Namaste Icon
Ad
Ad

रहरै रहरले गायिका बनिएछ, तर धेरै कुरा सिक्न बांकी छ – किसु गुरुङ

रहरै रहरले गायिका बनिएछ, तर धेरै कुरा सिक्न बांकी छ – किसु गुरुङ
गायिका - किसु गुरुङ

परदेशी हुन कसैलाई रहर हुदैन यो बाध्यता नै हो । हाल सम्म लाखौं नेपाली कामको खोजीमा परदेशी भएकाम छन । यस्तै लाखौं मध्येकी एक हुन सुमधुर स्वरकी धनी गायिका किसु गुरुङ । किसु गुरुङ गीत संगीतको क्षेत्रमा परिचित नाम हो । डेढ दर्जन गीतमा स्वर दिईसकेकी गायिका गुरुङ विगत लामो समय देखि ईजरायल बस्दै आएकी छन । परदेशको बसाई सँगै नेपाली भुमिलाई सम्झनामा राखि राख्न समय मिलाएर उनले गीत संगीतमा आफ्नो योगदान दिईराखेकी छन । नेपाली माटो सुहाउदो गीत संगितमा रुचि राख्ने गायिका गुरुङले विशेष गरि पूर्वेली भाकाका गीत अलि बढि गाएपनि उनका पश्चिमेली भाकाका गीत पनि बजारमा आएका छन । परदेशको बसाई नेपाली गीत संगीतप्रतिको माया लगायतका विषयमा दर्पण दैनिकले गायिका किसु गुरुङसँग गरेको कुराकानीः

 

 


पछिल्लो समय के मा व्यस्त हुनुहुन्छ ?

घर छोडेर परदेश आईसकेपछि विदेशमा आउनु को अर्थ सार्थक बनाउन काम गर्नै पर्यो दैनिक ड्युटी गर्छु । फुर्सदको समयमा गीत संगीत गाउने लेख्ने काम गर्छु।

 


गीत संगीतको यात्रा कसरी सुरु भयो ?
मलाई लाग्थ्यो गीत संगित गायक गायिकाले मात्रै गाउछ, तर होइन रहेछ धेरै मान्छेहरुले गाएको देखे सुने सो गीत संगीत भनेको के रहेछ ? भनेर मैले पनि गीत संगीतको अनुभव बटुलेर हेर्छु भनेर मैले कभर गीतबाट यात्राको सुरुवात गरे । जब म इजरायल आए यता धेरै कार्यक्रमहरुमा गीत गाउने अवसर पाईयो । यसरी नै गीत संगीतमा रहरै रहरले लागियो । अहिले त पेशा जस्तै भईसक्यो ।

 


तपाई गायिका बन्नुको प्रेरणा कसलाई दिनुहुन्छ ?
म आफुले आफुलाई गायिका नै हो भन्न त रुचाउदिन किन कि गायिकामा हुनु पर्ने कुराहरु सिक्न धेरै बाकी छ । तर पनि यो स्थान सम्म आईपुग्दा मलाई दर्शक श्रोताहरुले गायिकाको उपनाम दिनु भएको छ । यसको लागि आम दर्शकश्रोतालाई नै पहिलो प्रेरणा जान्छ । त्यस्तै, रबि लामा र रमेश युडिबाट धेरै कुरा सिकेको छु र मेरो पहिलो आवाज भर्ने संगीत पनि रबि लामा र रमेश युडि उहाँहरुबाटै पाएकी हुँ, त्यसैले यो प्रेरणा उहाहरुलाई नै दिन चाहान्छु ।

 


हाल सम्म के कस्ता कतिवटा गीत गाउनु भएको छ ?
हाल सम्म मैले २३ वटा गीतहरुमा आवाज भरी सकेकी  छु । जस्मा आधुनिक, लोक आधुनिक, लोक पुर्बेली, लोक पस्चिमेली , डान्सिङ जस्ता गीतहरु रहेका छन ।


तपाईले गाउनु भएका तथा लेख्नु भएका गीत कुन कुन हुन ?
मैले गाएका गीतहरुमा मै राम्री, जाले रुमाल, सोल्टिनी ज्यु, सात समुन्द्र पारी, सोलु सल्लेरी, डेटिङ तिर, मलाई गोरि नभन, , तिमि हास , तिमिलाई पाए, छोरीको जन्म , हिस्सी परेको, मायाको चिनो , पर्देशी, लकैमा फुल्यो, ऐसेलु पाके रहेका छन । त्यस्तै, सुनैको शिरफुल, लचक लचक, भिजा लाग्यो, पूर्ब झापा, खोटो सल्लाको , सोह्र बर्षे आदी रहेका छन । जस मध्ये पूर्ब झापा र लचक लचक भन्ने गीतको शब्द चाही मैले आफैले लेखेकी हुँ ।


