# भर्खरै
Namaste Icon
Ad
Ad

‘डोकोमा च्याउ बोकेर बेच्न जाँदा सबैजना हाँस्थे’

‘डोकोमा च्याउ बोकेर बेच्न जाँदा सबैजना हाँस्थे’

रीता लामा, रासस – दाङ । घोराही–१६ तेरौटेका ३० वर्षीय मणिराज पुन हिजोआज जिल्लामै सफल च्याउ कृषकका रूपमा चिनिएका छन । अरूले गर्दै आएको च्याउ खेतीभन्दा फरक तरिकाले उनले प्राविधिक रूपमा कठिन मानिएको गोबे्र अर्थात् डल्ले च्याउ उत्पादन गरिरहेका छन । उनका अनुसार माटो, मल र बीउको मात्रा नमिलाए गोब्रे च्याउ उम्रिँदैन । उम्रिए पनि फक्रिँदैन, कुहिन्छ र डढेर नष्ट पनि हुन्छ । च्याउलाई तरिका पु¥याएर तथा जोगाएर उमार्न अप्ठेरो भए पनि अहिले उनले ग्राहकको मागलाई धान्नका लागि भए पनि मेहनेत गरेर गोब्रे च्याउ खेती गरिरहेका छन । उनले आफ्नो घर, गोठ, घरछेउमा छाप्राछाप्री बनाएर पनि गोब्रे च्याउको खेती गर्दै आएका छन । बजारबाट डल्ले च्याउको माग अत्यधिक बढेपछि आफूले सोही च्याउको खेती शुरु गरेको उनले बताए ।

सामाजिक सञ्जाल चलाउँदै गर्दा सञ्जालमा च्याउ खेतीसम्बन्धी केही भिडियो देखेपछि उनले त्यसलाई खोज्दै गए । च्याउ खेती के कसरी हँुदै रहेछ भनी आफँै पत्ता लगाउने प्रयास गरे । च्याउ व्यवसाय गर्न सकिन्छ कि भनेर परिवारको सल्लाहअनुसार काठमाडौं पुगेर च्याउखेतीको तालीम पनि लिएको उनले बताए । उनले भने, ‘च्याउसम्बन्धी तालीम लिन जाँदा जिल्लामा च्याउ खानुपर्छ भन्ने सोचसमेत यहाँका बासिन्दामा थिएन ।’ उनले आफैँ तालीम लिए । एक्लै खेती शुरु गर्नुभयो र बेच्न पनि आफैँ गए । त्यसताका २३÷२४ वर्षको ठिटो डोको बोकेर बजारमा च्याउ बेच्न जाँदा सबैले खिसी गरेको उनले सुनाए ।

‘यो उमेरको मान्छेले पनि डोका बोकेर च्याउ बेच्न आउने भन्दै सबैजसो हाँस्नेहरू भेटिए’, उनले भने, ‘निरन्तर बेच्न गएपछि च्याउका छुट्टै उपभोक्ता बने ।’ केही यस्ता व्यक्ति पनि भेटिए जसले उनको मन राख्न दैनिक एक पाउ भए पनि च्याउ किनिदिए । एक दिन नदेखे किन नआएको भन्दै प्रश्न गर्ने गर्न थाले । क्रमशः च्याउका उपभोक्ता बढे र युवा व्यवसायी पुनको खोजी हुनथाल्यो, च्याउको बजार पनि बढ्न थाल्यो ।

उनले अहिले दैनिक ४० देखि ६० केजीसम्म च्याउ बिक्री गरिरहेका छन । उनले उत्पादन गर्ने गोब्रे (डल्ले) च्याउको मूल्य प्रतिकेजी ५ सय रुपैयाँ छ, भने कन्ने च्याउ २ सयमा बेचिरहेका छन । उनले अहिले आफ्नो घर, गोठमा च्याउ उत्पादन गरिरहेका छन । उनले एउटा ठूलो टहरासमेत निर्माण गरेका छन । अब दैनिक १०० केजी च्याउ बेच्ने उनको लक्ष्य छ । उनको च्याउ प्यूठान र रोल्पा पनि पुगिरहेको छ । उनले भने, ‘जति उत्पादन गरे पनि बजारको माग धान्नै सकिँदैन ।’

उनीसँगै अन्य चार युवा पनि च्याउ खेतीमा लागेका छन् । उनीहरूले च्याउको व्यवस्थापन र बजार प्रतिनिधिका रूपमा काम गरिरहेका छन् । च्याउ खेतीका लागि सरकारी स्तरबाट आर्थिक सहयोग नभए पनि हौसला र प्राविधिक सहयोग भने पाइरहेको उनले बताए । च्याउ कृषक पुनले अहिले गौमुखी च्याउ तथा कृषि उद्योग नाम दिएर कृषि फार्म दर्ता गरी व्यावसायिक रुपमै च्याउ व्यवसायमा होमिएका छन् ।

