Namaste Icon
Ad
Ad

थाहा पाउनुहोस, झोलमल कसरि बनाउने ? कसरी प्रयोग गर्ने ?

थाहा पाउनुहोस, झोलमल कसरि बनाउने ? कसरी प्रयोग गर्ने ?

बालीबिरुवा राम्ररी फस्टाउन, वृद्धिविकास हुन, फुल्न, फल्न र फल पु्ष्ट हुन रोप्नु भन्दा पहिले र रोपेपछि पनि विभिन्न खाद्यतत्वहरु दिनु पर्ने हुन्छ । रोप्नु भन्दा पहिले ठोसमल दिन सकिन्छ भने रोपेपछि झोल रुपमा बिरुवाको फेदमा सिंचाईसंग या स्प्रेको माध्यमबाट पनि दिन सकिन्छ। यसरी दिनेमल ठोस भन्दा झोल मल राम्रोहुन्छ।झोलमल विभिन्न प्रकारका हुन्छन्।चीयामल, भर्मीवाश,जीवामृत, वानस्पतिक विषादी, झोलमल, जिब्रेलिक, अमिनो एसिड, जैविक सुक्ष्मतत्व आदि सबै झोलमलकै रुप हुन्।

कृष्णमुरारी घिमिरे

प्राङ्गारिकः जैविक खेतीको लागि यस्ता घरमै बनाउन सकिने झोलमलको अतिनै महत्व हुन्छ । हामीले घर खेत वरिपरि पाइने वनस्पतिलाई प्रयोग गरेर पनि झोलमल बनाउन सक्छौं। यसको लागि घर वरिपरि पाइने चाँडै कुहिने खालका वनस्पतिहरु जस्तै (अडेर,असुरो,नीम। बकाइनो,वनमारा,जलकुम्भी,तीतेपाती,गाजरघाँस आदि सकेसम्म धेरै प्रकारका वनस्पतिका पात,स्याउला जम्मा गर्ने। वानस्पतिक विषादीको रुपमा तयार गर्नको लागि तितो, पिरो, अमिलो, टर्रो, गन्हाउने, दूधआउने वनस्पति र लसुन, प्याज, खुर्सानी, सुर्ती पनि प्रयोग गर्नु पर्छ भने मलको लागिमात्र यी कुराहरु आवश्यक छैनन्।

जम्मा गरिएका वनस्पतिलाई काटेर मसिनो टुक्रा बनाउने । १०० लिटरको लागि २० केजी वनस्पति आवश्यक पर्छ, त्यही अनुपातमा धेरै थोरै बनाउन सकिन्छ। काटेर तयार गरेको वनस्पतिलाई ड्रममा राख्ने र त्यसमा स्थानीय गाईको गहुँत वा उपलब्ध छ भने वेस्ट डिकम्पोजर कल्चरले भर्ने। गहुँत वा वेस्ट डिकम्पोजर दुबै नभएमा पानीले भर्न सकिन्छ,तर सकभर १५–२० लिटर गहुँत राख्न राम्रो हुन्छ।वेस्ट डिकम्पोजर राखेकोमा कुनै जोरनको आवश्यकता पर्दैन,गहुँत राखेको छ भने २५०–५०० ग्राम आलो गोबरमा २५०–५०० ग्राम खरानी मुछेर पातलो कपडामा पोको पारेर डुब्ने गरी ड्रममा राख्ने वा पाइन्छ भने ३–४ वटा मर्चा पिनेर राख्ने वा ५०० ग्राम दही वा मोही राख्न पनि सकिन्छ।

ड्रमलाई गर्मी समयमा छायाँ पर्ने ठाउँमा र जाडो समयमा पाहारिलो ठाउँमा राख्ने, हावा बन्द हुनेगरी बिर्को लगाउने।तेस्रो दिनबाट दिनको एक पटक बिर्को खोलेर चलाउने। यदि चलाइएन भने ग्याँस भरिएर ड्रम फुटाउन सक्छ। १५–२५ दिनमा झोलमल तयार हुन्छ,वेस्ट डिकम्पोजर राखेको भए २१ दिनमा तयार हुन्छ।तयारी मललाई छानेर अर्को भाँडोमा राख्ने र वनस्पतिका अवशेषलाई ड्रममा राखेर गहुँत वा वेस्ट डिकम्पोजरले भर्ने।पहिलोको तुलनामा दोस्रो पटक बनाएको कम शक्तिशाली हुन सक्छ।

प्रयोग

तयारी झोल १ भागमा
नर्सरीको बिरुवालाई १ः१०,सरेको बिरुवालाई १ः७–८,फुल्ने फल्ने अवस्थाको बालीमा १ः४–५ को अनुपातमा पानी वा वेस्ट डिकम्पोजरसंग मिसाएर छर्ने।तर वेस्ट डिकम्पोजर प्रति १५ लिटर मा ४–४.५ लिटर भन्दा बढी प्रयोग गर्नु हुँदैन। २० देखि ५० प्रतिशत सम्म प्रयोग गर्नु पर्छ। यसरी एक बाली अवधिमा ३ पटक सम्म स्प्रे गर्न सकिन्छ।

 

कृष्णमुरारी घिमिरे, भरतपुर महानगर पालिका -२३, चितवन

सम्पर्क नंबर-9845066988

Ad

सम्बन्धित समाचारहरु

नेपालमा हालसम्मकै सबैभन्दा बढी क्षेत्रफलमा धान रोपाइँ

काठमाडौं । यो वर्ष नेपालमा हालसम्मकै सबैभन्दा बढी क्षेत्रफलमा धान रोपाइँ भएको छ । गत वर्षको मात्र तुलना गर्दा ३।२४ प्रतिशत अर्थात् ५१ हजार ७३८ हेक्टर बढीमा धान रोपाइँ भइसकेको छ । समयमै पानी परेका कारण मौसमको अनुकूलता र कोरोना भाइरस ९कोभिड–१९० ले मानिसहरू ग्रामीण क्षेत्रमा केन्द्रित भएका कारण धान रोपाइँमा सकारात्मक प्रभाव परेको हो । कृषि तथा पशुपक्षी विकास मन्त्रालयका प्रवक्ता डा। हरिबहादुर केसीले भने, ‘हालसम्मकै सबैभन्दा बढी क्षेत्रफलमा यसपटक धान रोपाइँ भएको छ । समयमै पानी परेको तथा पर्याप्त जनशक्ति उपलब्ध भएका कारण गत वर्षभन्दा तीन प्रतिशतभन्दा बढी क्षेत्रफलमा रोपाइँ भइसकेको छ ।’

मेथिका फाईदाहरु

मेथिका फाईदाहरु

काठमाडौं । मेथि निकै फाईदाजनकक मानिन्छ । हेर्नुहोस मेथिका फाईदाहरु

Ad

प्रतिक्रिया दिनुहोस

Ad