# भर्खरै
Namaste Icon
Ad

१५ स्रष्टालाई सम्मान गर्दै शान्ति समाज (नामसहित)

१५ स्रष्टालाई सम्मान गर्दै शान्ति समाज (नामसहित)

काठमाडाैं । मानव अधिकार तथा शान्ति समाजले स्रष्टा सम्मान अभियान अन्तर्गत स्थापित पुरस्कारहरुद्वारा १५ जना स्रष्टाहरुलाई सम्मानित गर्ने निर्णय गरेको छ । समाजले वर्ष २०७८ सालको महाप्रसाद रिजाल लोकतन्त्र स्रष्टा सम्मान श्रवण मुकारुङ भोजपुर, चन्द्रकला खनाल अहिंसा स्रष्टा सम्मान प्रा.डा.वेणी माधव ढकाल पाल्पा, कृष्णकुमारी दाहाल शान्ति स्रष्टा सम्मान वरिष्ठ पत्रकार रामरिझन यादव सिरहा, पवित्रादेवी चौलागाई मानव अधिकार स्रष्टा सम्मान विष्णुलाल कुमाल बाँके, ज्ञानप्रसाद खनाल सहिष्णुता स्रष्टा सम्मान रामबहादुर पहाडी पाल्पा, राधादेवी दाहाल सद्भाव स्रष्टा सम्मान रत्ननिधि रेग्मी संखुवासभा र मानबहादुर रावल वातावरण स्रष्टा सम्मान रामेश्वरी पन्त रुपन्देहीलाई प्रदान गर्ने निर्णय गरेकाे हाे ।

यसैगरी गणेशबहादुर श्रेष्ठ स्रष्टा सौगात प्रतिसरा सायमी मानन्धर भक्तपुर, भुमीप्रसाद बराल स्रष्टा सौगात मनु मञ्जिल सुनसरी, जोगमाया बराल स्रष्टा सौगात विना थिङ तामाङ मकवानपुर, राधादेवी दाहाल स्रष्टा सौगात मनु विक पाल्पा, जनककुमारी रेग्मी स्रष्टा सौगात मेनका पोखरेल आचार्य काठमाण्डौ, पद्यप्रसाद दाहाल स्रष्टा सौगात देवकी तिमल्सिना रोकाया हुम्ला, श्रीप्रसाद दाहाल स्रष्टा सौगात सुदेश सत्याल तनहुँ र श्रीनारायण दाहाल स्रष्टा सौगात रविना चौधरी कैलालीलाई प्रदान गर्ने निर्णय गरिएकाे समाजले जनाएकाे छ ।

सम्मानित स्रष्टाहरुका नेपाली, संस्कृत, नेवारी, मैथिली, तामाङ, थारु, अवधी र हिन्दी भाषामा कृतिहरु प्रकाशित छन् ।महाकवि लक्ष्मीप्रसाद देवकोटाको जन्मजयन्तिको सेरोफेरोमा कार्यक्रम आयोजना गरि रु. २० हजार पुरस्कार राशीसहित पुरस्कृत स्रष्टाहरुलाई सम्मान गर्ने कार्यक्रम रहेको छ । एक दशक अगाडिदेखी मासिक शान्ति काव्य प्रवाह आयोजना गर्दै आएको शान्ति समाजले साहित्यको आराधन र स्रष्टा सम्मानलाई विशेष अभियानको रुपमा अघि बढाउँदै आएको छ ।


पुरस्कृत स्रष्टाहरु

१. श्रवण मुकारुङ : वि.स. २०२५ जेठ २६ गते भोजपुरमा जन्मनुभएका स्रष्टा श्रवण मुकारुङका वहुचर्चित कवितासंग्रह बिसे नगर्चीको बयान, देश खोज्दै जाँदा कवितासंग्रह, यलम्बर नाटक, हिउँको दरबार गीतसंग्रह गरि ९ वटा कृतिहरु प्रकाशित छन् ।