उनले अहिले अन्य च्याउभन्दा पनि गोब्रे च्याउलाई बढी प्राथमिकता दिने गरेका छन । प्राविधिक रूपमा निकै झन्झटिलो छ, माटो बनाउँदा केही सानो गल्ती भएमा गरिएको खेती सबै नष्ट भएर जाने हुन्छ तर उनले गोब्रेलाई नै बढी प्राथमिकता दिने गरेका छन । उनले भने, ‘गोब्रे च्याउ यति धेरै माग हुन्छ कि ग्राहकलाई छैन भनेर फर्काउनुपरेको छ ।’ विशेषगरी होटलमा च्याउका झोल खानका लागि गोब्रे च्याउ बढी बिक्री हुन्छ । अहिले गोब्रे च्याउका पारखी असाध्यै बढेका छन् । घरमै खोज्न आउँछन्, फोन गर्छन् । जिल्ला बाहिरबाट पनि अत्यधिक माग हुने गरेको छ ।


पछिल्लो समय गोब्रे च्याउलाई उपभोक्ताले राम्रोसँग चिनेका छन् । जिल्लामा स्थापना भएको प्रदेशस्तरीय कृषि ज्ञान केन्द्रका प्रचारप्रसार अधिकृत भरत पोखरेलले दाङको घोराहीमा च्याउको खेती निकै राम्रोसँग फस्टाएको बताए । गोब्रे च्याउ खेती गर्ने भने निकै कम छन् । यस्तै कृषिमा नयाँ सोचको विकास गर्ने भन्दै सरकारले ल्याएको प्रधानमन्त्री कृषि आधुनिकीकरण परियोजनाले एक हजार किलो च्याउको बीउ खपत गर्ने कृषकलाई प्रतिकृषक तीन लाख अनुदान दिने गरेको छ । अहिले घोराहीमा मात्रै च्याउका पाँच मुख्य क्षेत्र सञ्चालनमा आएको छ । तीन क्षेत्रका कृषकलाई ज्ञान केन्द्रले आर्थिक र प्राविधिक सहयोग गर्दै आएको उनले बताए । दाङका कृषकले अहिले तरकारीका रूपमा च्याउको बिक्री गर्नाका साथै यसको सुकुटी बनाउने, अचार बनाउने, सुपका लागि धुलो बनाउने काम गरिरहेका छन् ।

Ad

सम्बन्धित समाचारहरु

मेथिका फाईदाहरु

मेथिका फाईदाहरु

काठमाडौं । मेथि निकै फाईदाजनकक मानिन्छ । हेर्नुहोस मेथिका फाईदाहरु

'लेबल नगरिएको कोकोपिट कदापि नकिनौ, कोकोपीटको सकारात्मक गुणको अधिकतम उपयोग गरौ'

सुधिर श्रेष्ठ । कौसी खेतीमा संलग्न कतिपय साथीहरूले कोकोपीटको मूल्यमा भएको विविधता तथा कोकोपीट प्रयोग गर्दा कौसी खेती असफल भएको र कोकोपीट प्रयोग नगर्दा चाहि राम्रै भएको प्रतिकृया दिने गर्नु भएको छ । यस सन्दर्भमा मैले जाने बुझेको केही कुरा शेयर गर्न चाहन्छु । कोपीटको प्रयोग कृषिमा सामान्यतया हाइड्रोपोनिक्स प्रविधिमा ब्यापकरूपमा प्रयोग हुने गर्दछ । अचेल थैला/बाकसमा गरिने खेती अर्थात container gardening मा पनि यसको प्रयोग हुन थालेको छ । नर्सरीमा त यसको प्रयोग छदैछ । कौसी खेतीमा यसको प्रयोग लोकप्रिय हुनु वा बनाइनुको कारण यसको हलुका तौल र पानी धारण गर्न सक्ने क्षमता नै हो । यदि तपाइको छतमा भारवहनको समस्या छैन भन्ने लाग्छ भने यसको प्रयोग नगरिकन माटो र मल मात्र प्रयोग गर्न सकिन्छ । मेरो बिचारमा कोकोपीटको सट्टा बायोचार (अँगारको धुलो) को प्रयोग गर्न पनि सकिन्छ । कोकोपीटमा पाइने सबै गुण यसमा पनि पाइन्छ । यसलाइ हामी निशुल्क घरमै बनाउन पनि सक्छौं ।

Ad

प्रतिक्रिया दिनुहोस

Ad