Namaste Icon
Ad
Ad

मोहन्याल गाउँपालिका स्तरीय दोस्रो अध्यक्ष कप रनिङ सिल्ड खेलकुद प्रतियोगिता सुरु

मोहन्याल गाउँपालिका स्तरीय दोस्रो अध्यक्ष कप रनिङ सिल्ड खेलकुद प्रतियोगिता सुरु

गोविन्द बीसी, बौनिया । दोस्रो गाउँपालिका अध्यक्ष कप खेलकुद प्रतियोगिता कैलालीको मोहन्याल सुरु भएको छ । शुक्रबारदेखि सुरु भएको गाउँपालिका स्तरीय अन्तर विद्यालय रनिङ सिल्ड प्रतियोगिता माघ १३ गतेसम्म संचालन हुने आयोजकले जनाएको छ । शान्ति मावि फलेबिसौनाको व्यवस्थापन र मोहन्याल गाउँपालिकाको आयोजनामा खेलकुद प्रतियोगिता सुरु भएको हो । प्रतियोगितामा आधारभूत र मावि तहमा अध्ययनरत गाउँपालिका अन्तर्गतका २१ सामुदायिक विद्यालयका विद्यार्थीहरुको सहभागिता रहेकोे छ ।

गाउँपालिका अध्यक्ष नवलसिंह रावलको सभापतित्वमा भएको कार्यक्रमका प्रमुख अतिथि सुदूरपश्चिम प्रदेश सभा सदस्य एवं नेकपा कैलाली जिल्ला अध्यक्ष रतन थापा रहेका थिए । विशिष्ट अतिथिमा बर्दगोरिया गाउँपालिका अध्यक्ष बलिराम डंगौरा रहेका थिए । सो अवसरमा बोल्दै सुदूरपश्चिम प्रदेश सांसद रतन थापाले विद्यालय शिक्षासंगै जीवनमा खेलकुद अनिवार्य भएको बताए । खेलकुदले स्वस्थ रहन मद्धत पुर्याउने भएकोले बिद्यार्थीले खेलकुदमा रुचि दिनुपर्नेमा उनले जोड दिए । सुखी नेपाली र समृद्ध नेपाल नेकपाकै सरकारको पाला भएर छोडने प्रमुख अतिथि थापाले बताए । उनले आफू निरन्तर जनताको माग र आवश्यक अनुसार बिकास गर्न लागिरहेको समेत बताए ।

कार्यक्रममा गाउँपालिका अध्यक्ष नवलसिंह रावलले मोहन्याल गाउँपालिका अन्तर्गतका सबै वडालाई विभेद नहुने गरि समान ढंगले शिक्षा, स्वास्थ्य, कृषि र बिकास निर्माण योजनामा बजेट विनियोजन गरिएको बताए । राष्ट्रको सुखी नेपाल समृद्ध नेपाली भन्ने नारालाई परिपूर्ति गर्नको निम्ति अध्यक्ष कृषि आधुनिकीकरण योजनालाई जनताको आर्थिक अवस्था माथि उठाउन सकिन्छ भनेर अघि सारिएको अध्यक्ष रावलले बताए । कृषि, पशु, खानेपानी, सिचाइको क्षेत्रमा योजनाबद्ध ढंगले पञ्चवर्षीय योजना अघि सारेर काम गरिएको भन्दै सोही अनुसार गाउँपालिकाले यसवर्ष प्रत्येक ७ वटै वडामा ३६ जना किसानलाई ३ वटा उन्नत बोयर जातको बाख्रा वितरण गरिएको उनले बताए ।

मोहन्यालमा २ किसिमको जलवायु भएकोले तराई क्षेत्रमा प्रत्येक परिवारलाई ८० वटा लिचिका दरले १७ हजार फलफूलको बिरुवा र पहाडी क्षेत्रमा २६ हजार सुन्तलाका विरुवा यसैवर्षको कृषि कार्यक्रम अन्तर्गत वितरण गरिएको जनाए । जनता नै सार्वभौम अधिकार सम्पन्न भएकाले जनताबाट निर्वाचित जनप्रतिनिधिले जनताको हितमा काम गर्नुपर्नेमा उनले जोड दिए । सबै क्षेत्रमा काम गर्ने कर्मचारी समेत जिम्मेवारी र उत्तरदायी हुन जरुरी रहेको उनले औँल्याए ।

