Namaste Icon
Ad

डोट्याली कवि भट्टद्वारा लिखित ‘छाइल’ प्रकाशित

डोट्याली कवि भट्टद्वारा लिखित ‘छाइल’ प्रकाशित

काठमाडौं । डोट्याली कवि लोकराज भट्टद्वारा लिखित पहिलो उपन्यास ‘छाइल’ बजारमा आएको छ । सुदूरपश्चिमको सांस्कृतिक जीवनशैलीलाई आधार बनाएर लेखिएको उक्त कृति सरल भाषामा लेखिएको छ । उपन्यासमा बाबु र छोराको सम्बन्धसँगै समग्र डोट्याली सभ्यतालाई चित्रण गरिएको छ । डोट्याली भाषामा ‘छाइल’ शब्दको अर्थ छायाँ हुन्छ ।


उपन्यासमा सुुदूरपश्चिम प्रदेशको डोट्याली सभ्यताको प्रतिबिम्बलाई उतार्ने कोशिस गरेको उपन्यासकार लोकराजले बताए । उनले कृतिमा पूर्खाको संस्कृति, रहनसहन र स्वाभिमानको छाइललाई उधिन्ने प्रयत्न गरिएको सुनाए । उपन्यासमा पिता र छोराबीचको सम्बन्धलाई सुन्दर तरिकाले केलइएको छ । उपन्यासमा जितुका बा निकै मायालु लाग्छन् । जितुसँग उनको सम्बन्ध पुत्रवत्भन्दा मित्रवत् छ । यसमा धेरै बाका जिन्दगीका नभनिएका आत्मीय पक्षलाई उधिनिएका छन् ।


‘छाइल’ मा सुदूरपशिचमको माटोको सुगन्ध भेटिन्छ । प्रकृति, संस्कृति, जनजीवन, रहनसहन, भेषभूषा लगायतका विविध पक्षलाई उतारिएको छ । यस्तै, कृतिमा डेउडाको सांस्कृतिक बिम्बलाई चित्रण गरिएको छ । उपन्यासका संवाद सूक्तिमय छन् । बुक्स हिमालयले प्रकाशन गरेको उपन्यासको मुल्य चार सय पचास रुपैयाँ मूल्य राखिएको छ ।

सम्बन्धित समाचारहरु

नवौँ शताब्दीको मूर्ति नेपाललाई फिर्ता गर्दै अमेरिका

नवौँ शताब्दीको मूर्ति नेपाललाई फिर्ता गर्दै अमेरिका

काठमाडौँ । संयुक्त राज्य अमेरिकाको कनेक्टिकट राज्यस्थित येल युनिभर्सिटी आर्ट ग्यालरीले आफ्नो स्थायी सङ्ग्रहमा रहेको नवौँ शताब्दीमा बनेको ढुङ्गाको पार्वतीको मूर्ति नेपाललाई फिर्ता गर्ने भएको छ ।

रजनी र शान्तिरामलाई जसराज प्रतिभा पुरस्कार

रजनी र शान्तिरामलाई जसराज प्रतिभा पुरस्कार

काठमाडौं । खोटाङका संगीतकार शान्तिराम राई र वालिङकी साहित्यकार डा. रजनी ढकाल, जसराज किराती प्रतिभा पुरस्कारद्वारा पुरस्कृत भएका छन् । खोटाङ बुइपाका वरिष्ठ कवि जसराज किरातीको नाममा स्थापित ‘जसराज किराती प्रतिभा प्रतिष्ठान’ नेपाल/बेलायतले नेपाली संगीत विधामा उल्लेखनीय योगदान पुर्‍याएबापत २०७७ का लागि संगीतकार राईलाई उक्त पुरस्कार प्रदान गरिएको छ ।

प्रतिक्रिया दिनुहोस