Namaste Icon
Ad
Ad

प्रधानमन्त्रीलाई थप उपचारको लागि अमेरिका लैजान छलफल

प्रधानमन्त्रीलाई थप उपचारको लागि अमेरिका लैजान छलफल

काठमाडौँ । प्रधानमन्त्री केपी शर्मा ओलीको मृगौला प्रत्यारोपण सहित थप उपचारको लागि अमेरिका लैजानको लागि छलफल सुरु भएको छ । मनमोहन कार्डियोथेरापिक भास्कुलर एण्ड ट्रान्सप्लान्ट सेन्टरमा एपेन्डिसाइटिसको शल्यक्रियापछि प्रधानमन्त्री ओलीको स्वास्थ्यमा सुधार आइरहेको छ। अस्पतालबाट डिस्चार्ज गरेपछि मिर्गौला प्रत्यारोपणका लागि अमेरिका लैजान चिकित्सक र नेकपा शीर्ष नेताबीच छुट्टाछुट्टै छलफल भएको छ।

‘मिर्गौलाको कार्यक्षमतामा पूर्ण ह्रास नआउँदै एकपटक विदेश लैजाने तयारी छ’, उपचारमा संलग्न एक चिकित्सकले भने।प्रधानमन्त्री ओलीको एक सातामै दुईपटक डायलासिस गरिसकिएको छ। नेकपाका एक सचिवालय सदस्यले प्रधानमन्त्री ओलीलाई उपचारका लागि विदेश लैजान आन्तरिक छलफल भइरहेको बताए। ‘अमेरिका नै लैजाने कि अमेरिकी चिकित्सकलाई नेपालमै झिकाएर उपचार गराउने भन्नेमा छलफल भइरहेको छ’, ती नेताले अन्नपूर्णसँग भने, ‘अमेरिका लैजाने सम्भावना बलियो छ।’

केही साताअघि प्रधानमन्त्री ओलीका निजी चिकित्सक डा। दिव्यासिंह शाह अमेरिकाबाट फर्केकी थिइन्। वरिष्ठ मिर्गौला रोग विशेषज्ञसमेत शाहले निजी कार्यक्रमका लागि अमेरिका गएको बताए पनि उनले त्यहाँ प्रधानमन्त्री ओलीको स्वास्थ्य अवस्थाबारे विज्ञ चिकित्सकसँग छलफल गरेको बताइएको छ। प्रधानमन्त्री ओलीलाई मिर्गौला दिन तयार पारिएका नातेदार हाल अमेरिकामै छन्। नातामा भान्जे पर्ने व्यक्ति प्रधानमन्त्री ओलीलाई मिर्गौला दिन तयार रहेको बताइएको छ।

प्रधानमन्त्री ओलीको एक महिना अवधिमा सातपटक डायलासिस गरिसकिएको छ।भारतीय प्रधानमन्त्री नरेन्द्र मोदीले प्रधानमन्त्री ओलीको थप उपचारका लागि जस्तोसुकै सहयोग गर्न तयार रहेको ‘फस्र्ट पर्सन नोट’ पठाउँदै शनिबार स्वास्थ्य लाभको कामना गरेका थिए। ०६४ सालमा प्रधानमन्त्री ओलीले भारतमा मिर्गौला प्रत्यारोपण गराएका थिए।

Ad

सम्बन्धित समाचारहरु

अयोध्या र भगवान रामप्रति ओलीको अभिव्यक्तिप्रति बामदेवले मुख फोरे

काठमाडौँ । सत्तारुढ दल नेपाल कम्युनिष्ट पार्टी नेकपा का उपाध्यक्ष बामदेव गौतमले प्रधानमन्त्री एबम पार्टी अध्यक्ष केपी शर्मा ओलीको भारतको अयोध्या नेपालमै रहेको र भगवान राम नेपाली हुन् भन्ने अभिव्यक्तिप्रति मुख खोलेका छन्। सामाजिक संजालमार्फत्मुख खोल्दै गौतमले ओलीलाई यो विषयमा नबोल्न आफूले दुई वर्ष अघिनै सुझाव दिएको खुलासा गरे।

ओली -प्रचण्डबीच बालुवाटारमा छलफल चल्दै

ओली -प्रचण्डबीच बालुवाटारमा छलफल चल्दै

काठमाडौँ। प्रधाननमन्त्री एवम् नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’ बीच भेटवार्ता सुरू भएको छ।

Ad

प्रतिक्रिया दिनुहोस

Ad
Ad
Ad
Ad
Ad
Ad
Ad