# भर्खरै
Namaste Icon
Ad
Ad

बङ्गबन्धुको जेल डायरी

बङ्गबन्धुको जेल डायरी

काठमाडौं । बंगलादेशका पिता शेख मुजिबुर रहमानको जेल संस्मरण ‘बङ्गबन्धुका जेल डायरी’ प्रकाशित भएको छ । बंगलादेशका सम्पूर्ण नागरिकबाट ‘बङ््गबन्धु’ को उपाधिले सम्मानित रहमानले जेल बस्दा लेखेको संस्मरणकृति ‘बङ्गबन्धुको जेल डायरी’ लाई नेपाल प्रज्ञा–प्रतिष्ठानले प्रकाशनमा ल्याएको हो । नेपाली तथा बंगाली भाषा संस्कृतिबीचको सम्बन्धलाई प्रगाढ बनाउने लक्ष्यका साथ पुस्तक प्रकाशन गरिएको प्रतिष्ठानले जनाएको छ ।

प्रज्ञा–प्रतिष्ठानका कुलपति गंगाप्रसाद उप्रेतीका अनुसार बंगलादेशका पिता रहमानद्वारा प्रारम्भिक रूपमा बंगाली भाषामा लेखिएका अनुभव र अनुभूतिलाई अंग्रेजी भाषामार्फत नेपाली भाषामा अनुवाद गरी प्रकाशन गरिएको हो । कुलपति उप्रेतीले भने, ‘शेख मुजिबुर रहमानले बंगलादेश निर्माणका क्रममा भोगेका भोगाइ र अनुभूत गरेका अनुभवहरू दक्षिण एसियाका उदीयमान नेताहरूका लागि प्रेरक रहेका हुनाले उहाँद्वारा लिखित तथा बंगाल एकेडेमीद्वारा प्रकाशित कृति नेपाली भाषामा अनुदित गरी प्रकाशन गरिएको हो ।’ कुलपति उप्रेतीले नेपालका लागि बंगलादेशका राजदूत मास्फी बिन्ते साम्सको अनुरोधमा पुस्तकको अनुवाद तथा प्रकाशन गरिएको उल्लेख गर्दै यो नेपाल–बंगलादेशबिच सांस्कृतिक तथा साहित्यिक आदान–प्रदान गर्ने प्रयत्नको निरन्तरता भएको सुनाइन् ।


मूल भाषा बंगालीबाट डा. फकरुल आलमले अंग्रेजीमा अनुवाद गरेको पुस्तकलाई समालोचक महेश पौड्यालले नेपाली भाषामा अनुवाद गरेका हुन् । कुलपति उप्रेती स्वयंले पुस्तकको सम्पादन गरेका छन् । यसअघि नेपाल प्रज्ञा–प्रतिष्ठानबाट रहमानद्वारा लिखित पुस्तक ‘ती अधुरा स्मरणहरू’ प्रकाशित भइसकेको छ ।

Ad

सम्बन्धित समाचारहरु

रोबर्टका ४ मुक्तक

रोबर्टका ४ मुक्तक

१)

वशिष्ठको मदानी, सावित्रीको उनिउँको फूल र रत्न विरहीको समयको रुमाल एकैसाथ सार्वजनिक

ललितपुर। गोदावरी साहित्य परिषद्ले एकैपटक तीन पुस्तक लोकार्पण गरेको छ ।

Ad

प्रतिक्रिया दिनुहोस

Ad

Ad
Ad
Ad
Ad