad
Ad
Ad