# भर्खरै
Namaste Icon
Ad
Ad

जापानको सामाजिक कार्यमा महिला सहभागिता

जापानको सामाजिक कार्यमा महिला सहभागिता
-अनिता गुरुंङ, वरिष्ठ उपध्याक्ष एनआरएनए जापान

जापान आएदेखी विभिन्न संघ संस्थाहरूमा आवद्द हुने सौभाग्य जुर्यो । यसै क्रममा संघसंस्थाहरूमा महिलाहरूको भूमिका के कस्तो रहन्छ भन्ने नजिकबाट बुझ्ने मौका पाए । जापानमा विद्यार्थी, कामदार, डाक्टर, इन्जिनियर अथवा विभिन्न ब्यवसायी गर्ने सबैको कर्मथलो बनेको छ । यो देशको रहन सहन, भौतिक विकास, समयको सदुपयोग इत्यादि कुराहरूले म लगायत सबैलाई मोहित पारेको हुनुपर्छ र त यति धेरैको संख्या (लगभग एक लाख) हामी नेपालीहरू पुगेका छौं । सोहि अनुसार आफ्नो गाउं टोल, जिल्ला, प्रदेश विभिन्न जातजाति लगायत राजनीतिक संस्थाहरूको भातृ संघ संस्थाहरू पनि खडा भएको छ । मेरो बुझाईंमा जे जति संघ सस्थाहरू खड़ा भए पनि सबैको उद्देश्य भनेको लगभग एकै छन जापानवासी नेपालीहरूमा आईपर्ने समस्यामा हातेमालो गरेर समाधान गर्ने र आ आफ्नो क्षेत्रमा (नेपाल) पनि मद्दत गर्ने।

महिला सहभागिता कति ?
पुरुषहरूकै हाराहारीमा महिलाहरू पनि छौ जापानमा, तर सयौंको संख्यामा संघ सस्थाहरू भए पनि महिलाहरू भने कमै देखिन्छ नेतृत्व तहमा । म आफु गुरुङको छोरी भएको नाताले जापानमा संगठित गुरुङहरूको एक संस्था छ जुन सॅस्थाले २५ औं वार्षिक उत्सव पनि मनाई सकेको छ। योधेरै पुरानो संस्थाहरूमा पर्ने र क्रियासिल सस्था पनि हो उक्त सस्थामा आफुले नेतृत्व गर्ने मौका पनि पाए । हाल म जापानको सबैको छाता सस्थाको नाममा चिनिने एनआरएनएमा आबद्द छु ।

संघ संस्थाहरूमा महिलाहरू पनि सकृय हुनु पर्छ भन्ने मेरो मान्यता छ किन कि महिला भएको संस्थाले अगाडी फड्को मार्न सहज हुन्छ । यस अर्थमा अहिलेको समाजमा महिलाहरूको समस्या अथवा महिलाहरूबाट हुने समस्यामा पुरुष दाजुभाईहरूले खुलेर समाधान गर्न गाह्रो हुन्छ भने महिला नै त्यो ठाउंमा पुगेर काम गर्दा धेरै सहज हुदो रहेछ ।

पहिला पहिला कुनैपनि संस्थाको कोषाध्यक्ष पदमा चाहि महिलालाई राखौं है भन्थे तर सबै संस्थामा महिला पाउन पनि गाह्रो र राखेको पनि थिएन ।अहिले भने महिलाहरूको लागि थुप्रै पद बनाएको छ। संघ संस्था प्रति आकर्षित पनि धेरै देखिन थालेकोछ। यद्यपि नेतृत्व तहमा भने महिला दिदीबहिनीहरूको संख्या कमै नै देखिन्छ । महिला भएर काम गर्न नसक्ला भन्ने छोटो सोचाईका कारण महिलाहरूले समुदायमा नेतृत्व विकासमा महिला पछि परेको सबैलाई विदितै छ।


