Namaste Icon
Ad
Ad

‘कारवाही नै समाधान होइन, संयम भएर यात्रा गरौं’

‘कारवाही नै समाधान होइन, संयम भएर यात्रा गरौं’

महानगरीय प्रहरी प्रभाग कलंकीमा कार्यरत ट्राफिक प्रहरी निरिक्षक पुरुषोत्तम कार्कीसंग मनिष रन्जन बरालले गरेको कुराकानीः


यहाँको ट्राफिक व्यवस्थापन कसरी भैइरहेको छ ?
अहिलेको अवस्थामा कलंकीचोक, खसीबजार, मकालु, हुँदै नैकाप सम्म सम्पुर्ण ट्राफिक व्यवस्थापन गर्ने हेर्ने जिम्मा मेरो हुन्छ । यो उपत्यका भित्रिने मुख्यचोक हो । यो चोकलाई हेर्दा काठ्माडौंमा रहेका धेरै चोकहरु मध्येकै फरक चोक हो । किन फरक चोक हो भनें यहाँ ठुला–ठुला १८ चक्के २२ चक्के गाडिदेखि लिएर ठुला ठूला क्रेनदेखि लिएर साना साना मोटरसाईकल साईकल हिड्ने गर्दछन । त्यस्तै भीडभाड हुने चोक पनि हो ।

यसलाई व्यवस्थापन गर्नकोलागि हामीले सकेसम्म बढिभन्दा बढी जनशक्ती परिचालन गरेर विभिन्न ६ ओटा चोकहरुमा ट्राफिक राखेर काम गरिरहेका छौं । पैदलयात्रुलाई पनि सुरक्षित तरिकाले बाटो काटन तथा यात्रा गर्न अनुरोध गर्दै पैदलयात्रुहरुलाई प्राथमिकता राखेर ट्राफिक आफैं बसेर बाटो कटाउने काम पनि गरेका छौं ।

हामीले ट्राफिक आवागमनमा बाधाहुने किसिमका फुटपाथका सामानहरु, जथाभावी पार्किङ्गहरु , जताततै पिक तथा ड्रभ गर्ने किसिमका सवारीहरुलाई सर्वप्रथम हटाउछौं । अनिमात्र हामीले ६ ओटा चोकहरुमा ट्राफिक राखेर काम गर्दा खेरी अलिकती सहज र छिटो हुन्छ ।

त्यस्तै जामहुने मुख्य कारण केहो त ? भनेर त्यस्लाई मध्यनजर गर्दै ट्राफिक व्यवस्थापन मिलाउछौँ र अहिले सम्म ट्राफिक व्यवस्थापन गर्नको लागि हामी सफल भएका छौं । कतैबाट पनि कुनै त्यस्ता प्रकारका आलोचनाहरु सिर्जना भएका छैनन् र यहाँका स्थानिय, बुद्धिजीवी, व्यावसायीहरु र पैदलयात्रुहरु पनि हामीले गरेको कार्यप्रति खुसि हुनुहुन्छ ।

यो क्षेत्रमा ट्राफिक व्यवस्थापनमा के कस्ता चुनौति रहेका छन ?
चुनौतिहरु पनि छन्, तपाईले देखिरख्नु भएको छ । एकतिर हामीले पैदलयात्रुहरु लाई ब्लक गरेर गाडी खुलाउछौं यता पैदलयात्रुहरु झन्झट मान्छन् उनीहरुले १ मिनेट देखि २, ३ मिनेट पर्खनुपर्ने हुन्छ । उनीहरुले झन्झट मान्नु पर्ने अवस्था छ । त्यस्तै ठुला ठूला मालवाहक ट्रकहरु चलिरहेको अवस्थामा पछाडि आईरहेका साना साना मोटरसाईकल लगायत अन्य साधनहरुले छोईदिन सक्ने अवस्थाहरु पनि छन् ।

दुर्घटना बढिहुने अवस्था पनि छ । अर्को कुरा यहाँ (फ्लाई ओभर) छैन त्यस्तै आकाशे पुल नभएका कारणले त्यस्ता चुनौतिहरु बढि छन । ट्राफिक लाईट नभएका कारणले धेरैजसो जनशक्ति प्रयोग गर्नुपरेको छ ।

यस्तो अस्तव्यस्त बाटोमा ट्राफिक व्यवस्थान राम्रो बनाउन तथा दुर्घटना कम गर्न चालकहरु तथा पैदल यात्रुलाई के भन्नु हुन्छ ?
मैले बिशेषगरि ध्यान दिनु पर्नेमा पैदल यात्रुहरुलाई र सवारी चालकहरु लाई पनि के भन्न चाहन्छु भने । कृपया एकले अर्कालाई केही समय पर्खने बानी बसालौं यहाँ हाम्रो नजरमा कसैले कसैलाई पर्खेको देखिंदैन, उ पहिला अगाडि जाने कि म अगाडि जाने भन्ने जुन प्रतिस्पर्धा हुन्छ । त्यसले गर्दा दुर्घटना बढि हुने गर्दछ, त्यसकारण संयमता अपनाउन सवैलार्य अनुरोध गर्दछु । पैदल यात्रुहरुलाई फेरी पनि के भन्छु भने बाटो काट्नु पर्दा समुहमा बाटो काट्ने गरौं ( जेब्राक्रसिङ्गबाट होस वा जेब्रा क्रसिङ्ग नभएका ठाउँहरुबाट बाटो काट्नुपर्ने अवस्था सिर्जना भएमा समुहमा बाटो काटौं, एक्लै बाटो नकाटौं समुहमा बाटो काट्नाले टाढाबाट आउदैगरेका साधनहरु टाढै रोक्ने गर्छ र यस्ले बाटो काट्नमा अझै मदत पुर्याउछ ।

