# भर्खरै
Namaste Icon
Ad
Ad

‘वान एक्स वेट’ काे प्रोमोशनल भिडियो हटाउन विज्ञापन बोर्डको निर्देशन

‘वान एक्स वेट’ काे प्रोमोशनल भिडियो हटाउन विज्ञापन बोर्डको निर्देशन

काठमाडौं । विज्ञापन बोर्डले ‘वान एक्स वेट’ को नाममा डिजिटल प्लेटफर्म मार्फत भएका ‘अवैध जुवा’ मा लगानी गर्ने सम्बन्धी विज्ञापन हटाउन र त्यस्तो गतिविधि नगर्न निर्देशन दिएको छ । केही दिनयता केही चर्चित कलाकारसमेत कतिपय व्यक्तिहरुले आफ्नो यूटुव च्यानल मार्फत ‘वान एक्स वेट’ लाई प्रमोशन गर्ने खालका भिडियोहरु राख्ने गरेका छन् । उनीहरुले भिडियो मार्फत ‘वान एक्स वेट’ मा लगानी गरेर रिक्स विना पनि पैसा कमाउन सक्ने भन्दै उक्त गेमको विज्ञापन गरेका छन् । नेपालको कानुनले जुवा, तास र सौदाबाजीलाई अवैध मानेको छ ।

विज्ञापन बोर्डले आइतबार विज्ञप्ति जारी गरी ‘वान एक्स वेट’ को नाममा विभिन्न डिजिटल प्लेटफर्म मार्फत अवैध जुवामा लगानी गर्न सकिने सम्बन्धी विज्ञापन दिई कारोबार भइरहेको जानकारी बोर्डमा प्राप्त भएको जनाउँदै त्यस्तो काम नगर्न सचेत गराएको छ । विप्तिमा भनिएको छ, ‘यस्ता काम विज्ञापन ऐन २०७६ को दफा ५ को उपदफा १ को खण्ड (ख) को व्यवस्था विपरीत भएकाले तत्काल यस्ता गतिविधिहरु बन्द गर्न र प्रमोशनल भिडियोहरु डिजिटल प्लेटफर्मबाट हटाउन सूचित गरिन्छ ।’

बोर्डले विज्ञापन नहटाए कानुनबमोजिम कारबाही हुने चेतावनी दिएको छ । विज्ञापन (नियमन गर्ने) ऐन, २०७६ कोे दफा ५ को उपदफा १ को खण्ड (क) मा ‘प्रचलित नेपाल कानूनले उत्पादन, विक्रीवितरण उपयोग वा प्रयोग गर्न निषेध गरेका कुनै वस्तु, पदार्थ वा सेवाको उत्पादन बिक्रीवितरण उपयोग वा प्रयोग गर्न प्रोत्साहन गर्ने खालका विज्ञापन गर्न नहुने’ प्रावधान छ । सोही दफाको खण्ड (ख) र (ग) मा जुवा खेल्न खेलाउन वा प्रचलित कानून बमोजिम अनुमति नलिएको चिठ्ठा किन्न किनाउन प्रोत्साहन गर्न नपाइने र प्रचलित कानून बमोजिम अश्लिल मानिने विषय वा तत्सम्बन्धी अन्य विषयवस्तु वा सेवाको उपयोग वा प्रयोग गर्न वा प्रवद्र्धन गर्न प्रोत्साहन गर्न नहुने प्रावधान छ ।

Ad

सम्बन्धित समाचारहरु

देउराली यातायात प्रालि अर्घाखाँचीले ७३ लाख बराबरको राहत वितरण गर्ने

अर्घाखाँची । देउराली यातायात प्राली अर्घाखाँचीको बैठकले संस्थामा सम्बद्ध व्यवसायी, यातायात मजदुर तथा कर्मचारीहरुलाइ करिब ७३ लाख राहत वितरण गर्ने निर्णय गरेको छ । कोरोना भाईरस (कोभिड १९) को दोस्रो भेरिरन्टको महामारीका कारण लकडाउनमा परेका यातायात व्यवसायी ताथ मजदुरलाई पर्न गएको कठिन समस्यालाई मध्यनजर गरि प्रालीले कुल ७३ लाख राहत वितरण गर्ने निर्णय गरेको हो ।

मेगा बैंकमा अब फोनबाटै २ लाख सम्मको कर्जा सुविधा

मेगा बैंकमा अब फोनबाटै २ लाख सम्मको कर्जा सुविधा

काठमाडौं । मेगा बैंक नेपाल लिमिटेडले आफ्ना ग्राहकहरुको सुविधाका लागि स्मार्ट फोनबाटै तत्कालै प्राप्त गर्न सकिने कर्जा सुविधा ल्याएको छ । आफ्ना ग्राहकहरुलाई आवश्यक रकम तत्कालै उपलब्ध गराउने हेतुले मेगा बैंकले एफ वन सफ्ट इन्टरनेसनल प्रा.लि. सँगको सहकार्यमा यो कर्जा सुविधा ल्याएको हो । यस सुविधामार्फत मेगा बैंक नेपाल लिमिटेडमा आफ्नो मासिक तलब खाता भएका विभिन्न संघ संस्था तथा कम्पनीका कर्मचारीहरुले ३० दिनसम्मका लागि अधिकतम २ लाख रुपैंया उपभोग गर्न सक्नेछन् ।

Ad

प्रतिक्रिया दिनुहोस

Ad