Namaste Icon
Ad
Ad

गीत तथा गजल लेखनमा पनि उत्तिकै माहिर मोडल सन्ध्या सानु

गीत तथा गजल लेखनमा पनि उत्तिकै माहिर मोडल सन्ध्या सानु

रामेछाप जिल्लाको उमाकुण्ड गाउँपालिका वडा नम्बर २ साविकको बाम्ती भण्डार गाविस वडा ५ की सन्ध्या सानु विगत केही समययता कलाकारिता क्षेत्रमा संघर्षरत प्रतिभा हुन । कला र साहित्यमा रुचि राख्ने सन्ध्या अहिले भने मोडलिङ क्षेत्रमा व्यस्त छिन् । २०७२ सालबाट निरन्तर यस क्षेत्रमा लागिरहेकी उनी गीत लेखन र गजल लेखनमा पनि उत्तिकै माहिर छिन । अर्थशास्त्र विषयमा स्नातकोत्तर तहमा अध्ययनरत सन्ध्याले मोडलिङ मात्रै गरेकी छैनन, उनले गीत पनि गाएकी छन । उनै मोडल तथा कलाकार सन्ध्या सानुसँग दर्पण दैनिकका लागि केशर विश्वकर्माले गरेको कुराकानीको सम्पादित अंशः


तपाईं कहिलेदेखि मोडलिङ क्षेत्रमा प्रवेश गर्नु भयो ?

म सानै देखि नाँच्ने गाउने विभिन्न स्टेज कार्यक्रममा सहभागिता हुने गर्थेँ । विद्यालयमा हुने अतिरिक्त क्रियाकलाप भित्रको साँस्कृतिक कार्यक्रममा भाग लिने गर्थेँ । हुँदैहुँदै २०७२ साल पछि राजधानी काठमाडौ प्रवेश आएसँगै कलाकारितामा लागें ।


यो क्षेत्रमा लाग्ने प्रेरणा कोबाट पाउनु भयो ?

खासै कोही कसैबाट भयङ्कर साथ सपोर्ट तथा प्रेरित भएर कलाकारितामा लागेको त हैन । तर मेरो ममि, बाबा र ठुलो दादाको प्रेरणाले यस क्षेत्रमा लागेर आज यो स्थानसम्म आइपुगेको छु । घरपरिवारबाट भने मलाई एकदम साथ सहयोग छ ।


अहिलेसम्म कति म्युजिक भिडियोमा अभिनय गर्नुभयो ?

अहिलेसम्म ३ दर्जनभन्दा बढी गीतहरुमा अभिनय गरेको छु ।


गीत पनि गाउनु भएको छ कि मोडलिङ मात्रै गर्नुहुन्छ ?

मैले ‘माया गर्छु तिमिलाई’ बोलको एउटा गीत पनि गाएको छु । यो चाहिँ मैले रहरमा गाएको हुँ । मेरो प्रोफेसन चाँही मोडलिङ नै हो ।

यो क्षेत्रमा लागेपछि केकस्ता समस्या तथा चुनौती भोग्नु परेको छ ?

समस्या तथा चुनौती सबै क्षेत्रमा हुन्छन् । कलाकारितामा पनि धेरै समस्या तथा चुनौतीहरु छन् । यो क्षेत्रले मलाइ धेरै अफ्ठ्यारा र चुनौति दिएको छ । समाजले लगाउने लाल्छना, समाजले हेर्ने दृष्टिकोण हुँदै नभएको कुराले बनाईदिने बिबाद आदि मेरो लागि समस्या भएको छ । त्यस्तै अन्य क्षेत्रमा जस्तै यो क्षेत्रमा पनि धेरै चुनौतीहरु छन । आफुलाई स्थापित गर्न धेरै चुनौति छ । प्रतिस्पर्धा धेरै छ । निस्पक्ष र स्वच्छ प्रतिस्पर्धा छैन । अर्को कुरा यो क्षेत्र पनि क्षमताभन्दा पैसा पावरमा नै चल्ने ईन्डस्ट्री भईसकेको छ । यस कारण यो क्षेत्रमा अगाडी अलि बढि चुनौती थपेको छ ।

