Namaste Icon
Ad
Ad

बाहुनी र लिम्बुको अन्तरजातीय विद्रोह

बाहुनी र लिम्बुको अन्तरजातीय विद्रोह


काठमाडौँ । घाँस काट्ने बहानामा डोको बोकेर आइन् शारदा, दीपकलाई भेट्न। जिन्दगीकै एक महत्वपूर्ण निर्णयमा कुरा गर्नु थियो।

शारदा पोखरेल (बाहुन) र दीपक आङ्देम्बे (लिम्बु)को प्रेम चलेको केही वर्ष भएको थियो। शारदा र दीपकको घर (हालको पाँचथर, फाल्गुनन्द गापा– १, साबिकको नवमीडाँडा– ७) २० मिनेट दूरीको फरकमा थियो। मेलापात, दाउरा–घाँस गर्दा, बाटोबीचमा देखभेट हुँदा यी दुई एकअर्काको प्रेममा परेका थिए। उनीहरुको प्रेम गुपचुप चलिरहेको थियो। एक्कासि शारदाको परिवारले शारदाको बिहे छिनिदियो, अर्कै केटासँग।

२०५७ फाल्गुन १९ गते बिहे हुने कुरा फागुन ७ गते नै छिनिएको थियो, बिहे हुन १२ दिन बाँकी थियो। बिहे छिनिएको थाहा पाएलगत्तै दीपकले भेट्न आउनका लागि शारदालाई खबर पठाएका थिए।

त्यो भेटमा लामो कुराकानी भयो। आफूहरूको मायापिरती कुनै आवेश, उन्माद वा पलभरको रमाइलो मात्र नभएर आत्मनिर्णय हो भन्नेमा दुवै स्पष्ट थिए। प्रेम छँदै थियो, मात्र निर्णय बाँकी थियो। त्यतिबेला समाजमा चर्को जातीय विभेद थियो। बाहुनकी छोरी र लिम्बुको छोराको मागी विवाह सम्भवै थिएन। त्यसैले उनीहरू केही समयका लागि समाजबाट भाग्नैपथ्र्यो। त्यतिबेला दीपक २२ र शारदा २० की थिइन्। आफ्नो प्रेमलाई मूर्त रूप दिने निर्णय लिन उनीहरू सक्षम थिए।
दीपकले प्रस्ताव गरे– भागेर बिहे गरौँ।

शारदाले सहजै स्विकारिन्। त्यतिबेला उनी फिदिम बसेर पाँचथर बहुमुखी क्याम्पसमा पढ्थिन्। उनले घर–परिवारलाई भनिन्, ‘दुई–चार दिनका लागि भए पनि फिदिम जान्छु र पढ्छु।’

परिवारले उनलाई बिदा दियो। उनी फिदिम गइन्। यता, दीपक पनि एकजना साथी लिएर सुटुक्क फिदिम पुगे। अहिलेजस्तो सडक थिएन, हिँडेर जानुपथ्र्यो। फागनु १० गते फिदिममा भेटिएर उनीहरू काठमाडौंतिर लागे। यसरी यिनीहरूको अनौपचारिक बिहे भयो, समाज र परिवारले स्विकारेर यो बिहेले औपचारिकता पाउन भने केही समय लाग्यो।

अहिले यो जोडीले फिदिम– २ पल्लोटारमा इँटा उद्योग लगायतका व्यवसाय चलाएको छ। मंगलबार दिउँसो त्यहीँ भेटिएका यी जोडीले दुई दशक अघिको आफूहरूको प्रेमकथा सम्झिए। पुराना दिन सम्झँदै उनीहरू दुवै घरी हाँस्थे, घरी एकअर्कालाई जिस्क्याउँथे त घरी गम्भीर हुन्थे।

‘कति कुरा बिर्सिइयो। कति कुरा सम्झिएर पनि काम छैन। बाहुनकी छोरीले लिम्बुको छोरासँग भागेर बिहे गर्न सजिलो थिएन,’ शारदा भन्छिन्, ‘बिहे गरेको आज १९ वर्ष भयो। नानीहरू हुर्किसके। तर, त्यो समाजले गरेको व्यवहार अझै ताजा छ।’ नागरिक न्युजमा गिरिराज बाँस्कोटाले यो फिचर लेखेका छन् ।

Ad

सम्बन्धित समाचारहरु

चौरजहारी हत्याकाण्डः प्रहरीको अनुसन्धानमाथी संसदीय समितिको प्रश्नै प्रश्न

काठमाडौं । ‘सोती घटना छानविन संसदीय विशेष समिति’ ले रुकुम पश्चिम जिल्लाको चौरजहारी नगरपालिकामा भएको सामुहिक हत्याकाण्डको मुख्य कारण जातीय विभेद भएको निष्कर्ष निकालेको छ । सोतीमा ६ युवाको मृत्य र १२ जना घाइते हुनेगरी भएको घटनाको एक महिना अनुसन्धान गरेर तयार पारेको प्रतिवेदनमा समितिले प्रहरीको अनुसन्धानमा समेत प्रश्नैप्रश्न खडा गरिदिएको छ ।

सोती घटनाको प्रतिवेदन सभामुखलाई बुझाइयो

सोती घटनाको प्रतिवेदन सभामुखलाई बुझाइयो

काठमाडौं । सभामुख अग्निप्रसाद सापकोटालाई रुकुम पश्चिम जिल्लाको चौरजहारी नगरपालिका, सोती घटना छानबिन संसदीय विशेष समितिले आज घटनाको प्रतिवदेन बुझाएको छ । अन्तरजातीय प्रेम सम्बन्धको विषयलाई लिएर गत जेठ १० गते स्थानीय व्यक्तिहरुको साङ्घातिक आक्रमणमा परी नवराज विकसहित छ जनाको मृत्यु भएको थियो ।

Ad

प्रतिक्रिया दिनुहोस

Ad
Ad
Ad
Ad
Ad
Ad
Ad