लालकिल्ला मानिएको धरानमा कांग्रेसका तिलक राई विजयी

लालकिल्ला मानिएको धरानमा कांग्रेसका तिलक राई विजयी

सुनसरी । धरान उपमहानगरको प्रमुख पदमा नेपाली कांग्रेसका तिलक राइले ऐतिहासिक जित दर्ता गरेका छन्। २०४६ सालपछाडि भएका जस्तोसुकै चुनावमा बामपन्‍थीले जित्दै आएको धरानमा योपटक भने प्रमुख पदमा काङ्ग्रेसले ऐतिहासिक बाजी मारेको हो।

मेयर पदमा निर्वाचित भएका तिलकले २६ हजार ७ सय ९ मत ल्याए भने नेकपाका प्रकाश राईले २३ हजार ९ सय १४ मत ल्याएका हुन्। ९२ हजार ८ सय ५३ मतदाता भएको धरानमा ५९।४९ प्रतिशत मत खसेको थियो। मेयरमा निर्वाचित तिलक राई २०७४ सालको चुनावमा एमालेका तारा सुब्बासँग ४ हजार ८ सय ७३ मतले पराजित भएका थिए।

अघिल्लो चुनावमा १६ हजार १ सय २ मत पाएका तिलकले यो पटक भने बढी मत पाएका हुन्। मतगणना भएको सुरुवाती चरणमा मात्र झिनो मतले लिड गरेका प्रकाश राई त्यसपछि निरन्तर तिलक राईको पछि नै परेका थिए। साविक चुनावमा वामपन्‍थी समूहले जितेका ९ वटा वडामा कांग्रेसले बढी मत पाएको छ।

Ad

सम्बन्धित समाचारहरु

देवीदेवताको श्रीसम्पत्ति खोज्दै सत्य विश्व भूमी पार्टी

काठमाडौं । सत्य विश्व भूमी पार्टी नेपाल घोषण गरिएको छ । बिहीबार रिपोर्टर्स क्लब नेपालमा पत्रकार सम्मेलन गर्दै विश्व भूमी भक्त गुरु होम बहादुर कार्कीको नेतृत्वमा उक्त पार्टीको घोषणा गरिएको हो । ‘सरकारले जनतामाथि लगाएको दोहोरो कर खारेजी’ गर्नुपर्ने मुख्य उद्देश्य राखेर आफूहरुले नयाँ पार्टी जन्माएको कार्कीले जानकारी दिए । त्यस्तै, अरवौं रुपैयाँको देवीदेवताको श्रीसम्पत्ति पनि आफ्नो पार्टीले खोजतलास गर्ने कार्कीले स्पष्ट पारे ।

चेतनाको कमिले उपभोक्ताहरु ठगिएः मन्त्री भट्ट

चेतनाको कमिले उपभोक्ताहरु ठगिएः मन्त्री भट्ट

काठमाडौं । उद्योग वाणिज्य तथा आपूर्तिमन्त्री लेखराज भट्टले चेतनाको कमिका कारण उपभोक्ताहरु ठगिने गरेको बताएका छन् । बजार व्यवस्थापन तथा उपभोक्त संरक्षणमा संघ, प्रदेश र स्थानीय तहबीचको समन्वयसम्बन्धी अन्तरक्रिया कार्यक्रममा मन्त्री भट्टले यस्तो बताएका हुन् ।

Ad

प्रतिक्रिया दिनुहोस