नेपालको सन्दर्भमा मोडलिङ गरेर बाँच्न सक्ने अवस्था छ ?
एक हिसाबले बाँच्न सजिलो पनि छ । तर त्योभन्दा बढी मुस्किल झनै दोब्बररतेब्बर छ । अहिलेकै जस्तो कोरोना महामारी लगायत अन्य कुनै प्रकारका भवितव्य आयो भने भविष्य र कालान्तारमा यसै क्षेत्रबाट बाँच्ने स्थिति खासै देख्दिनँ । तैपनि त्यसो भनेर हार मानेर बस्ने कुरा पनि त भएन । त्यसकारण यसै पेशाबाट बाँच्ने आधार बनाउँछु भन्ने विचारमा छु ।


तपाँईंलाई कस्ता खालका गीतमा मोडलिङ गर्न मन पर्छ ?

नाँच्ने किसिमका दोहोरी गीतहरु, काठे गित तथा कुनै मजबुद विषयवस्तु तथा कथा बोकेका सबै दर्शक स्रोताको मन मुटुमा बस्ने खालका गीतहरूमा मलाई मोड्लिङ गर्न आनन्द लाग्छ ।


तपाईं एक छोरी मान्छे हुनुहुन्छ, सुटिङ गर्न घरबाट बाहिर जानुपर्ने हुन्छ त्यो वातावरण मिलाउन कतिको समस्या आउँछ ?
घरबाट निस्किन कुनै विघ्नबाधा छैन तर सुटिङ्ग सकेर घर फर्किदा ढिला हुने, सवारी साधन नपाउने लगायत समस्या हुने हुँदा अलिअलि बाधा अड्चनहरु आउँछन । कहिलेकाहीँ मान्छेका धेरै किसिमको कुराहरु सुन्नु पर्दा अलि खल्लो लाग्छ । तर मलाई जसले जे सोचे पनि मेरो काम प्रति गर्व लाग्छ ।


यो क्षेत्रमा आउन चाहाने नव आगन्तुक प्रतिभालाई के भन्नुहुन्छ ?

नव आगन्तुकलाई खुलेर आउनुस भन्न चाहान्छु । यो क्षेत्रका कामलाई गर्व गर्नुस । कलाकारिता क्षेत्रमा लाग्दा चाहिने आधारभूत कुराहरु सिकेर आउनुस । अध्ययन नगरी नसिकी आउँदा धेरै चुनौतिहरु आउँछन । यो अरुको भविष्य र अरुको जीवनको ग्यारेन्टि लिने ठाउँ हैन । म कलाकार भएर यो क्षेत्रमा केही न केही योगदान दिन्छु भन्ने सोच बनाएर मात्रै यो क्षेत्रमा आउँदा राम्रो हुन्छ।


यदि यो क्षेत्रमा प्रवेश नगर्नु भएको भए कुन क्षेत्रमा लाग्नुहुन्थ्यो ?

जे गरेपनि जति गरेपनि असुन्तुष्ट हुने त मान्छेक‍ो स्वभाव नै हो । मेरो कुरा गर्नु पर्दा म कलाकार नै बन्छु भविष्यमा भन्ने थिएन । रहरले मलाई यता तिर डोर्‍यायो । अहिले आफुलाई राम्रो बनाउछु भन्ने तिर नै लागेक‍ो छु । तर यदि यो क्षेत्रमा प्रवेश नगरेको भए म कुनै केही बिजनेस गरिरहेको हुन्थ्येँ ।


अन्त्यमा केही भन्नुहुन्छ कि ?

हामी कलाकारहरूका लागि दर्शक तथा श्रोताहरु नै भगवान हुन । त्यसैले मेरा सिर्जना तथा अभिनयलाई माया गरिदिनुहोला साथ दिनुहोला र सहि मुल्यांकन गरिदिनु होला । सबैको तागतले सबैको भबिष्य सुन्दर बन्छ । नजानिँदो ढंगले यो क्षेत्रमा पैसा र बैँशको खेति बढ्दै गएको छ । यस्ता क्रियाकलाप बन्द हुनै पर्छ । यो क्षेत्रमा प्रवेश गर्दा सबैले बुझेर लागौँ भन्न चाहान्छु ।

