Namaste Icon
Ad
Ad

विद्यालयको काम अस्त–ब्यस्त : प्रअ खड्का घुम–घाममा व्यस्त

विद्यालयको काम अस्त–ब्यस्त : प्रअ खड्का घुम–घाममा व्यस्त

कैलाली । विद्यालयको कामलाई अस्तब्यस्तको अवस्था छोडेर एक सरकारी विद्यालयका प्रधानाध्यापक भारत घुम्न गएका छन् । जिल्लाको बर्दगोरिया गाउँपालिका वडा ३ मा रहेको जगदम्बिके भगवती माविका प्रधानाध्यापक नेत्रबहादुर खड्का भारत घुम्न गएका हुन् । खड्का विद्यालयमा हालसम्म अनुपस्थित छन् । परिवारसंगै तिहार अघि नै भारत घुम्न गएका उनी विद्यालय खुलेको ७ दिन भैसक्दा पनि अनुपस्थित भएपछि अभिभावकको यसप्रति चासो बढ्न थालेको हो ।

प्रअ खड्काकी श्रीमती लक्ष्मी कुमारी बिनाडी (खड्का) समेत बिदा स्वीकृत नगरी बिदामा छन् । उनी सोही विद्यालयको बालबिकास शिक्षक हुन् । उनले आफ्नो सामाजिक संजाल (फेसबुक) मा मुम्बई घुम्न गएको तस्बिर पोस्ट गरेकी छन् ।

विद्यालय ब्यवस्थापन समिति विघटन भएको अवस्थामा नियमानुसार लिखित बिदा स्वीकृत नै नगरी बिदामा बसेपछि प्रअ खड्काको मनोमानी प्रवृत्तिले अभिभावक आक्रोशित छन् ।  गएको असोज ७ गते बोलाइएको अभिभावक भेलामा ब्यवस्थापन समितिको चयन प्रक्रियामा अभिभावकको नामावली प्रकाशन र विद्यार्थी भर्नाको विषय बिवादित भएपछि गठन प्रक्रिया स्थगित भएको थियो ।

शिक्षा नियमावली २०५९ अनुसार विद्यालयको प्रशासकीय प्रमुखले एकपटकमा तीन दिनसम्म नबढाई पर्व वा भैपरि आउने बिदा आफैले लिन सक्ने उल्लेख छ । सो भन्दा बढी बिदा लिनुपरेमा ब्यवस्थापन समितिलाई लिखित जानकारी गरि स्वीकृत गर्नुपर्छ । परिच्छेद १९ को नियम १०६ मा शिक्षकको बिदा तथा काज सम्बन्धि ब्यवस्था उल्लेख छ ।
नियम १०७ बमोजिम प्रधानाध्यापकको विद्यालय ब्यवस्थापन समितिले र शिक्षकको बिदा प्रअले स्वीकृत गर्ने प्रावधान रहेको छ ।

महिनौंदिन भैसक्दा पनि ब्यवस्थापन समिति गठन प्रक्रियालाई अन्यौलको स्थितिमा राखेर प्रअ भारत गएपछि कहिले गठन प्रक्रिया हुन्छ ? भन्नेमा अभिभावक प्रखाइमा छन् ।

तत्कालिन विद्यालय ब्यवस्थापन समितिबाट २०७२ बैशाख २७ मा प्रअ खड्काको राजीनामा स्वीकृत भैसकेको भएपनि पछिल्लो समय अनियमितता बढ्न थालेको हो । शिक्षा नियमावलीको प्रावधान बमोजिम प्रअले हरेक ५ वर्षमा सो पदका लागि ब्यवस्थापन समितिमा प्रस्ताव गरि पुनः नियुक्तिको निर्णय गर्नुपर्ने ब्यवस्था समेत छ तर, यो प्रक्रिया समेत हुन सकेको छैन ।

यसअघि प्रअ खड्काले गरेका आर्थिक र प्रशासनिक अनियमितताको विषयमा गाउँपालिकामा कार्वाहीको लिखित उजुरी परेको भएपनि छानबिन गर्नतर्फ सम्बन्धित निकाय मौन देखिएको छ । प्रअ खड्काले महिला राहत शिक्षक नियुक्तिमा किर्ते दस्तखत गरि तलबमा भ्रष्टाचार गरेको, शैक्षिकसत्र २०७५ को कक्षा(८ को नतिजा प्रकाशनमा अनियमितता गरेको, प्रअको राजीनामा स्वीकृती भएको, बिज्ञान प्रयोगशालाको रकम, मावि अनुदानमा शिक्षक नियुक्ति, भवन र शौचालय निर्माणमा ठेकदारबाट रकम असुली लगायतका शीर्षकमा शिक्षा नियमावली बिपरित काम गरेको आरोप छ ।

