# भर्खरै
Namaste Icon
Ad

यी हुन् निःशुल्क शौचालयको लागि काठमाडौं महानगरसँग सम्झौता गर्ने ३३ संघसंस्था (सूचीसहित)

यी हुन् निःशुल्क शौचालयको लागि काठमाडौं महानगरसँग सम्झौता गर्ने ३३ संघसंस्था (सूचीसहित)

काठमाडौं । काठमाडौं महानगरपालिकाले आफूसँग भएका शौचालयलाई सार्वजनिक उपयोगमा ल्याउन इच्छा देखाएका ३३ वटा संघ संस्थासँग सम्झौता गरेको छ । महानगरपालिकाको विभिन्न बैंक, रेष्टुरेन्ट, स्कुल, प्रकाशन गृह, विजनेस कम्प्लेक्ससहित ३२ वटा संघसंस्थाका प्रतिनिधिसँग सोमबार सम्झौता भएको हो ।

महानगरका प्रमुख बालेन्द्र शाह (बालेन), उपप्रमुख सुनिता डंगोल र प्रमुख प्रशासकीय अधिकृत लोकनाथ पौड्यालको रोहवरमा भएको सम्झौतामा महानगरकातर्फबाट निर्देशक नुरनिधि न्यौपानेले हस्ताक्षर गरेका छन् । यस्तै दोस्रो पक्षकातर्फबाट प्रतिनिधिहरूले हस्ताक्षर गरेका छन् ।

नविल बैंकसँग यसअघि नै सम्झौता भइसकेको छ । उक्त सम्झौता आउँदो ५ वर्षका लागि हुनेछ । त्यस अवधिमा संघसंस्थाले आफूसँग भएका शौचालयलाई सार्वजनिक प्रयोगका लागि उपलब्ध गराउनेछन् ।

यसरी उपलब्ध गराइएका शौचालयको मर्मत सम्भार गर्ने, सरसफाइ गर्न आवश्यक सामग्री तथा पानी, सुगन्धका सामान व्यवस्था गर्ने जिम्मा उनीहरूकै हुनेछ। यसबापत सेवाग्राहीलाई आफ्नो सेवा लिन करकाप वा प्रोत्साहन गर्ने छैनन् ।

यसरी सञ्चालन भएका शौचालयको अवस्था अनुगमन तथा मुल्याङ्कन गर्न दुवै पक्षबाट १र१ जना प्रतिनिधि तोक्नेछ। उनीहरूले हरेक ४ महिनामा प्रतिवेदन दिनेछन्।

महानगर क्षेत्रभित्रका होटल, रेष्टुरेन्ट, बैंक, व्यापारिक भवन, कम्पनी, फर्म, गैर सरकारी संघ संस्थाका शौचालयलाई सार्वजनिक बनाउन इच्छुकलाई महानगरको सार्वजनिक निजी साझेदारी एकाईमा सम्पर्क राख्न सार्वजनिक आव्हान गरेको थियो । प्रकाशित सूचनाका आधारमा ७ दिनमा ३८ वटा संघसंस्था सम्पर्कमा आएका थिए ।

‘यो स्वतस्फूर्त कार्यक्रम हो। कसैलाई कर गरिएको छैन’, सम्झौतापछि संक्षिप्त प्रतिक्रिया दिँदै महानगरका प्रमुख शाहले भने, ‘व्यापार गर्नेले सेवा पनि गर्छु भनेर आउनुभयो, यसको म प्रशंशा गर्न चाहन्छु। यसमा कसैलाई दबाब छैन। अब दबाबले होइन, मिलेर काम गर्नुपर्छ ।’

त्यस क्रममा सम्झौता गर्नेकातर्फबाट कामना सेवा विकास बैंकका प्रमुख कार्यकारी अधिकृत प्रविण बस्नेतले, महानगरसँगको सहकार्यमा वृक्षारोपण, हरियाली प्रबर्धन, सम्पदाको पुनरुत्थानजस्ता क्षेत्रमा सहकार्य गर्न सकिने भन्दै अवसर माग गरेका थिए।

सर्वसाधारण प्रयोगकर्तालाई सार्वजनिक शौचालय चिन्न सजिलो होस् र सबै सार्वजनिक शौचालयको पहिचान एउटै होस् भनेर संकेत चिन्ह तयार पारिएको हो ।

