# भर्खरै
Namaste Icon
Ad

प्रहरीका सन्ततीलाई प्याब्सनमा आबद्ध विद्यालयहरूमा छात्रवृत्ति

प्रहरीका सन्ततीलाई प्याब्सनमा आबद्ध विद्यालयहरूमा छात्रवृत्ति

काठमाडाैं । नेपाल प्रहरी श्रीमती संघ र निजी तथा आवासीय विद्यालय अर्गनाइजेसन नेपाल (प्याब्सन) बीच बहालवाला प्रहरी कर्मचारीका परिवार, अमर प्रहरी परिवार तथा पूर्व प्रहरी परिवारका सन्ततीहरूलाई प्याब्सनमा आबद्ध सदस्य विद्यालयहरूमा छात्रवृत्ति तथा भर्ना शुल्क सम्बन्धी सम्झौता भएको छ ।

सम्झौता पत्रमा प्याब्सनमा सदस्य विद्यालयहरूमा विद्यालय शिक्षा १ देखि १२ कक्षासम्म छात्रवृत्ति कार्यक्रम सञ्चालन गर्ने र १ सदस्य विद्यालयले १ विद्यार्थीलाई पूर्ण दिवा छात्रवृत्ति उपलब्ध गराउने तथा छात्रवृत्तिमा समावेश नभएकाको हकमा भर्ना शुल्क नलिने गरी विद्यार्थी भर्ना गरिने उल्लेख छ ।

नेपाल प्रहरी श्रीमती संघका तर्फबाट संघकी अध्यक्ष कुसुमलता सिंह र निजी तथा आवासीय विद्यालय अर्गनाइजेसन नेपाल (प्याब्सन) को तर्फबाट अध्यक्ष डीके ढुंगानाले आइतवार काठमाडौंमा सम्झौता पत्रमा हस्ताक्षर गरे ।

संघका अध्यक्ष सिंहले शान्ति सुरक्षा तथा अपराध नियन्त्रणका अतिरिक्त प्राकृतिक प्रकोप, आपद्विपद्मा समेत आफ्नो ज्यानको पर्वाह नगरी देश र जनताको लागि खटिएका प्रहरी कर्मचारी, अमर प्रहरी तथा पूर्वप्रहरी कर्मचारीहरूले पुर्‍याएको योगदानको उच्च मूल्यांकन गरी प्याब्सनले प्रदान गरेको सहयोगप्रति कृतज्ञता व्यक्त गरिन् । उनले आगामी दिनमा समेत संघ र प्याब्सनबीचको सहकार्य र समन्वय भइरहने बताइन् ।

प्याब्सनका अध्यक्ष ढुंगानाले राम्रो कामको थालनी भएको चर्चा गर्दै शान्ति सुरक्षाका लागि अनवरत खटिने प्रहरी कर्मचारीका सन्ततीलाई शैक्षिक सहयोग गर्न पाउँदा खुशी लागेको बताए । नेपाल प्रहरी श्रीमती संघसँगको समन्वय र सहकार्यमा शैक्षिक गुणस्तर स्तरोन्नति गर्न यस्ता सम्झौताले थप टेवा पुग्ने उनले बताए । प्रस्तुत सम्झौता आगामी २०८१ सालसम्म २ वर्षका लागि लागू हुनेछ ।

सम्बन्धित समाचारहरु

शैक्षिक संस्था आजदेखि ५ गतेसम्म बिदा

शैक्षिक संस्था आजदेखि ५ गतेसम्म बिदा

काठमाडौं । सरकारले चुनावलाई लक्षित गर्दै आज (मंसिर २) देखि शैक्षिक संस्थामा बिदा दिइएको छ । आजदेखि ५ गतेसम्म शैक्षिक संस्था बन्द हुनेछन् । गृह मन्त्रालयले मतदानस्थल परेका शैक्षिक संस्थामा मंसिर २ गतेदेखि ५ गतेसम्म बिदा दिने निर्णय गरेको हो ।

काठमाडौं उपत्यकामा मात्रै १६ हजार बढी डेंगी संक्रमित

काठमाडौं उपत्यकामा मात्रै १६ हजार बढी डेंगी संक्रमित

काठमाडौं । असारयता तीव्र रुपमा फैलिइरहेको डेंगी संक्रमणबाट यसवर्ष मृत्यु हुनेको संख्या ३२ पुगेको छ । इपिडिमियोलोजी तथा रोग नियन्त्रण महाशाखाको तथ्यांकअनुसार असोज ९ गतेसम्म संक्रमितको संख्या २५ हजार ५४३ र मृतकको संख्या ३२ पुगेको हो ।

प्रतिक्रिया दिनुहोस

Ad
Ad