# भर्खरै
Namaste Icon
Ad
Ad

पर्यटकीय स्थल मानहुँकोटमा जग्गा खरिद बिक्री रोक

पर्यटकीय स्थल मानहुँकोटमा जग्गा खरिद बिक्री रोक

तनहुँ । व्यास नगरपालिका–५ स्थित पर्यटकीय स्थल मानहुँकोटमा जग्गा खरिद बिक्री गर्न रोक लगाइएको छ । व्यास नगरपालिका कार्यपालिकाको बैठकले यस्तो निर्णय गरेको हो। मानहुँकोटको मौलिकताको संरक्षणका लागि गुरु योजना निर्माण गरिने भएको छ। कात्तिक २४ गतेदेखि लागु हुने गरी गुरु योजना निर्माण हुने अवधि पुस मसान्तसम्म मानहुँकोट क्षेत्रको जग्गा रजिष्टे्सन पाससम्बन्धी कार्यको सिफारिस बन्द गर्ने निर्णय गरिएको व्यास नगरपालिकाका प्रवक्ता मोहनकुमार श्रेष्ठले जानकारी दिए।

प्रवक्ता श्रेष्ठका अनुसार मानहुँकोट जाने पर्यटकहरुलाई अनिवार्य रुपमा नाम दर्ता गरी स्वास्थ्य, सुरक्षासम्बन्धी मापदण्डको पूर्णरुपमा पालना गरेर दृश्यावलोकनका लागि प्रवेश गराउने व्यवस्था मिलाउन सम्बन्धित वडा कार्यालयलाई निर्देशन दिने निर्णय गरिएको छ। साथै, सामान्यतया दैनिक ३०० जना पर्यटकलाई मात्र दृश्यावलोकनका लागि प्रवेशानु मति प्रदान गर्ने निर्णय भएको छ।

पर्यटकीय गन्तव्यको रुपमा रहेको मानहुँकोटमा पछिल्लो समय आन्तरिक पर्यटकहरुको आगमनमा उल्लेख्य बृद्धि भएकाले व्यवस्थापकीय पक्षको विकासका लागि गुरुयोजना निर्माण गर्ने भएको नगर प्रमुख वैकुण्ठ न्यौपानेले बताए। मानहुँकोटको मौलिकता संरक्षण गर्न तत्काल गुरुयोजना निर्माण गर्ने, खानेपानी विस्तृत परियोजना निर्माण गर्नका लागि सो कार्यका लागि पाँच लाख रुपैयाँ विनियोजन गर्ने निर्णय गरिएको उनले बताए । यस क्षेत्रमा सार्वजनिक शौचालय निर्माण लगायतका अन्य अत्यावश्यक भौतिक संरचना निर्माण गर्न तत्काल नगरपालिकाले २५ लाख रुपैयाँ विनियोजन गरी निर्माण कार्य अगाडि बढाउने न्यौपानेले बताए। साथै, अत्यावश्यक संरचना निर्माणका लागि विभिन्न संघ संस्थाहरुसंग साझेदारीका लागि प्रस्ताव आह्वान गर्ने निर्णय समेत गरिएको उनले बताए।

Ad

सम्बन्धित समाचारहरु

सुनकाे मूल्य घट्याे

सुनकाे मूल्य घट्याे

काठमाडाैं । नेपालमा आज सुनको मूल्य घटेको छ । आज प्रतितोला ३ सय रुपैयाँ घटेको हो । नेपाल सुनचाँदी व्यवसायी महासंघका अनुसार छापावाल सुन प्रतितोला ९० हजार ३ सय रूपैयाँमा कारोबार भइरहेको छ । हिजो सुन प्रतितोला ९० हजार ६०० रूपैयाँ कायम थियो । आज तेजावी सुन प्रतितोला ८९ हजार ८०० रूपैयाँ कायम छ । चाँदी प्रतितोला १ हजार ३२० रूपैयाँ तोकिएको छ ।

मध्य भोटेकोशीको आईपिओ आजदेखि, कहाँ कहाँ दिने आवेदन ?

मध्य भोटेकोशीको आईपिओ आजदेखि, कहाँ कहाँ दिने आवेदन ?

काठमाडाैं । मध्यभोटेकोशी जलविद्युत कम्पनीले स्थानीयका लागि आज (मंगलबार)बाट आईपीओ निष्कासन गर्दै छ । कम्पनीले स्थानीयलाइ ६० करोड बराबरको ६० लाख कित्ता शेयर निष्काशन गरेको हो। कम्पनीले सिन्धुपाल्चोक जिल्लाका बासिन्दाको लागि कुल जारी पूँजी ६ अर्बको १० प्रतिशत अर्थात् ६० करोड बराबरको ६० लाख कित्ता निष्काशन गर्न लागेको हो। मध्यभोटेकोशीको शेयर निष्कासनका लागि धितोपत्र बोर्डबाट वैशाख ५ गते स्वीकृति पाएको थियो । कम्पनीले सेयर भर्नका लागि सिन्धुपाल्चोका ३६ स्थान तोकेको छ भने काठमाडौंमा पनि बिक्री केन्द्र राखेको छ ।

Ad

प्रतिक्रिया दिनुहोस

Ad

Ad
Ad
Ad
Ad