 

के भन्छन् सम्बन्धित पक्ष:
सोही विद्यालयका पूर्व विद्यालय ब्यवस्थापन समिति अध्यक्ष रामबहादुर चौधरीले प्रअ खड्काको बिदा आफूले स्वीकृत गरेको बताए । पद रिक्त अवस्था तपाईंले स्वीकृत गर्न मिल्छ त रु भनी पत्रकारले सोधेको प्रश्नमा ब्यवहारिक रूपमा स्वीकृत गरिएको अस्पष्ट प्रतिक्रिया दिए ।

यता, गाउँपालिका कार्यालयले प्रअ खड्का मनोमानी ढंगले बाहिर गएरनगएको विषयमा छानबिन गरिने जनाएको छ ।
गाउँपालिका अध्यक्ष बलिराम डंगौराले सम्बन्धित शिक्षा शाखा प्रमुखहरूलाई विद्यालयको निरीक्षण गर्न र सत्यतथ्य बुझ्न निर्देशन दिएको बताए ।

गाउँपालिका शिक्षा शाखाका प्राविधिक सहायक निरिखनन्दन लालकर्णले भने प्रअ खड्काको बिदाको पत्र अफिसमा छोडेर गएको भन्ने बुझिन आएको बताए । सोही विद्यालयमा कार्यरत एक शिक्षकले लिखित प्रशासनिक जिम्मेवारीको पत्र समेत कुनै शिक्षकलाई नदिइएको बताए ।

विद्यालयलाई ब्यवस्थित, अनुशासित र मर्यादित वातावरणमा सञ्चालन गर्न विद्यालयको प्रशासकीय प्रमुखको महत्त्वपूर्ण भूमिकामा रहन्छ । शैक्षिक, आर्थिक नीति तथा कार्यक्रम लागू गर्ने जिम्मेवारी समेत प्रअको नै हो । शैक्षिक वातावरण स्वच्छ राख्नुपर्ने पदीय जिम्मेवारीमा रकेका प्रअबाट नै आचारसंहिता उलंघन भएपछि पठनपाठन समेत प्रभाव पर्ने देखिएको छ ।

Ad

सम्बन्धित समाचारहरु

बिहारबाट आएका लेलेका ३ जनाको पिसीआर रिपोर्ट नेगेटिभ

बिहारबाट आएका लेलेका ३ जनाको पिसीआर रिपोर्ट नेगेटिभ

ललितपुर। एक हप्ताअघि भारतको बिहारबाट आएका गोदावरी नगरपालिका ५ लेलेका ३ जनालाई स्वास्थ्य परीक्षण गरी सेल्फ क्वारेन्टाइनमा राखिएको छ। स्वास्थ्य परीक्षणको क्रममा उनीहरुको रिपोर्ट नेगेटिभ आएपछि उनीहरुलाई सेल्फ क्वारेन्टाइनमा बस्नका लागि आग्रह गरिएको वडा नं ५ का वडाध्यक्ष तथा गोदावरी नगरपालिकाका प्रवक्ता मिलन सिलवालले जानकारी दिएका छन्।

बारामा थप १ जनामा कोरोना संक्रमण

बारामा थप १ जनामा कोरोना संक्रमण

दिपेन्द्र जयसवाल, बारा । बारामा आज थप १ जनामा कोरोना संक्रमण पुष्टि भएको छ । बाराको देवताल गाउँपालिकामा १ जनामा कोरोना भाइरसको संक्रमण पुष्टि भएको हो । संक्रमित हुनेमा देवताल गाउँपालिका वडा नम्बर २ का १८ बर्षिय पुरुष रहेका छन । संक्रमित गत जेठ १६ गते भारतको दिल्लीबाट नेपाल आएर क्वारेन्टाइनमा बसेका व्यक्ति रहेको बाराका प्रमुख जिल्ला अधिकारी रुद्रप्रसाद पण्डितले जानकारी दिनु भयो । यो संगै बारामा कोरना संक्रमितको संख्या ६३ रहेको छ जसमध्य एकको मृत्यू भएको छ ।

Ad

प्रतिक्रिया दिनुहोस

Ad
Ad
Ad
Ad
Ad