२. प्रा.डा.वेणीमाधव ढकाल : वि.स. २००६ साल पुस २६ गते पाल्पामा जन्मनुभएका स्रष्टा वेणीमाधव ढकालका नेपालीमा आधा दर्जन महाकाव्य र खण्डकाव्यहरु प्रकाशित छन् । संस्कृत भाषामा ढकालले आधा दर्जन बढी पाठ्यग्रन्थ लेखेका छन । संस्कृत विश्वविद्यालयमा पाठ्यक्रम निर्माण एवं पुर्नलेखनमा समेत योगदान गरेका छन । ढकालका लिच्छिविकालिकानामभिलेखानां साहित्यिकमनुशीलनम्, मल्लकालिकानां नाटक्रानां विश्लेषणात्मकमध्ययनम्सहित तीन वटा सोध प्रबन्ध रहेका छन् भने विद्यावारीधि प्रयुक्तका क्रममा १० वटाको सोध निर्देशक समेत रहने । यसैगरी उनले आधा दर्जन बढी संस्कृत ग्रन्थको अनुवादसमेत गरेका छन ।

३. रामरिझन यादव : वि.स २०१६ साल फागुन १७ गते सनहैठा सिरहामा जन्मनुभएका स्रष्टा रामरिझन यादवका लेखन तथा सम्पादनमा मैथिली तथा नेपाली भाषामा वातावरणीय समस्या र समाधान, विज्ञान र वातावरण, मधेसी मुक्ति आन्दोलन, नेपालको मधेसी समुदायको समस्या र समाधानको बाटोसहित ८ वटा कृतिहरु प्रकाशित छन् । वरिष्ठ पत्रकार यादवले १७ वर्षसम्म वनस्पती शास्त्रको प्राध्यापन गरेका थिए ।

४. बिष्णुलाल कुमाल(प्रजापती) : वि.स. २००५ साल जेठ २० गते कुम्हारन टोल नेपालगञ्जमा जन्मनुभएका स्रष्टा विष्णुलाल कुमालका अशान्ति केर अगिया अवधी कविता/गीत संग्रह, यादो के अवषेश हिन्दी कवितासंग्रह गरि ३ वटा कृति प्रकाशित छन् भने अवधि भाषाका विभिन्न पुस्तकको सम्पादन गरेका थिए ।

५. रामबहादुर पहाडी : वि.स १९९८ जेठ २९ गते पाल्पामा जन्मनुभएका स्रष्टा रामबहादुर पहाडीका घाउ रहेछ जिन्दगी यो, पहाडीका गजलसहित ३ वटा पुस्तक प्रकाशित छन् । पहाडीले अंग्रेजी, नेवारी र हिन्दी भाषाबाट अनुवाद गरेका १७ वटा पुस्तकहरु प्रकाशित छन् ।

६. रत्ननिधि रेग्मी : वि.स. २०२१ भदौ १२ गते वाना संखुवासभा वानामा जन्मनुभएका स्रष्टा रत्ननिधि रेग्मी शुक्राचार्यका आन्दोलन कविता भाग १ र २, कविता कुसुम, निर्मला खण्डकाव्य, नारी आवाजसहित एक दर्जन कृतिहरु प्रकाशित छन् ।

७ रामेश्वरी पन्त : वि.स २०२५ भदौ १२ गते पर्वतमा जन्मनुभएकी स्रष्टा रामेश्वरी पन्तको घाउ चहर्याइनै रह्यो शिर्षकमा कथा संग्रह प्रकाशित भएको छ । राष्ट्रिय दैनिकहरुसहित विभिन्न छापाहरुमा स्रष्टा पन्तका दर्जनौ लेख रचनाहरु प्रकाशित भइसकेका छन् ।

८. प्रतिसरा सायमी : वि.स २०१२ साल असार १६ गते भक्तपुरमा जन्मनुभएकी स्रष्टा प्रतिसरा सायमि (मानन्धर)का नेपाल भाषा (नेवारी) मा जि छकू नालिस भौँ, तिकिनंगु मि, रंग दुने प्रतिसरा, प्रेसर कुकर चिल्लाय् कविता संग्रहहरु गरी आधा दर्जन बढी कृतिहरु प्रकाशित छन् ।