अब महिला दिदीबहिनीहरूले समाजमा पुरुष दाजुभाईहरूले गर्ने काममा आफै अगाडी बढेर समान नेतृत्वमा आउनु जरूरी छ ।ईमन्दार पुर्वक सामाजिक उत्तरदायित्वका साथ महिलाले नेपाली समुदायका हरेक समस्या र अभियानमा उत्तिकै योगदान दिनु जरुरी छ भन्ने मेरो मान्यता छ । यसका लागि दृढ संकल्प अनि कार्य संपादन पुर्ण विश्वासका साथ पुरा गर्ने ईच्छा शक्ति हुनु पर्दछ |

-अनिता गुरुंङ, वरिष्ठ उपध्याक्ष एनआरएनए जापान

Ad

सम्बन्धित समाचारहरु

बीउ जोगाउदै पहाडी बाली अनुसन्धान कार्यक्रम

बीउ जोगाउदै पहाडी बाली अनुसन्धान कार्यक्रम

तरकारी फलफुलको मात्रै होइन अचेल अन्न अनाजमा पनि बर्णशंकर जातले खेतबारी भरिभराउ छ। परम्परादेखि खेतीगर्दै आएका जातको सट्टामा उन्नत (बर्णशंकर) जातको बीउ प्रयोगले उत्पादन बढ्ने हुँदा किसान पनि उन्नत जातमै आकर्षितछन्। तर,रैथाने जातको बीउ लगाएर खेतीगर्नु जति सजिलो छ,उन्नत जातको बीउमा छैन। रोग किराको प्रकोप धेरैहुने,मौसमी प्रतिकुलतासंग जुध्न नसक्ने देखि सिंचाई,मल र स्याहारसुसार समेत धेरै चाहिन्छ। यी सबै चुनौती हुँदा पनि उत्पादन बढाउनै पर्ने हुनाले उन्नत जातको बाली लगाउनु अहिलेको बाध्यता हो। यही बाध्यताले होला कतिपय तरकारी-फलफुल र अन्न-अनाजका रैथानी जातहरु हराउदै गएका छन्। हराउदै गएका त्यस्ता जातमा पहाडमा हुने बालीका जातहरु अन्यको तुलनामा झन् धेरै छन्।

सरकारको शासन भाषणमै सिमित : कार्यान्वयन कहिले ?

सरकारको शासन भाषणमै सिमित : कार्यान्वयन कहिले ?

सरकारले बजेट भाषण ल्याएको मिति : २०७८।२।१५ । सरकारले २०७८।७९ को बजेट भाषणमा ल्याएको महत्बपूर्ण निर्णय : २०८८ सालभित्र सम्पूर्ण डिजेल र पेट्रोलबाट चल्ने सार्बजनिक सबारी साधन बिस्थापन गरि बिधुतबाट चल्ने सबारी साधन सञ्चालनमा ल्याउने । चाहे त्यो निजी सबारी साधन होस् चाहे त्यो सार्बजनिक सबारी साधन होस् । चाहे त्यो सरकारी गाडी होस् चाहे त्यो सँस्थाको गाडी होस् । २०८८ सालसम्म सरकारले सम्पृर्ण डिजेल र पे्रट्रेलबाट चल्ने गाडी बिस्थापन गरि बिधृतबाट चल्ने सबारी साधन सञ्चालनमा ल्याउने भनि राजपत्रमा निकालको थियो भने रातो किताबमा छापेको थियो । नेपाल एक यस्तो राष्ट्र हो जहाँ कुनै पनि डिजेल र पे्रट्रोलको खानी छैन् । डिजेल र पेट्रोल बाहिर राष्ट्रबाट आयात गर्नुपर्छ । जसले गर्दा हामी नेपाली दाजुभाई तथा दिदीबहिनीहरुले खाईनखाई कमाएको पैसा अरु राष्ट्रमा पुगेको छ । यदि सरकारले बिधुतबाट चल्ने सबारी साधन सञ्चालनमा ल्याउने हो भने हाम्रो राष्ट्रको मृद्रा हाम्रो राष्ट्रमै रहन्थ्यो । २०७२।६।३ गते नेपालको अन्तरिम सँबिधान २०७२ जारी भएको भयो ।

Ad

प्रतिक्रिया दिनुहोस