Namaste Icon
Ad
Ad

धार्मीक एबं पर्यटकीय महत्वको रानीकोट्टा, कसरी पुग्न सकिन्छ ?

धार्मीक एबं पर्यटकीय महत्वको रानीकोट्टा, कसरी पुग्न सकिन्छ ?

विरादत्त भट्ट, दार्चुला । दार्चुला जिल्लाको उत्तर पश्चिमी क्षेत्र ब्यास गाउँपालिकामा पर्ने रानिकोट्टा धार्मीक एबं पर्यटकीय हिसाबले महत्वपुर्ण क्षेत्र रहेको छ । ब्यास गाउँपालिकाको वडा नं ३ क्षेत्रमा पर्ने रानीकोट्टा भगवान शिव र पार्वतीको बसोबास संग जोडीएको स्थानका रुपमा रहेको बताइएको छ । भगवान शिव र पार्वती पृथ्वी लोकमा घुम्न आएका बेला भगवान शिवलाई झुक्याउनका लागी पार्वर्ती लुकेको ठाउँ भनेर रानिकोट्टा क्षेत्र परिचित रहेको स्थानिय पत्रकार मान सिहँ कुवरको भनाई छ ।

धार्मीक एबं पर्यटकीय दृष्टीकोणले महत्वपुर्ण रहेको यस क्षेत्रमा भक्तजन र पर्यटकहरुका लागी ब्यास गाउँपालिकाले पदमार्ग निर्माण गरिरहेको ब्यास गाउँपालिकाका अध्यक्ष दिलिप सिहँ बुढाथोकीले बताए । गाउँपालिकाले गत आर्थिक बर्षमा सिनाको सल्याडी देखि ढुङ्गाखाली सम्म करिब १४ सय मिटर क्षेत्रमा पदमार्ग निर्माण गरेको छ भने यस आर्थिक बर्ष थप बाटो निर्माणका लागी ५ लाख बजेट विनियोजन गरिएको अध्यक्ष बुढाथोकीले बताए । गाउँपालिकाको पहिलो योजना त्यस क्षेत्र सम्म पदमार्ग निर्माण गर्ने र पछि त्यस क्षेत्रमा भक्तजनहरुका लागी बसोबासका लागी भवन निर्माण गर्ने योजना रहेको अध्यक्ष बुढाथोकीकाको भनाई छ ।

समुद्री सतह बाट करिब ४ हजार ४ सय मिटर उचाइमा रहेको रानीकोट्टा क्षेत्रमा रात्री आराधाना गर्ने भक्तजनहरुका लागी बसोबास गर्न प्राकृतिक ओडार रहेको छ । भगवान शिव र पावर्तीको दर्शन पाइने उक्त धार्मीक तिर्थस्थलमा भोकोपेट शुद्ध मनका साथ पुजाआजा गरे मनले चिताएको पुराहुने विश्वास रहेको स्थानिय पत्रकार मान सिहँ कुवरको भनाई छ ।

रानीकोट्टा कसरी पुग्न सकिन्छ ?
रानीकोट्टा पुग्नका लागी दार्चुलाको जिल्ला सदरमुकाम खलंगा बाट उत्तर पश्चिम तर्फ रहेको ब्यास गाउँपालिकाको वडा नं ३ सिना आधार विन्दु हो । सिना बाट पनि रानीकोट्टा पुग्नका लागी विभिन्न बाटाहरु रहेका छन् । सिनामा रहेको प्रसिद्ध धार्मीक तिर्थस्थल गोतु तातोपानी र गोतुखोला हुदै रानीकोट्टा सम्म पुग्ने एउटा बाटो हो भने पारि सिना सल्याडी बाट ढुङकाङ हुदै ब्यास गाउँपालिकाले निर्माण गरेको पदमार्ग हुदै पनि रानीकोट्टा पुग्न सकिन्छ । साथै दुहु गाउँपालिकाको थाइसैन हुदै पनि उक्त क्षेत्रमा पुग्न सकिन्छ ।