९. मनु मञ्जिल : वि.स २०२७ असार १५ गते साल्मे काभ्रेमा जन्मनुभएका हाल सुनसरी निवासी स्रष्टा मनु मञ्जिलका ल्याम्प–पोष्टबाट खसेको जुन, आँधीको आवेग कवितासंग्रह प्रकाशित छन् । मञ्जिलले अंग्रेजी भाषाबाट अनुवाद गरेका ४ वटा पुस्तकहरु प्रकाशित छन् ।

१०. बिना थिङ तामाङ : वि.स २०३७ साल भाद्र १० गते हेटौडा मकवानपुरमा जन्मनुभएकी स्रष्टा विना थिङ ‘सुनगाभा’ का छुकि र याम्बुनेर गरी २ कथा संग्रह र रातो घर कविता संग्रह गरी तीन वटा कृतिहरु प्रकाशित छन् । यसैगरी रातो घर कविता संग्रह वालाधिम शिर्षकमा तामाङ भाषामा समेत प्रकाशित भएको छ ।

११.मनु विक : २०४१ माघ १५ गते पाल्पा जिल्लाको गेझामा जन्मिएकी स्रष्टा मनु विकका युगको आह्वान कविता संग्रह, भान्से महिला र कालीको वेग खण्डकाव्य गरी ३ वटा कृतिहरु प्रकाशित भएका छन् ।

१२. मेनका पोखरेल आचार्य : वि.स २०२२ साल चैत ४ गते धरानमा जन्मनुभएकी हाल जोरपाटी काठमाडाैं निवासी स्रष्टा मेनका पोखरेल आचार्यको अनुभूतिका तरंगहरु कविता संग्रह, पिडाका वृत्तहरु र रित्ता आँखाभित्र कथासंग्रह गरी ३ वटा कृति प्रकाशित छन् ।

१३. देवकी तिमल्सिना रोकाया : वि.स. २०४० साल असार २० गते जन्मिएकी हाल सर्के गाँउ हुम्ला निवासी देवकी तिमल्सिना रोकायाका योद्धाको सपना र छुटेका सपनाहरु गरी २ वटा कृति प्रकाशित छन् । स्रष्टा देवकी कर्णाली साहित्य समाजको उपाध्यक्ष समेत हुन ।

१४. सुदेश सत्याल : वि.स. २०५१ साल वैशाख २० गते देवघाट तनहुँमा जन्मनुभएका स्रष्टा सुदेश सत्याल (नारायण सत्याल)का अन्तरिक्षको धर्ती कविता संग्रहका साथै संयुक्त रुपमा छन्द कविता संग्रह समेत प्रकाशित भएको छ ।

१५.रविना चौधरी : वि.स २०४७ फागुन ५ गते कैलालीमा जन्मिएकी स्रष्टा रविना चौधरी ‘रब्बु’को थारु भाषामा ओंरी गजलसंग्रह प्रकाशित भएको छ ।

Ad

सम्बन्धित समाचारहरु

'होला'

'होला'

👉️जन्म दिने आमा भए म नि गाउँमा आउथे होला,कालरात्रीमा संगै बसि म नि भजन गाउथे होला, वरपर साथीभाइको हालखबर सोध्दै खोज्दैउहाँहरुको माया ममता कति धेरै पाउंथे होला !!

कान्ती राणा सिंहको ‘चौरासी व्यञ्जन’ विमोचन

कान्ती राणा सिंहको ‘चौरासी व्यञ्जन’ विमोचन

काठमाडौं । कान्ती राणा सिंहको चौरासी व्यञ्जन पुस्तक असोज २४ गते आइतबार विमोचन गरिएको छ । काठमाडौंको बत्तिसपुतली स्थित अनुपम फुडल्याण्डमा एक कार्यक्रमकाबीच उक्त पुस्तक विमोचन गरिएको हो । कार्यक्रममा प्रमुख अतिथिको रुपमा डा। आरजु राणा देउवा, वरिष्ठ अधिवक्ता लोक भक्त राणा र लेखककी आमा लक्ष्मी राज्यलक्ष्मी राणा सहभागी थिए । पुस्तकमा सल्याणी र राणाको भोजनका प्रकार र तयार पार्ने विधि सिकाइएको छ ।

Ad

प्रतिक्रिया दिनुहोस

Ad
Ad