Namaste Icon
Ad

प्राचिन कालमा दुधको धारा बग्ने भैरवीको शिर

प्राचिन कालमा दुधको धारा बग्ने भैरवीको शिर

दैैलेख । पश्चिम दैैलेखका दुई स्थानिय तह भैरवी गाउँपालिका र चामुण्डाविन्द्रासैनी नगरपालिकाको सिमानामा भैरवी तिर्थस्थल पर्दछ । सोही नामबाट भैरवी गाउँपालिकाको नामाकरण समेत गरिएको छ । दैलेखका पञ्चकोशी तिर्थस्थलको भ्रमण गरिसकेपछि भैरवीमा नुहाए शरिरको रोग नष्ट जनविश्वास रहिआएको छ । दैलेख जिल्ला पहिलेदेखि नै ऐतिहासिक तथा धार्मिक महत्वको जिल्लाका रुपमा चिनिदै आएको छ ।

श्रिस्थाल, नाविस्थान लगाएतका क्षेत्रमा निरन्तर जमिनमुनिबाट ज्वाला बलिरहेको छ । स्थानियवासीको भनाई अनुसार प्राचिन कालमा भैरवीमा देवीदेवताहरुले तपस्या गर्दथे । अर्थात भैरवी देविदेवताहरुको तपोभुमीको रुपमा रहेको स्थानियहरुको दावी छ । दुईवटा दुधको धारा बग्ने र भक्तजनहरुले त्यहीँ खिर पकाएर खाने गर्दथे । तर, एकजना भक्तजनले त्यो दुध घरमा लगेको हुनाले त्यो दुधको धारा पानीको धारामा परिणत भएको किम्वद्धन्ती रहेको छ ।

यति मात्र होइन भैरवीमा रहेका पहरा र पानिको छहरमा विभिन्न देविदेवताहरुको आकृति देख्न सकिने स्थानिय पदम रानाले बताए । जहाँ जेष्ठ, असार र मंसिर महिनामा देविदेवताको पुजा गर्न धामी झाँक्रीसहित नुहाउन जानेको ठुलै लहर हुने पनि रानाले बताए । नुहाउन र पुजाआजा गर्न धेरैजसो चामुण्डाविन्द्रासैनी नगरपालिका र भैरवी गाउँपालिकाबाट आउने गर्छन् । भैरवीलाई पंचकाशी नै पनि भन्ने गरिएको स्थानियहरुले जानकारी दिए ।

भैरवीको शिर भनिने गौमुखा त्यसभन्दा सिधा माथि भैरवी चामुण्डा जोड्ने सडकमा पर्छ । जहाँ पनि देनिदेवताका आकृतिहरु पहरामा देखिने स्थानियले बताए । चामुण्डाविन्द्रासैनी नगरपालिकाबाट नुहाउन भैरवीमा जानुभन्दा शिर मानिने उक्त स्थानमा जान निकै सहज पर्छ । तर, बिडम्बना त्यस स्थानमा न नुहाउने धारा छ न पोखरी नै । चामुण्डाविन्द्रासैनी २ का स्थानियहरुले केही महिना अगाडी रकम जम्मा गरेर मन्दीर निर्माण गरेका छन् ।

स्थानियहरुबाट रकम संकलन गरेर कुल ४३ हजारको लागतमा मन्दिर निर्माण गरिएको स्थानियले जानकारी दिएका छन् । गएको भदौ महिनामा जनै र्पुिणमाको अवसर पारेर मेला पनि लगाइयो । अव भने स्गाथियहरुले उक्त स्थानमा स्थानिय सरकार, प्रदेश सरकार, विभिन्न संघसंस्था र अन्य निकायले उक्त स्थानमालाई व्यवस्थित गर्न सहयोग आवश्यक रहेको बताए ।

स्थानिय बलिराम भट्टराईले बताए । उक्त स्थानमा मेला लगाउनका लागि व्यवस्थित स्थल र महिला पुरुषले नुहाउनको लागि छुट्टा–छुट्टै धाराको निर्माण आवश्यक रहेको छ । बाहिर जिल्लाबाट पनि नुहाउन र पुजा गर्न आउने हुनाले पर्यटनमा पनि टेवा पुग्ने उनले बताए । उक्त स्थानमा एउटा धर्मशाला पनि निर्माण गर्न आवश्यक रहेको स्थानिय पदम रानाले बताए ।

Ad

सम्बन्धित समाचारहरु

कोरोना प्रभाव - मनकामना केबलकार पनि बन्द

कोरोना प्रभाव - मनकामना केबलकार पनि बन्द

गोरखा । गोरखाको सबैभन्दा धेरै यात्रुको भीडभाड हुने मनकामना केबलकार चैत मसान्तसम्मका लागि बन्द हुने भएको छ। विश्वव्यापी महामारीको रुपमा फैलिएको कोरोना (कोभिड १९) को संक्रमणबाट जोगिन तथा जोगाउनका लागि सेवा बन्द गर्ने निर्णय गरेको मनकामना केवलकार प्रालिका नायव महाप्रबन्धक डिएन कायस्थले जानकारी दिए।

रातो मछिन्द्रनाथको मन्दिर पुनर्निर्माण उपभोक्ता समिति गठन

ललितपुर । भूकम्पमा भत्किएको ललितपुरको बुङमतिस्थित रातो मछिन्द्रनाथ मन्दिरकोे पुनर्निर्माण गर्न उपभोक्ता समिति गठन गरिएको छ । पुनर्निर्माण अलपत्र अवस्थामा रहेको उक्त मन्दिरको अबको काम अघि बढाउन अमिर शाक्यको अध्यक्षतामा नौ सदस्यीय उपभोक्ता समिति गठन गरिएको हो । हालसम्म मन्दिर पुनर्निर्माणको काम २० प्रतिशत पनि भएको छैन।

Ad

प्रतिक्रिया दिनुहोस

Ad