# भर्खरै
Namaste Icon
Ad
Ad

क्यानडाकाे लीटनमा: डढेलोले अहिलेसम्मकै उच्च तापक्रम, गाउँको ९० प्रतिशत भागमा असर

क्यानडाकाे लीटनमा: डढेलोले अहिलेसम्मकै उच्च तापक्रम, गाउँको ९० प्रतिशत भागमा असर

बीबीसी । एउटा जङ्गली डढेलोले क्यानडाको अहिलेसम्मकै उच्च तापक्रम पुगेको गाउँको ९० प्रतिशत भागमा असर पुर्‍याएको स्थानीय सांसद् ब्राड भिसले बताएका छन् । ब्रिटिश कोलम्बियास्थित लीटन गाउँ र वरपर रहेका पूर्वाधारमा धेरै क्षति पुर्‍याएको उनले बताएका हुन् । लीटनका मेयर ज्यान पोल्डरम्यानले पनि 'जीवन जोगाउन सकेकोमा आफू भाग्यमानी भएको' बताएका छन् । 'लीटनको धेरै क्षेत्र बाँकी रहने छैन,' उनले भने। 'जताततै डढेलो लागेको छ।' बीबीसीको न्यूजआवर कार्यक्रममा बोल्दै पोल्डरम्यानले आफ्नो नगरलाई डढेलोले नराम्ररी प्रभावित गरेको बताएका हुन् ।

यसअघि उनले डढेलो जम्मा १५ मिनेटमा पुरै गाउँमा फैलिएको र आफूहरूले मानिसहरूलाई अन्यत्र सार्न निर्देशन दिएको बताएका थिए । यो साता उक्त गाउँमा क्यानडामा अहिलेसम्मकै उच्च ४९.६ डिग्री सेल्सियस तापक्रम पुगेको बताए । पश्चिम क्यानडाको ब्रिटिश कोलम्बियामा पाँच दिनभित्र ४८६ जनाको मृत्यु भएको छ जुन अहिलेसम्मकै धेरै हो । सामान्य अवस्थामा औसत मृत्यु १६५ हुने गर्थ्यो । प्रमुख कोरोनेर लिजा लपोइन्टीले डढेलो लाग्नुको कारण मौसम भएको बताएकी छन्। विगत ३ देखि ५ वर्षभित्र पश्चिम प्रान्तमा गर्मीका कारण केवल तीनजनाको मात्रै मृत्यु भएको थियो । त्यसरी ज्यान गुमाउने धेरैजसो हावा प्रवाहको राम्रो व्यवस्था नभएका घरमा एक्लै बस्नेहरू रहेको लपोइन्टीले बताइन् ।

 

लीटनमा के भएको थियो?

धुवाँ र आगोको लप्का गाउँतिर आउन थालेपछि स्थानीय बासिन्दाहरू आफ्ना सामानहरू बिना नै त्यहाँबाट अन्यत्र सरेका थिए। उक्त गाउँमा करिब २५० जना मानिस बस्छन् र त्यो भ्यानकुभरभन्दा २६० किलोमिटर टाढा उत्तर-पूर्वमा पर्छ। '१५ मिनेटमा पुरै गाउँलाई डढेलोले ढाकेको थियो,' मेयर पोल्डरम्यानले बीबीसीसँग भने। 'मानिसहरूले आफ्ना घरपालुवा जनावर च्यापे, घरको साँचो लिए र कारमा चढेर अन्यत्र गए।'

सीबीसीकी मौसमविद् जोआना वाग्स्टाफले बुधवार साँझ ७१ किलोमिटर प्रतिघण्टाको हावाको बेग समुदायतर्फ आएको बताएकी छन्। तातो, सुख्खा र तीव्र हावाको उक्त अवस्थामा उक्त क्षेत्रमा आगो प्रतिघण्टा १० देखि २० किलोमिटरको वेगमा रहनसक्छ । उक्त गाउँमा बस्ने बासिन्दाहरूलाई नजिकैका समुदायहरूमा जान सुझाइएको थियो जहाँ बस्ने केन्द्रहरू बनाइँदै थियो। ब्रिटिश कोलम्बियाको डढेलो नियन्त्रण गर्ने निकायले भने अन्य क्षेत्रलाई पनि आफ्ना सदस्यहरूलाई उपकरणसहित प्रभावित क्षेत्रमा अग्नि नियन्त्रणका लागि पठाउन भनेको छ।

Ad

सम्बन्धित समाचारहरु

फेसबुकको गलत सूचनाले मानिस मार्दैछ : अमेरिकी राष्ट्रपति बाइडेन

एजेन्सी । अमेरिकी राष्ट्रपति जो बाइडेनले सामाजिक सञ्जालका गलत सूचनाले मानिसहरुलाई मार्ने गरेको आरोप लगाएका छन । उनले फेसबुकले कोरोना भाइरस खोपका बारेमा गलत सूचना सम्प्रेषण गरेको आरोप लगाए ।

झनै खतरनाक भेरियन्ट आउने डब्लुएचओको चेतावनी

झनै खतरनाक भेरियन्ट आउने डब्लुएचओको चेतावनी

काठमाडाैं । विश्व स्वास्थ्य संगठन (डब्लुएचओ)ले कोरोना भाइरसको अझै खतरनाक भेरियन्ट फैलिन सक्ने चेतावनी दिएको छ । कोरोनाको खतरनाक भेरियन्ट विश्वभर फैलिने र त्यसले महामारी नियन्त्रणमा निकै सकस उत्पन्न हुने डब्लुएचओले भनेको हो ।

Ad

प्रतिक्रिया दिनुहोस