Namaste Icon
Ad

कर्णालीमा एमालेलाई चुनौतीसंग सामना गर्न पार्टी केन्द्रिय नेतृत्व अपरिहार्य

कर्णालीमा एमालेलाई चुनौतीसंग सामना गर्न पार्टी केन्द्रिय नेतृत्व अपरिहार्य
खगेन्द्र हमाल

कर्णाली प्रदेशका दश वटै जिल्लाबाट पार्टीको १०औं राष्ट्रिय महाधिवेशनमा १२२ जना महाधिवेशन प्रतिनिधि सहभागी हुने भएका छन् ।१०औं राष्ट्रिय महाधिवेशन मंसिर १० गते देखि १२ गतेसम्म चितवनमा हुँदै छ । देश तथा प्रवासबाट समेत गरी १ हजार ९९९ जना प्रतिनिधि सहभागी हुने यो महाधिवेशनमा आगामी पाँच वर्षका लागि नेकपा एमाले केन्द्रीय नेतृत्व र कमिटि महाधिवेशनले निर्वाचित गर्नेछ ।

नेकपा एमालेको दशौँ राष्ट्रिय महाधिवेशन नजिकिदै गर्दा कर्णाली प्रदेशमा एउटा छुट्टै खालको राजनीतिक तरंग पैदा भएको छ । सदा झैँ पार्टीको शिर्ष नेतृत्वको जिम्मेवारी पाउन असफल भएको कर्णाली प्रदेशले यसपटक कस्तो जिम्मेवारी पाउछ भन्ने सबैको चासोको बिषय बनेको छ ।सर्वोच्च अदालतले परमादेश जारी गरेपछि यतिबेला प्रदेश र केन्द्रमा गठबन्धन सरकार रहेको छ । त्यसमा पनि नेपाली काङ्ग्रेसका सभापति शेरबहादुर देउवाको नेतृत्वमा सुयुक्त गठबन्धन सरकार रहेको छ । नेकपा एमाले केन्द्र र प्रदेशमा प्रतिपक्षमा छ । नेकपा एमाले प्रदेश सरकारको नेतृत्वबाट बाहिरिएको छ । यतिबेला केन्द्र देखि स्थानीय तहसम्म गठबन्धन सरकारको समीकरण बनेको छ । पाँच राजनीतिक दल एकातिर र एमाले एक्लै अर्कोतिर रहेको छ।

गत निर्वाचनमा नेकपा एमालेले एक्लै २० सिट ल्याउन सफल भएको कर्णाली प्रदेशमा एमालेको शक्ति त्यति कम्जोर त छैन तर अहिलेको बर्तमान राजनीतिक परिस्थितिलाई नियाल्दा र निर्वाचन नजिकिदै गर्दा एमालेलाई ठुलो चुनौती संग सामना गर्नुपर्ने छ।केन्द्र देखि प्रदेश र स्थानीय तहसम्म पाँच दलिय सत्ता गठबन्धनले निर्वाचन सम्म गठबन्धन गरेरै अगाडि बढ्ने समयन्त्र बनाउदा कर्णालीमा एमालेले ठुलो राजनीति चुनौतीको सामना गर्नुपर्ने भएको छ । नेपाली काङ्ग्रेसका महामन्त्री पुर्णबहादुर खड्का र माओवादी तर्फबाट अर्थमन्त्री जनार्दन शर्मा कर्णाली प्रदेशबाट केन्द्रिय राजनीतिमा स्थापित भैसकेका छन् । यी दुबै नेता अहिले गठबन्धन सरकारको महत्त्वपूर्ण नेतृत्व रहेका छन् । अन्य प्रदेश भन्दा नेकपा माओवादीको पकेट प्रदेश भनेर चिनिने कर्णाली प्रदेशमा माओवादीकै नेतृत्व शिर्ष तहमा भएपछि कर्णालीको राजनीतिमा ठुलो प्रभाव पर्ने पनि देखिन्छ । कर्णाली प्रदेशमा मुख्यतया गठबन्धनका तिनै दलका नेताहरु शिर्ष नेतृत्व तहमा छन् ।

महाधिवेशन नजिकिदै गर्दा कर्णाली प्रदेशबाट एमालेले केन्द्रिय पार्टी नेतृत्व कस्तो पाउला त भन्ने विभिन्न कोणबाट बहसहरु भइरहेको छ । अन्य राजनीतिक दलका नेताहरु कर्णालीबाट शिर्ष नेतृत्वमा रहेका बेला एमाले कर्णालीले भने केन्द्रिय कमिटी सदस्य र पोलिटब्युरो सदस्यमा चित्त बुझाउनु परेको छ । कर्णाली एमाले नेतृत्व असक्षम भएर होइन शिर्ष पार्टी नेतृत्वले मुल्यांकन नगरेर कर्णालीबाट एमाले केन्द्रिय राजनीतिक नेतृत्वमा पछि परेको तितो सत्य हो । कर्णाली एमाले नेतृत्वको राजनीति निर्णय क्षमता, ईच्छाशक्ति, सहि र गलत छुट्याउन सक्ने खुबि, पार्टीगत बिषय बस्तुको राम्रो अनुभवी ज्ञान, परिस्थिति अनुरुप आफ्नो कार्यशैली र कार्यनीतिमा परिवर्तन गर्न सक्ने लचकता, पार्टी प्रति लगनशीलता, उत्साह आत्माविश्वास धैर्यता स्वत्याग र निष्पक्षता विशेष गुणहरु हुन् ।

