# भर्खरै
Namaste Icon
Ad
Ad

परमेश्वरको डर देखाएर बलात्कार गर्ने पास्टर ललितपुरबाट पक्राउ

परमेश्वरको डर देखाएर बलात्कार गर्ने पास्टर ललितपुरबाट पक्राउ

ललितपुर । आफ्नै अनुयायी महिलालाई पटकपटक बलात्कार गरेको आरोपमा ललितपुरबाट क्रिश्चियन धर्मका एक धर्मगुरु (पास्टर) पक्राउ परेका छन् । खुट्टा काम्ने रोगबाट पीडित ती महिलालाई निको बनाइदिने भन्दै तीन महिनादेखि निरन्तर बलात्कार गरेको आरोपमा गोरखा घर भई ललितपुर बस्ने ध्रुबबाबू जोशीलाई प्रहरीले पक्राउ गरेको हो ।

उनी रोग निको हुने भन्दै ललितपुरको मण्डली चर्चमा प्रार्थनाका लागि जाने गर्थिन्। ती महिलाको उजुरीमा जोशीले चापागाउँको एक गेष्ट हाउसमा बोलाएर जबरजस्ती करणी गरेको पनि उल्लेख छ। करणी गरेको कसैलाई भने परमेश्वरले दिएको शक्ति नाश भई जाने त्रास जोशीले महिलालाई देखाउँदै आएका थिए।

रोग निको हुने विश्वासमा ललितपुरकाे मण्डली चर्चमा प्रार्थना गर्न जाने क्रममा पास्टर भनिने ध्रुवबाबु जोशीले तिमीले नराम्रो काम गरेका कारण राेग लागेको हो र त्यो पाप मेटाउन आफूसँग शारीरिक सम्पर्क गर्नुपर्छ भनेर बलात्कार गरेकाे पीडितले प्रहरीमा दिएकाे उजुरीमा उल्लेख गरेकी छन्। पहिलोपटक ललितपुर चापागाँउमोडको एक गेस्ट हाउसमा बोलाएर जबर्जस्ती करणी गरेको र यो कुरा कसैलाई भने परमेश्वरले दिएको शक्ति नाश भएर जान्छ भन्ने त्रास देखाउनाका साथै जे पनि गर्ने धम्की दिएको पीडित महिलाले बताएकी छन्।

पछिल्लो पटक जोशीले आफूले सञ्चालन गर्दै आएको पसलमा पुगेर जबरजस्ती गरेको ती महिलाले उल्लेख गरेकी छन्। गोरखा बजार घर भएका जोशी घरमा भने केही वर्षदेखि सम्पर्कविहीन थिए। उनी पहिले स्थानीय महेन्द्रज्योति माध्यामिक विद्यालयका विद्यालय व्यवस्थापन समिति अध्यक्ष भए। उनले घरमै पार्टी प्यालेससहित रेष्टुरेन्ट पनि चलाएका थिए।

केही वर्षअघि उनकी सालीले जोशीसँगको सम्बन्धका कारण झुन्डिएर आत्महत्या गरेकी थिइन्। सालीले घरमै आत्महत्या गरेपछि जोशीले गोरखा छाडेका थिए। त्यसयता उनी सम्पर्कविहीन थिए।

 

Ad

सम्बन्धित समाचारहरु

उपत्यकामा थप १३४ जनामा कोरोना संक्रमण पुष्टि

उपत्यकामा थप १३४ जनामा कोरोना संक्रमण पुष्टि

काठमाडौं । मंगलबार देशभर ६३८ जनामा कोरोना संक्रमण पुष्टि भएको छ । संक्रमितमध्ये उपत्यकामा मात्रै १३४ जना रहेका छन् । सोमबार जम्मा ४२ जना संक्रमित थपिएकोमा मंगलबार उपत्यकमा तीन गुणाभन्दा बढी संक्रमित थपिएका हुन् । मंगलबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले देशभर ६३८ जनामा संक्रमण पुष्टि भएको बताए ।

गोंगबु हत्याकाण्डकी अभियुक्त कल्पनालाई प्रहरीले सार्वजनिक गर्यो

काठमाडौँ । ३ दिनअघि गोंगबुमा बिभत्स हत्या गरिएका दाङका कृष्णबहादुर बोहराको हत्यामा संलग्न अभियुक्तलाई प्रहरीले काठमाडौँमा सार्वजनिक गरेको छ। घटनापछि हत्यामा संलग्न भएको आशंकामा चितवनबाट पक्राउ गरेर ल्याईएकी कल्पना मुडभरी (पौडेल) लाई अनुसन्धानको क्रममा दोषी पाईएको भन्दै सार्वजनिक गरिएको हो।

Ad

प्रतिक्रिया दिनुहोस

Ad