भ्रमण बर्ष मनाउने ब्यासको योजना
नेपाल भ्रर्मण बर्ष मनाउनका लागी रानीकोट्टा जस्तै ब्यास गाउँपालिका भरिका धार्मीक एबं पर्यटकीय क्षेत्र उजागर गर्ने योजना रहेको गाउँपालिका अध्यक्ष दिलिप सिहँ बुढाथोकीको भनाई छ । गाउँपालिका भरिका धार्मीक एबं पर्यटकीय क्षेत्र उजागर गर्नका लागी सम्पुर्ण धार्मीक एबं पर्यटकीय क्षेत्रहरुको बृतचित्र (डकुमेन्ट्री) बनाई प्रचार प्रसार गर्ने योजना रहेको गाउँपालिका अध्यक्ष बुढाथोकीले बताए । गाउँपालिकाको निति तथा कार्यक्रममा नै धार्मीक तथा पर्यटकीय क्षेत्रहरुको बृतचित्र बनाएर प्रचार–प्रसार गरि भ्रमण बर्ष सफल पार्ने गाउँपालिकाको योजना रहेको उहाँको भनाई छ ।

नेपाल भ्रमण बर्षलाई लक्षीत गरि गाउँपालिकाले २ ठाउँमा संग्रहालय समेत निर्माण गरिरहेको छ । वडा नं २ को राप्ला र वडा नं ५ को स्याकुमा संग्रहालय निर्माण गरि स्थानिय कला संकृतीको प्रचार–प्रसार गर्ने गाउँपालिकाको योजना रहेको छ ।

संग्रहालयको कार्य अन्तीम चरणमा रहेकोले राप्लामा निर्माण भइरहेको संग्रहालयमा रं भाषा र संसकृतीको उजागर गरिने र स्याकुमा निर्माण भइरहेको संग्रहालयमा प्राचिन तामाको तउलो (तामाको एक प्रकारको भाडो) प्रर्दशनी गर्ने तथा समग्र ब्यास क्षेत्रको कला संसकृतीको संरक्षण गर्ने योजना रहेको गाउँपालिका अध्यक्ष बुढाथोकीले बताएका छन् ।

 

Ad

सम्बन्धित समाचारहरु

आफ्ना १४ बुँदे माग पुरा नभए कडा आन्दोलन गर्ने होटल व्यवसायीको चेतावनी

काठमाडौँ । विश्वव्यापी रुपमा फैलिएको कोरोना महासंकट र लकडाउनका कारण होटल व्यवसायीहरुलाई परेको मर्का र यस सरकारले नदेखाएको भन्दै होटल व्यवसायी महासंघले आफ्ना मागहरु तत्काल सम्बोधन नगरे कडा आन्दोलन गर्ने चेतावनी दिएको छ।

निजगढ बिमान स्थल पहुच मार्ग बनाउन चार हजार २ सय रूख काटिने

दिपेन्द्र जयसवाल, बारा । निजगढ अन्तर्राष्ट्रिय विमानस्थल निर्माणका लागि आवश्यक पर्ने पहुँचमार्ग बनाउन चार हजार २ सय रूख काटिने भएको छ। निजगढ अन्तर्राष्ट्रिय विमानस्थल आयोजना निर्माणका लागि अन्तरनिकाय समन्वय, सहजीकरण एवं आइपरेका समस्या समाधान गर्न निरन्तर क्रियाशील रहने गरी गठित उच्चस्तरीय सहजीकरण समितिको बैठकले कटान स्वीकृतीका लागि वन तथा वातावरण मन्त्रालयले यथाशीघ्र नेपाल सरकार मन्त्रिपरिषद् समक्ष प्रस्ताव पेश गर्ने निर्णय गरेको हो।

Ad

प्रतिक्रिया दिनुहोस

Ad
Ad
Ad
Ad
Ad
Ad
Ad