Namaste Icon
Ad
Ad

ओलीमाथि नेता ज्ञवाली आरोप,'कम्युनिष्टको खोल ओढेर देशमाथि गद्दारी गरे'

ओलीमाथि नेता ज्ञवाली आरोप,'कम्युनिष्टको खोल ओढेर देशमाथि गद्दारी गरे'

रुपन्देही । नेकपाको प्रचण्ड-नेपाल समूहका नेता युवराज ज्ञवालीले केपी ओलीलाई केशरजंग रायमाझीभन्दा बढी प्रतिगमनकारी र विश्वासघाती नेता भएको टिप्पणी गरेका छन् । ज्ञवालीले कम्युनिष्टको खोल ओढेर देशमाथि गद्दारी गरेको आरोप ओलीमाथि लगाएका छन् ।

शनिबार बुटवलमा पत्रकार सम्मेलनमा बोल्दै नेता ज्ञवालीले प्रधानमन्त्री केपी ओली नेपाली कम्युनिष्ट आन्दोलन र नेपाली राजनीतिमै राष्ट्रघाती र प्रतिगमनकारी व्यक्तिको रुपमा स्थापित भइरहेको जिकिर गरे ।


केशरजंग रायमाझी कम्युनिष्ट नेता भएर पनि महेन्द्रको शरणमा पुगेको इतिहास स्मरण गरे । ‘रायमाझीले महेन्द्रको कदमलाई समर्थन मात्र गरेका हुन्, केपी ओलीले आँफै प्रतिगमन गरेका हुन्, रायमाझी भन्दा उनी अझ प्रतिगमनकारी र विश्वासघाती हुन्, रायमाझीले भन्दा अझ बढी क्षति उनले पुर्‍याउन खोजेका छन्,’ उनले भने ।

ज्ञवालीले हालसालै प्रचण्ड-नेपाल समूहका लुम्बिनी प्रदेश इन्चार्जको जिम्मेवारी पाएका छन् । नेता ज्ञवालीले केपी ओलीले कम्युनिष्ट पार्टी नै खतम गर्न खोजेको आरोप लगाए । उनले भने, ‘पार्टी, देश र व्यवस्था बचाउन हामी लागिरहेका छौं । विघटनको कदम देश र जनतामाथि ठूलो विश्वासघात हो । हामी ओलीको कदमलाई असफल बनाउँछौं ।’

उनले ओलीको अहंकारको पराजय हुन जरुरी रहेको भन्दै शुक्रबार काठमाडौंमा गरेका जस्ता ठूला ठूला सभा गरिने जानकारी दिए ।

Ad

सम्बन्धित समाचारहरु

'केपी ओलीले मेरो अध्यक्ष पद खोस्न सक्दैनन'

'केपी ओलीले मेरो अध्यक्ष पद खोस्न सक्दैनन'

काठमाडाैं । प्रचण्ड-नेपाल समूहका अध्यक्ष माधवकुमार नेपालले केपी ओलीले आफ्नो अध्यक्ष पद खोस्न नसक्ने टिप्पणी गरेका छन् । संसद भवन नयाँ बानेश्वरमा पत्रकारहरूसँग कुरा गर्दै अध्यक्ष नेपालले नेकपाको अध्यक्षको जिम्मेवारी केपी ओलीले खोसेर नखोसिने प्रतिक्रिया दिएका हुन् ।

एमाले र माओवादी केन्द्र ब्युँतिए, अब के गलार्न नेताहरू ?

एमाले र माओवादी केन्द्र ब्युँतिए, अब के गलार्न नेताहरू ?

काठमाडौं । सर्वोच्च अदालतले ऋषि कट्टेल नेतृत्वको नेपाल कम्युनिस्ट पार्टीको पक्षमा फैसला गरेलगत्तै नेपाल कम्युनिस्ट पार्टी र माओवादी केन्द्र ब्युँतिएका छन् । आज सर्वोच्च अदालतको फैसलाले स्पष्ट रुपमा पुरानो अवस्थामै फर्कने गरी उल्लेख गरेपछि ब्युँतिएको हो । सर्वोच्चको फैसलामा भनिएको छ,‘निर्वाचन आयोगमा राजनीतिक दलका रुपमा दर्ता रहेका नेपाल कम्युनिस्ट पार्टी एकिकृत माक्र्सवादी लेनिनवादी र नेपाल कम्युनिस्ट पार्टी माओवादी केन्द्र अलग अलग राजनीतिक दलका रुपमा साबिक कै अवस्थामा कायम रहने हुँदा, अब यी दुई राजनीतिक दलले एकिकरण गर्ने भएमा राजनीतिक दल सम्बन्धि ऐन तथा नियम विपरित नहुने गरी निर्णय गरी अविलम्ब निर्वाचन आयोगमा उपस्थित हुन जानकारी दिई शिघ्र कानून बमोजिम आवश्यक निर्णय गर्नु गराउनु भनी विपक्षीमध्येका निर्वाचन आयोगका नाममा परमादेश समेत जारी गरिदिएको छ ।’

Ad

प्रतिक्रिया दिनुहोस