यस्ता कुरा मैले सँधै भन्दै आएक‍ो पनि छु । त्यस्तै स्पष्ट नीतिनियम हुनैपर्छ । भन्न त राज्य तथा सरकारले कलाकारहरु गहना हुन भन्ने गरेको छ । तर यति मात्रै प्रयाप्त छैन र हुँदैन पनि । कलाकारहरू गहना मात्रै होईनन राष्ट्रका अंग हुन । देशको पहिचान हुन । त्यसकारण सरकारले पनि कलाकार र कलाकारिताको जगेर्ना गर्नको निम्ति रोयल्टिको व्यवस्था गर्नु जरुरी छ । कलाकारितालाई सरकारी सम्पति मान्नु पर्छ ।

कलाकारिता क्षेत्रमा लागेको व्यक्ति यसैबाट जीविकोपार्जन गर्न सक्ने वातावरण राज्य तथा सम्बन्धित निकायले गर्नुपर्छ । यो क्षेत्रमा योगदान दिएका व्यक्तिले भोलि पलायन हुनुपर्ने दिन नाओस । म यही अनुरोध गर्छु ।

Ad

सम्बन्धित समाचारहरु

जनतालाई प्रलोभनमा पारी नियम विपरीत काम गर्नेलाई छाडिन्न : उद्ववप्रसाद खरेल

केशर विश्वकर्मा, काठमाडौं । बुढानिलकण्ठ नगरपालिकाका नगरप्रमुख उद्ववप्रसाद खरेलले आफ्नो नगरपालिकाभित्र कसैको दबाब र प्रभावमा परेर नियम विपरीत अहिलेसम्म कुनै पनि काम नगरेको बताएका छन् । उनले भने जनतासँग कुनै पनि लाभ लिएर होस या यो वा त्यो बहानामा अतिरिक्त रकम लिएर हामी काम गर्दैनौं । यस नगरपालिकाका कोही पनि जनप्रतिनिधिहरुले जनतासँग फाइदा लिएर काम गरे भने त्यो अपराध हो । त्यस्तालाई हामी सडकमा ल्याएर जनताले देख्ने गरी पछार्छौँ र कानुनी कार्बाही गर्छौं । कुनै पनि व्यक्ति, ठाउँ, नगर, शहर होस या राष्ट्रलाई हेर्ने धारणा सकारात्मक छ भने सबै चिज राम्रो हुने बताउँदै प्रमुख खरेलले थपे यस नगरपालिकामा कुनै प्रकारकाे भ्रष्टाचार भएको छैन ।

नेपालको हरेक आन्दोलनको बलिदानिपूर्ण मोर्चामा युवाहरुको महत्त्वपूर्ण योगदान छ : नेता शर्मा

नेपाली कांग्रेस तरुणदल बिभागका केन्द्रिय सदस्य एवंम कर्णाली प्रदेशका युवा नेता डोरप्रशाद शर्माले नेपाली काङ्ग्रेस पार्टीभित्र युवाहरुको भुमिका महत्त्वपूर्ण रहेकोेले युवाहरूलाई पनि प्रदेश देखि जिल्ला,स्थानीय तहसम्म पार्टी जिम्मेवारी दिनुपर्ने बताए ।नेपालका ठुला ठुला परिवर्तनकारि आन्दोलनमा युवाहरूको महत्त्वपूर्ण भुमिका रहदै आएकोले अहिलेको देशको राजनीतिक परिवेशलाई नियाल्दै युवाहरुलाई जिम्मेवारी बिहिन बनाउनुभन्दा पार्टीको कुनै न कुनै जिम्मेवारी दिनुपर्ने बताए।देशको हरेक क्रान्ती, आन्दोलन, संघर्ष अनि बलिदानको मोर्चामा युबा पुस्ताले आफ्नो रगतले लेखेर दिएको एक एक अक्षर अनि स्वतन्त्रताका लागि तातो गोलि छातीमा खादा निस्किएको एक एक आवाजले सम्भब भएको नेता शर्माले बताए।तमाम युवाहरुकै कारण आज हामि स्वतन्त्र रूपमा लोकतन्त्रको आभास गरिएको बताए।त्यसैगरी चिङाडको विद्युत, सडक, स्वास्थ्य संरचनालाई मध्यनजर गर्दै नेता डोरप्रशाद शर्मासँग दर्पण दैनिककर्मी खगेन्द्र हमालले गरेको कुराकानीको सारसंक्षेपः

Ad

प्रतिक्रिया दिनुहोस