प्रतियोगितामा छात्र र छात्रा तर्फको भलिबल र कबड्डी खेल राखिएका छन् । एथलेटिक्स अन्तर्गत १ सय मिटर, २ सय मिटर, ४ सय मिटर, ८ सय मिटर, १ हजार ५ सय मिटर र ३ हजार मिटर दौडका इभेन्ट राखिएका छन् । छात्र र छात्रा दुबैतर्फ यी खेल खेलाइने आयोजकले जनाएको छ । रिलेदौड अन्तर्गत छात्रछात्रा दुबैतर्फ १ सय मिटर र ४ सय मिटर दौड हुनेछन् ।

उफ्रिने र फ्याक्ने खेल अन्तर्गत हाइजम्प, लङजम्प, ज्याब्लिङ थ्रो र सटफुट खेल हुनेछन् । शुक्रबार भएको उद्घाटन खेलमा सटफुटमा राष्ट्रिय मावि सोल्टाका झंकर चलाउने प्रथम, त्रिवेणी मावि बढीगाउँका हिमाल देउवा द्वितीय र शान्ति मावि फलेबिसौनाका हेम बुढाथोकी मगर तृतीय भएका छन् । यस्तै, छात्रातर्फ त्रिवेणी मावि बढीगाउँकी चन्द्रा सिजापतिमगर प्रथम,भृकुटी मावि खिमडिकी यशोदा थापा द्वितीय र राष्ट्रिय मावि सोल्टाकी ममता जैसी तृतीय भएकी छन् ।

Ad

सम्बन्धित समाचारहरु

पहिलोपटक क्रिकेट खेलाडीको वर्गीकरण

पहिलोपटक क्रिकेट खेलाडीको वर्गीकरण

काठमाडौं । नेपाल क्रिकेट सङ्घ (क्यान) ले पुरुष र महिला खेलाडीसँग एक वर्षका लागि सम्झौता गरेको छ । भरतपुरमा मङ्गलबार बसेको बोर्ड बैठकले पहिलोपटक महिला खेलाडीलाई वर्गीकरण गर्दै वार्षिक सम्झौता गरेको हो । पुरुषतर्फ १८ र महिलातर्फ १९ खेलाडीलाई ‘ए’, ‘बी’ र ‘सी’ श्रेणीमा वर्गीकरण गरिएको छ । पुरुषतर्फ ग्रेड ‘ए’ मा पारस खड्का, ज्ञानेन्द्र मल्ल, सन्दीप लामिछाने, शरद भेषवाकर, करण केसी, वसन्त रेग्मी, दीपेन्द्र सिंह ऐरी र विनोद भण्डारी परेका छन । ग्रेड ‘बी’ मा सुसन भारी, सोमपाल कामी, आरिफ शेख र पवन सराफ परेका छन भने ग्रेड ‘सी’ मा सुवास खकुरेल, रोहित पौडेल, कुशल मल्ल, रासिद खान, अविनाश बोहरा र कमल सिंह ऐरी रहेका छन ।

सर्वाधिक कमाउने फुटबलर बने मेस्सी

सर्वाधिक कमाउने फुटबलर बने मेस्सी

काठमाडौं । क्रिस्टियानो रोनाल्डोलाइ पछि पार्दै बार्सिलोनाका फरवार्ड लियोनल मेस्सी सन् २०२० मा सर्वाधिक कमाउने फुटबलर बनेका छन्। फोर्ब्स म्यागेजिनले सार्वजनिक गरेको सूचीमा मेस्सी सर्वाधिक आम्दानी गर्ने खेलाडीको शीर्ष स्थानमा छन्। युभेन्टसका क्रिस्टियानो रोनाल्डो दोस्रो स्थानमा छन्।

Ad

प्रतिक्रिया दिनुहोस

Ad
Ad
Ad