पारिवारीक साँथ सहयोग कस्तो छ ?
मेरो पारिवारिक साथ सपोर्ट एक दमै राम्रो छ किन कि मेरो श्रीमानले पनि गीत संगीत लाई अति नै मन पराउनु हुन्छ । हामी दूर्इ जनाले एउटा गीत पनि गाएका छौ जुन गीत रहेको छ ‘खोटो सल्लाको’ जसको शब्द – संगीत र एरेन्ज भने गायक तथा संगीतकार बिशाल बानु राईले गर्नु भएको छ ।

 


प्रवाशमा बसेर नेपाललाई कसरि सम्झनु हुन्छ ?
मातृभुमि के रहेछ भनेर बुझ्नलाई परदशी हुनु नै रहेछ, नेपालमा हुँदा खासै महत्व नलाग्ने ति पाखा पखेरा, भाष, भेषभुषा गाँउ घर परदेशी भएपछि झल झल सम्झिन मन लाग्छ । त्यस्तै, आफ्नो देश आफ्नो जन्मभुमि हरेको कुराको कति सम्झना आउछ भनेर शब्दमा व्यक्त गर्नै सकिदैन । अर्को कुरा परिवारबाट टाढा भए पछि आफ्नो बुबा–आमाको याद त हर समय आई नै रहन्छ ।

 


प्रवाशको बसाईले गीत संगीतको यात्रामा केहि असर पर्दो रहेछ की ?
एकदमै धेरै असर पर्छ । किनभने हामी चाहेर पनि पब्लिक मिडिया सामु आउन पाएका हुदैनौ । रेकर्डिङ गर्न जाने समय मिल्दैन गीत संगीतलाई समय दिन सकिरहेका हुदैनौं हेरेक कुराहरुले असर पारेको हुन्छ ।


ईजरायलको बसाई तथा दैनिकी कसरि व्यतित हुने गर्दछ ?
त्यहिँ त हो, आफ्नो काम गर्यो फुर्सदको समयमा गीत संगीतलाई समय मिलायो यसरी नै बित्ने गर्छ ।


अन्तमा‍‍‍‍‍‍....
गीत संगीतको क्षेत्रमा सके सम्म यहि क्षेत्रमा लाग्ने कोसिस गर्ने छु । हेरौ कति सम्म समयले साथ दिन्छ । अन्तमा सम्पुर्ण मेरा दर्शक श्रोताहरुमा धेरै धेरै धन्यवाद दिन चाहन्छस जसको कारण आज यो स्थानमा आइपुग्न सफल भएकी छु । उहाहरुकै माया साथ सपोर्ट र आशीर्वादको देन हो मेरा दर्शक श्रोता बिना जहिले पनि अपुरो र अधुरो नै रहनेछु ।

 

 

किसु गुरुङबारे थप जान्न click here

Ad

सम्बन्धित समाचारहरु

जति सक्दो तितेपााति खेती गर्नुस, प्रतिकेजि रु ५० मा हामी किन्छौं - डां ईश्वर बलामी

काठमाडौं । जापानको आर्कषक तलब छोडेर आफ्नै जन्मभुमिमा सम्भावना देखेर नेपाल आएका सहयोगी भावानाका डां ईश्वर बलामीले हाल काठमाडौंको सितापाईलामा तितेपाति बाट विभिन्न औषधी बनाएर जापान पठाई रहेका छन ।

सरकारको नजरमा पर्न सकेन् पुष्प व्यवसाय - कुमार कसजु श्रेष्ठ

फूल भन्ने वित्तिकै सबैको मन फुरुङग हुन्छ । फूलले सबैलाई आनन्द दिन्छ । आझ भनौं नेपालको परिवेशमा त मानिस जन्मे देखि मृत्युपर्यन्तसम्म जुनकुनै कार्यका लागी पनि फूलको आवश्यकता पर्छ । फूलले दिने सुगन्धदेखि सुसजावटमा मानिसहरु लोभिएका हुन्छन । तर पछिल्लो समय कोरोना महामारीको कारण सबै क्षेत्र प्रायः ठप्प छन । पुष्प व्यवसाय पनि यो महामारीबाट टाढा रहन सकेको छैन । कस्तो छ त पुष्प व्यवसायको अवस्था, समस्या, चुनौती र समाधानका उपायहरु लगायतका विषयमा रहेर फ्लोरिकल्चर एसोसिएसन नेपालका अध्यक्ष कुमार कसजु श्रेष्ठसँग दर्पण दैनिकका लागि केशर विश्वकर्माले गरेको कुराकानीः

Ad

प्रतिक्रिया दिनुहोस

Ad
Ad
Ad
Ad
Ad
Ad
Ad