Namaste Icon
Ad
Ad

अन्तराष्ट्रिय शक्ति केन्द्रसम्म सिद्धबाबाको सञ्जाल

अन्तराष्ट्रिय शक्ति केन्द्रसम्म सिद्धबाबाको सञ्जाल

इटहरी । बलात्कार गरेको आरोप लागेका सुनसरी चतराका सिद्धबाबा भनिने कृष्णदास गिरीको सञ्जाल–सम्पर्क तथा पहुँच देशी–विदेशी शक्ति–केन्द्रसम्म रहेको पाइएको छ। गिरीले आफूलाई आयुर्वेद, गौपालन, विज्ञान, धर्म–दर्शनका ज्ञाता र विभिन्न विश्वविद्यालयबाट विद्यावारिधि गरेकोे बताएर विभिन्न धार्मिक तथा आध्यात्मिक गतिविधि गर्दै आएका छन्। यी गतिविधि गर्दा उनले राष्ट्रपति, राजनीतिक दलका शीर्षनेता, मन्त्री, सुरक्षा निकायका प्रमुख, कूटनीतिक नियोगका प्रमुखसँगै विदेशी शक्ति–केन्द्रलाई समेत ‘कन्भिन्स’ गरेर ल्याउँथे। नामुद व्यापारी, समाजसेवी, नागरिक समाजका अगुवा त उनले निम्तो गर्नसाथ आश्रममा पुग्थे।

गिरीले २०६४ सालमा चतरामा आयुर्वेदिक स्वास्थ्य साधना शिविर सञ्चालन गरे। त्यो बेला क्रान्तिकारी कम्युनिस्ट नेता पुष्पकमल दाहाललाई झिकाएर भैंसी पूजा गराए। दाहालपछि आयुर्वेदिक विश्वविद्यालयको शिलान्यास गर्न नेपालका लागि तत्कालीन भारतीय राजदूत रञ्जित रेलाई डाके। थुपै्रपटक मन्त्री भएका र अहिले बलात्कार आरोपमै पुर्पक्ष थुनामा कारागारमा रहेका निवर्तमान सभामुख कृष्णबहादुर महरा पनि गिरीको आश्रममा आशीर्वाद लिन आएका थिए। अमर खड्काले आजको नागरिक दैनिकमा खबर लेखेका छन् ।

Ad

सम्बन्धित समाचारहरु

थप तीन ट्राफिक प्रहरीमा कोरोना संक्रमण पुष्टि

थप तीन ट्राफिक प्रहरीमा कोरोना संक्रमण पुष्टि

काठमाडौं । ट्राफिक महाशाखामा कार्यरत थप तीन जना ट्राफिक प्रहरीमा कोरोना संक्रमण पुष्टि भएको छ। यसअघि दुई जना ट्राफिकमा कोरोना संक्रमण भएपछि उनीहरुको सम्पर्कमा रहेका अन्यको पनि परीक्षण गरिएको थियो।

टेकु अस्पतालबाट कोरोना संक्रमित सम्पर्क बाहिर गएपछि...

टेकु अस्पतालबाट कोरोना संक्रमित सम्पर्क बाहिर गएपछि...

काठमाडौं । काठमाडौंको टेकु अस्पतालमा उपचारका लागि ल्याइएको दुई जना कोरोना संक्रमित भारतीय नागरिक सम्पर्क बिहीन भएपछि हल्लीखल्ली मच्चिएको छ। कोरोना संक्रमणका कारण १२ दिनदेखि उपचाररत एक जना र आज पुष्टि भएका अर्का एक जना बिहीबार दिउँसो साढे चार बजेतिर अस्पतालको सम्कर्पबाहिर गएका थिए।

Ad

प्रतिक्रिया दिनुहोस

Ad