Namaste Icon
Ad
Ad

कर्मचारीले छोराछोरी सरकारी विद्यालयमा पढाउनुपर्छः मुख्यमन्त्री भट्ट

कर्मचारीले छोराछोरी सरकारी विद्यालयमा पढाउनुपर्छः मुख्यमन्त्री भट्ट

काठमाडौँ । सुदूरपश्चिम प्रदेशका मुख्यमन्त्री त्रिलोचन भट्टले नेपाल सरकारका कर्मचारीले आफ्ना छोराछोरी अनिर्वायरुपमा सरकारी विद्यालयमा भर्ना गरी पढाउनुपर्ने बताएका छन । सुदूरपश्चिम प्रदेश सरकारले दिपायल सिलगढी नगरपालिका–४ बागनेटीमा निर्माण गर्नलागेको निजामती कर्मचारी विद्यालयको शिलान्यास गर्दै उनले सरकारी जागिर खाएका कर्मचारीले आफ्ना छोराछोरी निजी बोर्डिङमा पढाउने परिपाटी चलेको बताए ।

त्यस्तै, उनले सुदूरपश्चिम भरीका निजी स्कुलमा छोराछोरी पढाउने उच्च तहका कर्मचारीको तत्थ्याङ्क सङ्कलनको तयारीसमेत भइरहेको जानकारी गराए । मुख्यमन्त्री भट्टले छाउपडी प्रथाको अन्त्य गर्न जरुरी भएको र सो प्रथा हटाउन सबैले लाग्नुपर्नेमा जोड दिए । उनले भने, “छाउ बार्ने र बार्न लगाउनेलाई सामुहिक बहिस्कार गर्नुपर्छ, कु–संस्कार मान्नेलाई सामुहिक वहिस्कार गरौँ ।”

उनले प्रदेश सरकारले जनताका आवश्यकता सम्वोधन हुने गरि काम गरिरहेको दाबीसमेत गरे । सङ्घीयताले विकासको ढोका खोलेकोले प्रदेश सरकारबाट सञ्चालन भइरहेका योजना तथा विकासका बारेमा सबै सचेत नागरिकले अनुगमन गर्नुपर्ने बताए ।

 

 

Ad

सम्बन्धित समाचारहरु

शहीद दशरथ चन्दको जन्मघरमा होमस्टेको सुविधा

शहीद दशरथ चन्दको जन्मघरमा होमस्टेको सुविधा

लक्ष्मण विसी, बैतडी । अमर शहीद दशरथ चन्दको जन्मघर पुर्ननिर्माण गरेर चिटिक्क पारिएको छ । बैतडीको दशरथ चन्द नगरपालिका–५, बस्कोटमा रहेको ८ वटा कोठाको दुईतले घर पुर्ननिर्माणपछि रङ्रोगन गरेर चिटिक्क पारिएको हो ।सेतो रङ्गको घरको भित्तामा दशरथ चन्दको अर्ध तस्बिर बनाईएको छ ।

चारजना टेलिकमको तार चोर मोटरसाइकलसहित पक्राउ

चारजना टेलिकमको तार चोर मोटरसाइकलसहित पक्राउ

विराटनगर । नेपाल टेलिकम विराटनगरका विभिन्न स्थानका तार चोर्ने चार जनालाई प्रहरीले आज पक्राउ गरेको छ । पक्राउ पर्नेमा मोरङ, विराटनगर महानगरपालिका वडा नं ६ बस्ने २१ वर्षीय विजय सहनी, १८ वर्षीय राज सहनी, २१ वर्षीय रवीन सहनी र १९ वर्षीय सुमित सहनी छन् ।

Ad

प्रतिक्रिया दिनुहोस

Ad
Ad
Ad