Namaste Icon
Ad

लघुकथा : बहिष्करण

लघुकथा : बहिष्करण

डा.पुष्करराज भट्ट ,
विगत १४, १५ दिन तनावमै बिते । नबितुन् पनि कसरी ? महामारीको फेला परिएकोले मन त्यसै अस्थिर भइरह्यो । “यो रोग लागेका धेरै मानिस निको भइसके । हामी पनि कसो निको नहोऔँला ।” चित्त बुझाउने एक बाटो यो पनि थियो । धेरै सावधानीसाथ यी दिन कटे । यसपछिका दिन कस्ता हुने हुन् खै ? मानिसले कुन रुपमा लिने हुन् ? यही सोच आइरह्यो । “हुन त तिम्रो रिपोर्ट अनुसार रोग निको भइसक्यो । तैपनि केही दिन अरु घरपरिवारभन्दा अलग्गै बस ।” अस्पतालबाट घर पुगेको केही बेरमै दाजुले भन्नुभयो ।


घरमा बस्दाबस्दा थाकेकोले एकछिन चौकसम्म पुगेर आउँ भनेको बाटोमा आशिष भेटियो । “तिमीलाई रोगले भेटेको सुनेको थिएँ । अब के कस्तो छ ?” उसले सोध्यो । “अहिले ठिकै छ । सामान्य अवस्था छ ।” मैले भनेँ । “केही दिन तिमीसँग हामीले नजिक हुनुहुँदैन होला । भौतिक दुरी त राख्नैपर्छ ।” आशिषले केही टाढा हुँदै भन्यो ।


मैले केही बोल्नु उचित ठानेन । सोचेँ, “यो रोग मलाई मात्र लाग्ने र अरु सब मानिस जस्ताका तस्तै स्वस्थ रहने त होइन होला ?”
म एकछिन चोकमा अलमलिएर घर फर्कँदै थिएँ, छिमेकी काकीले भन्नुभयो, “ओहो ! तिमी त मज्जाले घुमिरहेका छौ । कोरोना लागेको भन्ने सुनेको थिएँ । यसरी नडुल बाबु । हामीले पनि बाँच्नु छ ।”


“मलाई निको भइसकेको छ । म स्वस्थ छु । कोरोना जुनसुकै तरिकाले पनि सर्न सक्छ । मैले कोरोना बोकेर हिँडेको पनि छैन ।” मैले यति जोरले भनेँ की वरपरका मानिस सब मलाई हेर्न थाले । रोग लागेको मानिस एक समयपछि निको हुन्छ । स्वस्थ मानिसलाई बहिष्करणमा पार्न खोज्नेसँग लडनका लागि अब म सँग मेरो आवाज मात्र बाँकी छ ।

Ad

सम्बन्धित समाचारहरु

उत्प्रेरक वक्ता सन्तोष लामाको पहिलो कृति ‘सफलताको व्लुप्रिन्ट’ सार्वजनिक

काठमाडौं । विगत लामो समयदेखि उत्प्रेरक बक्ताको रुपमा चिनिएका सन्तोष लामाले पहिलो कृतिको रुपमा सफलताको व्लुप्रिन्ट पुस्तक बजारमा ल्याएका छन । काठमाडौंमा आयोजित एक कार्यक्रका बीच उक्त पुस्ताक नेपाली कांग्रेसका नेता तथा सांसद बहादुरसिंह लामा, उत्प्रेरक बक्ता तथा समाजसेवी र सन्तोष लामा पिताले विमोचन गरे । कार्यक्रममा ९० घण्टा २ मिनेट बोलेर बिश्व किर्तिमानी राख्न सफल अनन्तराम केसी, मोटिभेसनल एण्ड कर्पोरेट ट्रेनर सुदिप बस्नेत तथा रोटरी क्लव अफ गोंगबुका निवर्तमान अध्यक्ष महेश बस्नेत, जलजला गाँउपालिका पर्वतका अध्यक्ष यमबहादुर मल्ल, सर्जक भिम कुसारी लगायको उपस्थिती रहेको थियो ।

कागेश्वरी पुस्तकालयमा देवकोटा, अर्याल र विकलको पूर्णकदको शालिक

काठमाडौं । कागेश्वरी मनोहरा नगरपालिकास्थित कागेश्वरी पुस्तकालयको प्राङ्गणमा महाकवि लक्ष्मीप्रसाद देवकोटा, हास्य शिरोमणि भैरव अर्याल र आख्यान शिरोमणि रमेश विकलको पूर्णकदको शालिक निर्माण भएको छ । देवकोटाको शालिक एक वर्षअघि नै तयार गरिए पनि अर्याल र विकलको शालिक हालै तयार गरिएको हो । ११२औं लक्ष्मी जयन्तीका अवसरमा साहित्यकार एवं नेपाल कम्युनिष्ट पार्टीका नेता प्रदीप नेपालले तीनै स्रष्टाको शालिकमा माल्यार्पण गरे ।

Ad

प्रतिक्रिया दिनुहोस

Ad

Ad
Ad
Ad
Ad
Ad
Ad