# भर्खरै
Namaste Icon
Ad
Ad

टेक्सासमा आँधी : २१ जनाको मृत्यु

टेक्सासमा आँधी : २१ जनाको मृत्यु

काठमाडौं । अमेरिकाको एक ठुलो क्षेत्रमा आएको आँधीबेहरी र चिसोको कारण अहिले सम्म २१ जनाको मृत्यु भएको छ । खराब मौसमको बारेमा राष्ट्रपति बाइडेनले पहिला नै उक्त स्थानमा आपतकालिन स्थिति घोषणा गरेका छन् । आँधीबेहरीले पावर ग्रिडहरुमा गम्भीर नोक्सानी गरेको छ जसको कारण उक्त क्षेत्रमा विद्युत आपूर्ति बन्द भएको छ । जसको कारण मानिसहरु बीच बाटोमा नै फसेका छन् ।

राष्ट्रपति बाइडेनले यस अवस्थालाई मध्यनजर गर्दै तुरुन्त राज्यहरुमा सहयोग गर्न निर्देशन दिएका छन् । अमेरिकी राष्ट्रीय मौसम सेवा विभागको अनुसार, भीषण शीत आँधीबेहरीको कारण दक्षिणी मैदान क्षेत्रमा भारी हिमपात भएको र न्यु इंग्ल्याण्डमा पनि भारी वर्षा भइरहेको छ । त्यस्तै 'डीप साउथ' मा स्थिति निकै गम्भीर भएको छ । क्यानडा देखि मेक्सिको सम्म चिसो हावा चल्ने चेतावनी दिइएको छ ।

उत्तरी क्यारोलिनाको ब्रैंसविक काउन्टीमा मौसम निकै खराब रहेको छ । शिकागोमा ४६ सेन्टिमिटर सम्म हिउँ जमेको छ । त्यस्तै टेक्सासमा बिजुली कटौतीको कारण करिब ४० लाख मानिसको व्यवसाय प्रभावित भएको छ । टेक्सासले अस्पताल र नर्सिंग होमलाई प्राथमिकता दिने योजना बनाएको छ । राज्यमा हजार भन्दा पनि धेरै मानिसको लागि ३५ आश्रयस्थलको व्यवस्था गरिएको छ । ह्यूस्टनको एक आश्रयस्थलमा पाँच सय भन्दा धेरै मानिस राखिएको छ ।

Ad

सम्बन्धित समाचारहरु

भारतमा १६ करोडले लगाए कोरोनाविरुद्धको खोप, यस्ताे  स्वास्थ्य मन्त्रालयको तथ्यांक

नयाँ दिल्ली । राष्ट्रव्यापी खोप अभियानको तेस्रो चरण थप विस्तार भएपछि देशभरि दिइएको कुल कोविड खोप खुराक को जम्मा संख्या १६ करोड नाघेको छ । भारत यो लक्ष्य हासिल गर्ने सब भन्दा छिटो देश बनेको छ । भारतलाई यो लक्ष्य हासिल गर्न १०९ दिन मात्र लाग्यो । स्वास्थ्य मन्त्रालयले बुधबार भने । अमेरिकाले १११ दिन लिएको थियो भने चीनले यो संख्यामा पुग्न ११६ दिन लिएको थियो । यसैबीच स्वास्थ्य मन्त्रालयको तथ्यांक अनुसार १८–४४ वर्ष उमेर समूहका ६ लाख ७१ हजार २ सय ८५ लाभार्थीहरूले १२ राज्यमा कोविड खोपको पहिलो डोज प्राप्त गरेका छन् ।

खोप लगाइदिने बहानामा युवतीमाथि सामूहिक बलात्कार

खोप लगाइदिने बहानामा युवतीमाथि सामूहिक बलात्कार

एजेन्सी । भारतको पटनामा कोरोनाको खोप लगाइदिने झुठो आश्वासन दिएर दुई व्यक्तिले एक युवतीको सामूहिक बलात्कार गरेका छन् । एक प्रहरी अधिकारीका अनुसार रकी र मन्टु नामक गरेका व्यक्तिले यस्तो अपराध गरेका हुन् । उनीहरुलाई प्रहरीले पक्राउ गरिसकेको छ । प्रहरीका अनुसार मंगलबार साँझ एक स्वास्थ केन्द्रमा यी दुई व्यक्तिले युवतीलाई कोरोना खोप लगाइदिने आश्वासन दिएका थिए । त्यसपछि उनीहरुले जमुनापुर क्षेत्रस्थित एक सुनसान घरमा ती युवतीलाई लगे, अनि दुर्व्यवहार सुरु गरे ।

Ad

प्रतिक्रिया दिनुहोस

Ad

Ad
Ad
Ad
Ad