Namaste Icon
Ad

कोरोनाबाट एकै परिवारका ३ को मृत्यु, ६ जनाको उपचार हुँदै

कोरोनाबाट एकै परिवारका ३ को मृत्यु, ६ जनाको उपचार हुँदै

दमौली। तनहुँ भिमादका ९८ वर्षीय धर्मकुमार श्रेष्ठ दुई साताअघि चितवनमा कान्छो छोराको घरमा बेहोस भए। उनलाई उपचार गर्न चितवन मेडिकल कलेज लगियो। त्यहाँ आईसीयूमा उपचार गराइरहेका बेला उनका अन्य तीन छोरासहित परिवारका सदस्य भेट्न पुगे।

त्यहीबेला अस्पतालका चिकित्सक र बिरामीमा कोरोना भाइरस संक्रमण भयो। धर्मकुमारको स्वाब परीक्षण गर्दा रिपोर्ट नेगेटिभ देखियो। तर, उनका छोराहरू काठमाडौं बस्ने ७६ वर्षीय रामकुमार, तनहुँ भिमाद बस्ने ७१ वर्षीय विष्णुकुमार र ७४ वर्षीय कृष्णकुमारमा कोरोना पुष्टि भयो। कोरोनाबाटै साइलो छोरो विष्णुकुमारको चितवनमा यही असोज १९ गते सोमबार चितवन मेडिकल कलेजमा ज्यान गयो। माइलो छोरो कृष्णकुमारले असोज २४ गते शनिबार बीएन्डबी अस्पताल ललितपुरमा ज्यान गुमाए।

चितवनमा अवस्था चिन्ताजनक भएपछि ९८ वर्षका वृद्धको राजधानीस्थित मेडिसिटी अस्पतालमा उपचार भइरहेको थियो। उनको पनि यही असोज २५ आइतबार निधन भयो। पहिले नेगेटिभ देखिएका ती वृद्धको रिपोर्ट काठमाडौंमा भने पोजिटिभ देखिएको थियो। परिवारकै अन्य ६ जनामा पनि कोरोना देखिएको छ।

शंकरनारायण परिवारका सदस्यको रेखदेख गरिरहेका छन्। अस्पतालले सावधानी नअपनाउने हो भने बिरामी भएर अस्पताल जानै नहुने अवस्था आएको अनुभव उनले सुनाए। ‘अस्पतालबाटै संक्रमण फैलनु दुःखद् हो’, उनले भने। उनका अनुसार केही पनि नभएका व्यक्ति धमाधम ज्यान जाने अवस्था आउँदा अब अस्पतालमा संक्रमण फैलन नदिन अपनाउने तरिकामा परिवर्तन हुनुपर्ने देखिन्छ। ‘केही नभएका व्यक्तिमा पनि संक्रमण फैलँदै जाने हो भने मानिस अस्पतालै जान डराउने देखिन्छ’, उनले भने, ‘अहिलेको सावधानीले नपुगेको देखियो।’

‘एकपछि अरूलाई गुमाउनु पर्दाको पीडा कसरी व्यक्त गर्न सकिन्छ र ?’, कृष्णकुमारकी छोरी सरिता श्रेष्ठले काठमाडौंबाट टेलिफोनमा भनिन्, ‘यस्तो त कसैले भोग्नु नपरोस्।’ उनी तनहुँबाट आफन्तको उपचारमा सहयोग पुर्‍याउन पतिसहित काठमाडौं पुगेकी हुन्।

धर्मकुमारका दुवै छोराको उपचारका क्रममा प्लाज्मा थेरापी पनि गरिएको थियो। ‘अवस्था सुधार हुन्छ कि भनेर प्लाज्मा थेरापी पनि गरियो’, कृष्णकुमारका ज्वाइँ एवं नेकपा नेता शंकरनारायण श्रेष्ठले भने, ‘तर, बचाउन सकिएन।’ कोरोना संक्रमणबाट मुक्त पत्रकार लीलप्रकाश चन्दले उनीहरूलाई प्लाज्मा दान गरेका थिए।

उनका अनुसार ७६ वर्षीय रामकुमार ह्याम्स अस्पतालको आईसीयूमा उपचाररत छन्। उनकी पत्नी घरमा आइसोलेसनमा छिन्। वृद्धका ७० वर्षका कान्छो छोरो चितवन, छोरी र ज्वाईं अनि साइली बुहारी पोखरामै आइसोलेसनमा छन्। उनीहरू सबै जना परिवारका अभिभावक भेट्न चितवन पुगेका थिए।

शंकरनारायण परिवारका सदस्यको रेखदेख गरिरहेका छन्। अस्पतालले सावधानी नअपनाउने हो भने बिरामी भएर अस्पताल जानै नहुने अवस्था आएको अनुभव उनले सुनाए। ‘अस्पतालबाटै संक्रमण फैलनु दुःखद् हो’, उनले भने। उनका अनुसार केही पनि नभएका व्यक्ति धमाधम ज्यान जाने अवस्था आउँदा अब अस्पतालमा संक्रमण फैलन नदिन अपनाउने तरिकामा परिवर्तन हुनुपर्ने देखिन्छ। ‘केही नभएका व्यक्तिमा पनि संक्रमण फैलँदै जाने हो भने मानिस अस्पतालै जान डराउने देखिन्छ’, उनले भने, ‘अहिलेको सावधानीले नपुगेको देखियो।’अन्नपुर्ण पोस्ट बाट।

Ad

सम्बन्धित समाचारहरु

कोरोना जितेका मेयरको आईसोलेसन अनुभव - आफैँलाई पर्दा मात्र पीडा थाहा हुनेरहेछ

गजेन्द्र महर्जन,गोदावरी नगरप्रमुख

कक्षा १२ को परीक्षा मंसिर ९ देखि हुने (तालिकासहित)

कक्षा १२ को परीक्षा मंसिर ९ देखि हुने (तालिकासहित)

राष्ट्रिय परीक्षा बोर्डले यस वर्षको कक्षा १२ को परीक्षा आगामी मंसिर ९ गतेदेखि हुने गरी कार्यतालिका सार्वजनिक गरेको छ ।

Ad

प्रतिक्रिया दिनुहोस

Ad
Ad

Ad
Ad
Ad
Ad
Ad