# भर्खरै
Namaste Icon
Ad
Ad

आउनुहोस् कमरेड आज एउटा प्रतिज्ञा गरौँ , बन्द हडताल सदाको लागि बन्द गरौँ !

आउनुहोस् कमरेड आज एउटा प्रतिज्ञा गरौँ , बन्द हडताल सदाको लागि बन्द गरौँ !

हिमाल बस्नेत


थाहा छ कमरेड ? हजुरले बन्द गरेर
भोलि हजुर र हजुरको मान्छे त सत्ता पुग्लान
तर के आज म र मेरा बालबच्चाको भोको पेट भरिएला त?

भोलि हजुरको क्रान्ति सफल त होला कमरेड
तर आज मेरी आमा अस्पताल पुग्न नसकेर
बिच बाटोमै मेरो साथ छोडिन भने
के कमरेडले फर्काउन सक्नु हुन्छ त मेरी आमालाई ?

कमरेड हजुर पो भोलि सत्तामा पुग्नुहोला र शक्ति पनि हासिल गर्नुहोला
तर कमरेड आज हजुरको निहित स्वार्थको बन्दले
मेरो वर्षभरिको मेहनतको परीक्षा दिन पाईन भने
भोलि के मेरा बा र आमाको सपना पूरा होला त ?
थाहा छ मलाई हजुरलाई सत्तामा पुग्नु छ

तर आज मेरा सपनाका महलहरु भत्काएर पुगेको
हजुरको सत्ताले के मेरा ती सपनाका महलहरु खडा गर्ला त ?
न क्रान्ति को भाषा बुझ्छु न सत्ताको भाषा बुझ्छु म
तर पनि तपाईको क्रान्ती र सत्ताको मारमा म आफू पर्दछु !

हिजो पनि त हजुरहरुकै खातिर गुमाएकै थिएँ त मैले
मेरा निर्दोष बाबू र दाजुलाई तर पनि के पाए त ?
मेरा आमा अनि भाउजुले सिवाय पीडा र आँसु
हजुरले त पाउनु भयो सत्ता अनि चिल्ला गाडिहरु
फेरि के तपाईको लागि म नै भोकै बस्नु पर्ने
मैले नै गुमाउनु पर्ने र म नै सहनु पर्ने
हजुर र सत्ताको त्यो दमन आखीर कहिले सम्म ?

म र हाम्रा लागि लडेको भन्नू हुन्छ हजुर ,
किनत म र हामीलाई नै सास्ति दिनुहुन्छ ?

साच्चै कमरेड हजुर म र हाम्रा लागि नै लड्नुभएको हो भने
आउनुस कमरेड आज एउटा बाचा गरौँ
बन्द हडताल सदाका लागि बन्द गरौँ

Ad

सम्बन्धित समाचारहरु

श्रीमान ह्यारी र दुई वर्षीय छोरा आर्चीप्रति समर्पण गरिएको  मेगनकाे पुस्तक ‘द बेन्च’

न्युयोर्क । मेगन मर्केलद्वारा लिखित पुस्तक ‘द बेन्च’ सार्वजनिक भएको छ । मेगनको पहिलो पुस्तक बालबालिकाका लागि निकै उपयोगी हुने बताइएको छ । अमेरिकी साप्ताहिक पत्रिका पिपल म्यागजिनका अनुसार मेगनको पुस्तक चित्र रहेको छ । पुस्तकमा कलाकार क्रिस्टिन रोबिन्सनले चित्र बनाएका छन् ।

कविता - यसरी त तिमीले मलाइ चिन्नै सक्तैनौ

कविता - यसरी त तिमीले मलाइ चिन्नै सक्तैनौ

यसरी त तिमीले मलाइ चिन्नै सक्तैनौमैले तिमीलाइ हेरीरहन पनि त मसित समय छैन तिमी मतिर हेर्दा पनिमैले मुखरी लाएको हुन्छु आफ्ना नमिलेका दातहरु र कालो ओठलाइ छोपेको हुन्छु

Ad

प्रतिक्रिया दिनुहोस

Ad