कर्णाली एमाले नेतृत्वले अहिलेसम्म संगठनको लक्ष्य निर्धारण र संरचना तयार गरि संगठनका कार्यहरुको समन्वय निर्देशन गरि सामुहिक भावनाअनुसार पार्टी संगठनका कार्यहरु गर्ने गराउने काममा सक्षम भुमिका निभाउदै आएको छ । नेपालको राजनीतिक परिवर्तनको आन्दोलन होस या अन्य जुनसुकै आन्दोलनमा कर्णाली प्रदेशबाट नेकपा एमालेले महत्त्वपूर्ण योगदान दिंदै आएको छ । त्यसकारण पनि नेकपा एमाले कर्णाली प्रदेश देशका सातवटै प्रदेश बराबरको राजनीति नेतृत्वको हैसियत राख्दछ र त्यो हैसियतमा अब कर्णाली हुनुपर्छ भन्ने आम कर्णालीबासि नेकपा एमाले शुभ चिन्तक र आम नेता कार्यकर्ताहरुको धारणा रहेको छ । महाधिवेशनबाट कर्णाली प्रदेशले कस्तो जिम्मेवारी पाउला भन्ने आम चौतर्फी बहस चलिरहेका बेलामा दशौँ राष्ट्रिय महाधिवेशनमा कर्णालीबाट प्रतिनिधिका रुपमा सहभागी हुने सम्पूर्ण प्रतिनिधिहरुले कर्णालीको केन्द्रिय राजनीतिक नेतृत्व लिनका लागि एकमतका साथ भावनात्मक एकतागत ढंगबाट अगाडि बढ्नुपर्ने समय आएको छ । कर्णालीको समग्र कम्युनिस्ट आन्दोलनलाई एकीकृत गर्न र कर्णाली प्रदेशबाट केन्द्रिय राजनीतिक नेतृत्व लिएर नेकपा एमालेलाई मजबुत बनाएर अगाडि बढ्नको निम्ति पनि केन्द्रिय नेतृत्व अपरिहार्य छ ।

- खगेन्द्र हमाल

सम्बन्धित समाचारहरु

गठबन्धनको हुकुमी चुनावी तालमेल : निरास छन् तलका कार्यकर्ता

रामबहादुर जिसी । स्थानीय निर्वाचनको समय नजिकिदै छ, दलहरु उमेदवार छनोटमा व्यस्त छन् । उमेदवारका आकांक्षीहरु आफ्नो पक्षमा निर्णय गराउन अन्तिम दवाव सिर्जना गर्दैछन् । यस पटकको निर्वाचन अलि फरक छ । हिजो स्वतस्फूर्त चुनावी तालमेल हुन्थ्यो, स्थानीय आवश्यकताका आधारमा दलहरु सहकार्य गर्दथे । आज त्यो अवस्था छैन । परमादेशबाट बनेको सरकार समर्थित दलहरु हुकुमी गठबन्धनको पक्षमा छन् र त्यही खालको निर्देशन दिइरहेका छन् । हुकुमी चुनावी तालमेलका कारण गठबन्धनमा रहेका दलका कार्यकर्ताहरुमा नैरास्यता छ । यस्तो पनि हुन्छ ? भन्दै उनीहरु भित्र भित्र मुर्मिरिएका छन्, हेरौला चुनावको दिन भन्दै कति तटस्थ बस्ने तयारी गर्दैछन् भने कति त पार्टी छोडेर निष्क्रिय हुने, अर्को पार्टीमा लागिरहेका छन् । जनताको चाहना, कार्यकर्ताको भावना भन्दा पनि मुख्य तीन ठुला नेताको जुंगा जोगाउनका लागि गठबन्धनले हुकुमी चुनावी तालमेललाई अनिवार्य ठानेको छ ।

समय परिवर्तनसँगै ढोकामा पनि नविनता : नेपालमै उत्पादित ढोका प्रयोग गरौं

एउटा सिंगो घर मात्र होइन घर । समग्र सामग्रीको संयोजन हो, घर । त्यसमा विविध निर्माण सामग्री, इन्टेरियर र आउटडोर डिजाइन, शैली आदि मुख्य पर्छ । त्यसभित्र पनि समयको माग र प्रविधिको विकाससँगै नवीन सामग्रीको प्रयोग स्वाभाविकै हो । यिनै प्रविधिको विकासले ढोकामा नवीनता थप्दै गएको देख्न सकिन्छ । हाल नेपाली बजार धेरै खालका रेडिमेड ढोकाहरु पाइन्छन । जसमा सवैभन्दा धेरै नेपालबाहिर बाट आयात हुदैं आएका छन् । मुलुकको कूल भू–भागको झण्डै ४५ प्रतिशत वन क्षेत्रले ओगटेको नेपालले वार्षिक अर्वौंको काठ तथा काठजन्य सामग्री आयात हुने गरेका छन् ।

प्रतिक्रिया दिनुहोस