Namaste Icon
Ad

बैतडीको भेरीखोलाकाे मुहानमा मृत अवस्थामा भेटिए ११ गाई

बैतडीको भेरीखोलाकाे मुहानमा मृत अवस्थामा भेटिए ११ गाई

बैतडी । जिल्लामा आज ११ गाई मरेको अवस्थामा फेला परेका छन् । पुर्चौंडी नगरपालिका वडा नं ६ स्थित सिगास सामुदायिक वनको हाताभित्र भेरीखोला मुहानमा मृत गाई फेला परेका हुन् । बैतडीका प्रहरी प्रमुख नारायणप्रसाद अधिकारीले गाई मृतावस्थामा फेला परेको भन्ने स्थानीयवासीले खबर गरेको र प्रहरी टोली जाने तयारीमा रहेको जानकारी दिए ।

पुर्चौंडी–६ को मुडेलीका ८० घरपरिवार र एक विद्यालयले त्यही मुहानको पानी प्रयोग गर्दै आएका थिए । गाउँमा आउने खानेपानीको मुहानमा मृत गाई भेटिएपछि खानेपानीको समस्या भएको स्थानीयवासी सीता साउँदले बताइन् । उनले भनिन्, ‘पानीको मुहानमै गाई मरेका हुँदा खानेपानीको निकै समस्या भएको छ । त्यो ठाउँमा दुर्गन्धसमेत फैलिएको छ ।’ नगरपालिकाको कुवाकोट–सुवालेक सडकखण्ड नजीकै रहेको पानीको मुहानमा गाई मृतावस्थामा भेटिएकाले सडकबाटै फालिएको हुन सक्ने स्थानीयवासीले अनुमान गरेका छन् । ‘गाई फालेर मारेको हुन सक्ने अनुमान गरेका छौँ’, स्थानीयवासी प्रेम साउँदले भने, ‘पानीको मूहानमा गाई मरेको भेटिएपछि गाउँ र विद्यालयमा खानेपानीको समस्या भएको छ ।’

मुडेलीस्थित पञ्चकन्या आधारभूत विद्यालयका बालबालिकालाई खानेपानीको समस्या भएको छ । मरेका गाई पाटन नगरपालिकाबाट पुर्चौंडीकै लक्ष्मण पार्की र सुरेन्द्र पार्कीले लगेको बुझिएको छ । पाटन नगरपालिकाले छाडा गाईगोरु व्यवस्थापनका लागि प्रतिगाई रु दुई हजार ५०० का दरले ती व्यक्तिको जिम्मा लगाएको र उनीहरुले ताक्लाकोट लग्ने भनेर नगरपालिकाबाट लगेको उपप्रमुख सरस्वती कोलीले जानकारी दिइन् । उनले भनिन्, ‘बाटामा कतै नछाड्ने शर्तमा उनीहरुले गाई लगेका हुन् ।’

पानीको मुहानमा मृतावस्थामा गाई भेटिएपछि प्रहरी टोली त्यसतर्फ जाने तयारी गरिरहेको इलाका प्रहरी कार्यालयका पाटनका प्रहरी निरीक्षक धनदेव साउँदले जानकारी दिए । गाईको हत्या गरेर फालेको भए कानूनअनुसार कारवाही हुने प्रहरी नायब उपरीक्षक अधिकारीले बताए । उनले भने, ‘प्रहरी टोली जाँदैछ, अनुसन्धान गर्छौं, हत्या गरेर फालेको भए कानूनअनुसार कारवाही हुन्छ ।’

Ad

सम्बन्धित समाचारहरु

गढी गाउँपालिकामा बृहत रक्तदान तथा पुरस्कार बितरण कार्यक्रम

सुनसरी । डिजिटल आदर्श गढी निर्माण अभियानमा लागेका भएका साथसाथै खेलकुदलाई विकास गर्दै रंगशाला निर्माण गर्न अहोरात्र खटिरहेका गढी गाउँपालिकाका युवाहरुले गढी गाउँपालिकामा बृहत रक्तदान तथा पुरस्कार बितरण समारोह समपन्न भएको छ। डिजिटल आदर्श गढी निर्माण समुह गढीको आयोजनामा बुधवार गढी गाउँपालिका स्थित छिटाहामा भएको रक्तदान कार्यक्रममा ३७ पिन्ट रगत संकलन गरिएको छ । रेडक्रस सोसाईटी नेपालको प्राविधिक सहयोगमा भएको रक्तदान कार्यक्रममा यूथ फर ब्लडका यूवाहरु प्रबिण अग्रहरी, बिकास स्र्वणकार, लेसन साँपकोटा, मनिसा साहले रक्तदानको महत्वको बारेमा जानकारी दिए ।

नगरपालिकाले नै दिएन दुई वष सम्म कामदारको ज्याला

नगरपालिकाले नै दिएन दुई वष सम्म कामदारको ज्याला

डडेल्धुरा । जिल्लाकाे परशुराम धाममा धार्मीक महोत्सव लागेको दुई वर्ष हुँदा समेत कामदारले ज्याला नपाएको गुनासो गरेका छन् । नगरपालिकाको वडा नम्बर ५ परिगाउँ स्थित परशुराम धाममा १ माघ २०७५ मा लागेको महोत्सवमा काम गरेको ज्याला कामदारले नपाएका हुन् । आर्थिक अबस्था कमजोर भएर साँझ बिहानको छाँक टार्न समस्या भएको समयमा महोत्सव लाग्दा काम पाएका स्थानीय पारिश्रमिक गरे बाफतको ज्याला नपाउँदा चिन्तित बनेका छन् । घरको काम काज छोडेर महोत्सवमा चर्पीदेखि गेट सम्म बनाउने काम गरेको भएपनि पारिश्रमिक बाफतको पैसा नपाएको देबेन्द्र चन्दले गुनासो गरे ।

Ad

प्रतिक्रिया दिनुहोस

Ad

Ad
Ad
Ad
Ad
Ad
Ad