यता सवारी चालकहरुले पनि केही समय निकालेर भए पनि पैदलयात्रुहरु लाई पनि प्राथमिकता दिने बानी बसालौं । त्यस्तै विशेष गरेर मोटरसाईकल चालकहरुलाई पनि अनुरोध गर्दछु , किनकी ठुला साधनहरु प्राय रोक्ने गर्दछन् भने साना साधनहरुले यात्रु छलेर हिड्ने गर्दछन् त्यसकारण पैदलयात्रुहरुलाई प्राथमिकता दिँउ र सडकमा खेलाची नगरौं । यहाँ हरेको चालकहरुले कुनै पनि अवस्थामा प्रतिस्पर्धाको भावना राखेर नहिडौं भनेर उहाहरुलाई अग्रह गर्दछु।


अत्यमा....
विशेष गरि पैदल यात्रुहरु र सवारी चालकहरुलाई ट्रफिक नियमहरु प्राय सबैलाई नै थाह छ कहाँ बाटो काट्ने कहाँ नकाट्ने कुन (वे) बाट आफू आउने या न आउने र मलाई लाग्छ ट्राफिक इसाराहरु सबैले बुझ्नुहुन्छ, बुझ्दा बुझ्दैपनि त्यसको उल्लंघन नगरौं । कारवाही नै समाधान हैन र सबै गल्तिहरुलाई कारवाहिले मात्रै सबैकुराको समाधान गर्न सक्दैन । चालक भएपछि आफ्नो नैतिक धर्मलाई पनि नबिर्सौं, बाटोमा हिड्दाखेरी आफू जिम्मेवार भएर हिडौं त्यसो गरेमा मलाई लाग्छ दुर्घटना पनि कम हुन्छ र सबैलाई सहज हुन्छ ।

Ad

सम्बन्धित समाचारहरु

फोटोग्राफीमा वेडिङ विधा नै रोज्नुको कारण के हो ? (भिडियो अन्र्तवार्ता)

फोटोग्राफीको क्षेत्रमा पछिल्लो समय निकै चर्चित नाम फोटो पसलले फोटोग्रफीलाई अझैं राम्रो व्याावसायिक बनाउन सहयोग गर्ने उद्देश्यले विभिन्न कार्यक्रम तथा फोटो सम्बन्धी बहस छलफल गर्दै आइरहेको छ । फाेटाेग्राफीमा नविनतम परिवर्तनका लागी सन् 1983 Aug 27th जन्मिएका फाेटाेग्राफर जसलाइ हामीले व्यवसायीक रूपमा नेपाली विवाह फाेटाेग्राफिमा नविनतम साेच ल्याउन सफल फाेटाेग्राफरकाे रूपमा चिनेका छाै । उनी शुरूका दिनमा Channel Nepal Television आफ्नो व्यवसायीक फाेटाेग्राफि गर्दै अहिले Wedding Diary Nepal का Founder, ECS Media मा Fromer Photographer रहेर काम गरि रहेका छन । व्यवसायीक विवाह फाेटाेग्राफिमा धेरै फाेटाेग्राफर उत्पादन गर्न सफल एवं धेरैलाइ स्वराेजगारि दिन सफल फाेटाेग्राफर सह्नावाज मुहमद Shahnawaz Mohammad सँग फोटो पसलका अध्यक्ष योगेन्द्रजंग बस्नेतले गरेको कुराकानीः

हामी कांग्रेसमय चिङ्गाड गाउँपालिका बनाउने अभियानमा छौं : युवा नेता शर्मा

नेपाली कांग्रेस तरुणदल बिभागका केन्द्रिय सदस्य एवंम कर्णाली प्रदेशका युवा नेता डोरप्रशाद शर्माले आफूहरु कांग्रेसमय चिङ्गाड बनाउने अभियानमा जुटिसकेको बताएका छन । नेपाली जनता र राष्ट्रलाई माया गर्ने पार्टी नेपाली कांग्रेस भएकाले चिङ्गाडबासी जनता र नेपाली कांग्रेस बीचमा सम्बन्ध नङ र मासुको जस्तो रहेकोले जनताको साथ फेरि पनि कांग्रेसलाई नै रहने उनले बताए । नेता डोरप्रशाद शर्मा सँग दर्पण दैनिककर्मी खगेन्द्र हमालले गरेको कुराकानीको सारसंक्षेपः

Ad

प्रतिक्रिया दिनुहोस

Ad