# भर्खरै
Namaste Icon
Ad

एमालेमा निष्ठावान कार्यकर्ताका लागि ढोका बन्द हुँदै गएको अनुभुती भयो : नविना लामा

एमालेमा निष्ठावान कार्यकर्ताका लागि ढोका बन्द हुँदै गएको अनुभुती भयो : नविना लामा

काठमाडौं । अनेरास्ववियुकी पूर्व केन्द्रीय कमिटी अध्यक्ष एवम् प्रतिनिधि सभा सांसद नविना लामाले नेकपा (एमाले)मा निष्ठावान कार्यकर्तालाई न्यायको ढोका बन्द गरिएको बताएकी छन् । उनले अहिलेको जटिल परिस्थितीमा पनि हाम्रो पार्टी एमालेमा विभेदले सिमा नाघेको आफूलाई अनुभूति भएको बताउँदै सामाजिक सञ्जाल फेसबुकमा चाकडीवाद मुर्दावाद समेत भनेकी छन् ।

१० बुँदे सहमति अनुसार भातृ संगठनहरू २०७५ जेष्ठ २ गतेमा जाँदा अनेरास्ववियुको अध्यक्ष नविना लामा हुन् । आज मात्रै अनेरास्ववियुको बैठकले उपाध्यक्ष सुनिता बराललाई अध्यक्ष बनाइएको छ । धेरैले नेतृ लामाले सामाजिक सञ्जालमार्फत् दिएको यस खाले कडा अभिव्यक्तिलाई सांकेतिक रूपमा अनेरास्ववियुको यस किसिमको निर्णयको विरोध गरेका रूपमा बुझेका छन् ।

अनेरास्ववियु पूर्व अध्यक्ष लामाले सामाजिक सञ्जालमा लेखेकी छन्, ‘अब झन यस्तो परिस्थितिमा पनि हाम्रो कम्युनिस्ट पार्टी एमालेमा निस्ठावान कार्यकर्तालाई न्यायको ढोका बन्द हुँदै गएको र विवेदले सीमा नघेको अनुभुती भयो ! चाक़दीवाद मुर्दाबाद ✊’

अनेरास्ववियु पूर्व अध्यक्ष लामाले उन्नती खुलालले सामाजिक सञ्जालमा लेखेको यस पोष्टलाई समर्थन सहित सेयर पनि गरेकी छन्, ‘संगठनको जीवन महाअधिवेशन हो। टिके पदस्थापनले संगठन कम्पनी लिमिटेड हुन्छ त्यसले संगठनमा कुनै गतिशीलता प्रदान गर्न सक्दैन ।’

शुक्रबार माउण्टेन टेलिभिजनको ‘आजको सन्दर्भ’ कार्यक्रममा बोल्दै नेतृ लामाले भनेकी थिइन, ‘पार्टीमा जस्को वचस्र्व छ उसैको निती हुन्छ, उसैले निती बनाई कार्यान्वयन गर्छ । हामीले बोेलेर के सार्थकता हुन्छ ? कि त रामकुमारी झाक्री दिदि जस्तो विद्रोह नै गरेर जानु पर्यो त्यो हैसियत हाम्रो छैन, त्यो आँट भएन । यस्तो प्रवृत्ति केही समय टिक्छ तर धेरै लामो समय त टिक्दैन ।’

Ad

सम्बन्धित समाचारहरु

कांग्रेस महाधिवेशन सर्यो, यस्ताे छ नयाँ कार्यतालिका

कांग्रेस महाधिवेशन सर्यो, यस्ताे छ नयाँ कार्यतालिका

काठमाडौं । नेपाली कांग्रेसको १४ औं महाधिवेशन मंसिर २७ गतेदेखि पुस १ गतेसम्म हुने भएको छ । यसअघि निर्धारित मंसिर ९ देखि १३ गतेसम्मको मितिमा महाधिवेशन नहुने निश्चित भएपछि निर्वाचन समितिले पुनः नयाँ कार्यतालिका बनाउँदै महाधिवेशनको मिति १८ दिन पर सारेको हो ।

एकीकृत समाजवादीकाे कार्यविभाजनमा कसलाई के जिम्मेवारी (सूचीसहित)

काठमाडौं । नेकपा (एकीकृत समाजवादी) ले नेता झलनाथ खनाललाई सम्मानित नेता तथा विदेश विभाग प्रमुखको जिम्मेवारी दिएको छ । नेकपा एसका अध्यक्ष माधवकुमार नेपालको अध्यक्षतामा बसेको केन्द्रीय कमिटीको बैठकपछि जारी अन्तरा पार्टी निर्देशनमा यस्तो उल्लेख छ । 

Ad

प्रतिक्रिया दिनुहोस

Ad
Ad