Namaste Icon
Ad

राष्ट्रियसभा सदस्य दुर्गाप्रसाद उपाध्यायको निधन

राष्ट्रियसभा सदस्य दुर्गाप्रसाद उपाध्यायको निधन

काठमाडौं । राष्ट्रियसभा सदस्य दुर्गाप्रसाद उपाध्यायको ५० वर्षको उमेरमा शुक्रबार निधन भएको छ। लामो समयदेखि क्यान्सर रोगबाट थलिएका उनको लुम्बिनी सांस्कृतिक नगरपालिका १० स्थित आफ्नै निवासमा निधन भएको प्रदेशसभा सदस्य फकरुद्दिन खानले जानकारी दिए।

नेपाली काँग्रेसका तर्फबाट राष्ट्रियसभाका सदस्य बनेका उपाध्याय वि।सं २०४६ को जनआन्दोलनदेखि आबद्ध भई सक्रिय भूमिका निर्वाह गर्दै आएका थिए। विसं २०५४ मा साविक मधुवनी गाविसको उपाध्यक्षमा निर्वाचित भएका उपाध्याय दुईपटक काँग्रेसको क्षेत्रीय सभापति र महाधिवेशन प्रतिनिधि बनेका थिए।

लुम्बिनी विकास कोषको कार्यकारिणी सदस्यसमेत रहेका उपाध्यायका श्रीमती, दुई छोरी र तीन छोरा छन्। उनको लुम्बिनीमै अन्तिम संस्कार गर्ने कार्यक्रम रहेको प्रदेशसभा सदस्य खानले बताए।

Ad

सम्बन्धित समाचारहरु

नेकपाको विवादमा मध्यमार्गी समधान खोजिँदै

नेकपाको विवादमा मध्यमार्गी समधान खोजिँदै

काठमाडौं । सत्तारुढ नेपाल कम्युनिस्ट पार्टी (नेकपा) भित्र पछिल्लो समय देखिएको विवाद समाधानका लागि मध्यमार्गी उपायको खोजी गर्न थालिएको छ । बुधबार दिनभरको तनावपछि बिहीबार एउटै मञ्चमा उपस्थित भएका शीर्ष नेताले नेतृत्वमा केही विषयमा विवाद भइरहने भन्दै त्यसतर्फ ध्यान नदिन आग्रह गरेका थिए । तर, प्रधानमन्त्री केपी शर्मा ओलीले भने कुनै प्रतिक्रिया दिएनन् ।

बालुवाटारमा ओली र नेपालबीच भेटवार्ता

बालुवाटारमा ओली र नेपालबीच भेटवार्ता

काठमाडौं । नेकपाका अध्यक्ष तथा प्रधानमन्त्री केपी शर्मा ओली र नेता माधवकुमार नेपालबीच भेटवार्ता भएको छ। शुक्रबार दिउँसो ओली र नेता नेपालीबीच बालुवाटारमा भेटवार्ता भएको हो। नेकपाका अर्का अध्यक्ष पुष्पकमल दाहाल प्रचण्डसँग छलफल सकिएपछि नेता नेपाल बालुवाटार पुगेका थिए। नेकपाका एक नेताका अनुसार पछिल्लो समय ओलीसँग अन्य नेताहरुको सम्बन्ध बिग्रँदै गएपछि प्रचण्डको सन्देश लिएर नेता नेपाल बालुवाटार गएका हुन्।

Ad

प्रतिक्रिया दिनुहोस

Ad