गोलो रेखाभित्र नीलो पृष्ठभूमि, त्यसको माथिल्लो भागमा नेपाली भाषामा सेतो अक्षरले ‘सार्वजनिक शौचालय’ लेखिएको छ । बिच भागमा सेतो रंमा महिला र पुरुषको चिन्ह रहेको छ। संकेत चिन्हको पुछारमा अंग्रेजी भाषामा ‘पब्लिक ट्वाइलेट’ लेखिएको छ ।

यस्ता छन् सम्झौता गरिएका संघ संस्थाहरू

१) टायम्स स्क्वायर, लज एण्ड बार, बालुवाटार

२) पशुपति भ्यु होटल एण्ड रेष्टुरेन्ट, बालकुमारी टोल

३) डेन्टल भिल्ला, वडा नं. १४, बल्खु

४) देवयानी इन्टरनेशनल नेपाल प्रा. लि. अन्तर्गत

क) पिजा हट, वडा नं. १ दरबारमार्ग

ख) केएफसी, वडा नं. १ दरबारमार्ग

ग) केएफसी, वडा नं. ६ बौद्ध

५) डाक गल्वी कोरियन हाउस, ल्याकसु गल्ली, बसन्तपुर

६) होटल रत्नज्योती, पेरिसडाँडा

७) नेक्सस ग्लोबल भिसा एण्ड इमिग्रेसन प्रा. लि, शंखमुल

८) खानेकुरा प्रा. लि., गौशाला

९) सांग्रिला डेभलपमेन्ट बैंक, बालुवाटार

१०) बेबिलोन नेशनल स्कूल, शान्तिनगर

११) ओटिसी किचेन रेष्टुरेन्ट, बालुवाटार

१२) नेपालय पब्लिकेसन, डिल्लीबजार

१३) बसुन्धरा एण्ड गोङ्गबु एरिया रेष्टुरेन्ट, बसुन्धरा

१४) गोमा लक्ष्मी इन्टरनेशनल, ठमेल

१५) घराना लञ्च एण्ड बार, बानेश्वर

१६) कामना सेवा विकास बैंक, कुलेश्वर, बौद्ध, ठमेल, ज्ञानेश्वर, कलंकी, भीमसेनगोला, नयाँ बानेश्वर, न्युरोड,

१७) सिटी एक्सप्रेस मनी ट्रान्सफर, कमलादी

१८) नेम इन्स्टिच्युट फर मेडिकल एजुकेसन प्रा. लि., पुतलीसडक

१९) आरडीएक्स बार प्रा. लि. ठमेल

२०) नेपालगञ्ज विरयानी, डिल्लीबजार पिपलबोट

२१) कार्निभल रेष्ट्रो एण्ड मिटिङ्, बिजुलीबजार

२२) बार्दली रेष्ट्रो एण्ड मिटिङ्, शंखमुल

२२) नेशनल विजनेस ट्रेड सेन्टर, कलंकी

२३) सांग्रिला डिपलपमेन्ट बैंक, बालुवाटार

२४) बिन्का लङ्, छाउनी

२५) प्रोग्रेसियो विस्ट्रो पिबीज रेष्टुरेन्ट, बौद्ध

२६) मिलाल्याण्ड डिभलपमेन्ट प्रा. लि., कलंकी

२७) क्रिम्पजी एडभान्चर हव, बौद्ध

२८) बर्गर हब एण्ड केसीए चिकेन, बिजुलीबजार

२९) अनुपम फुडल्याण्ड, बत्तीसपुतली

३०) रिट्रिप क्याफे, बौद्ध

३१) चिकेन स्टेशन

३२) स्तुपा हब, बौद्ध

३३) नवील बैंक

सम्बन्धित समाचारहरु

काठमाडौं  महानगरको आर्थिक विधेयक सर्वसम्मतले पारित,  हुन्न भन्ने र तटस्थ बस्छु भन्ने आवाज सुनिएन

काठमाडौं । आर्थिक बर्ष २०७९/०८० का लागि काठमाडौँ महानगरपालिकाको आर्थिक विधेयक पारित भएको छ । आज राष्ट्रिय सभा गृहमा महानगरका प्रमुख बालेन्द्र शाह (बालेन) को अध्यक्षतामा बसेको नगर सभा ११औँ अधिवेशनको चौथो बैठकले संशोधनसहित विधेयक पारित गरेको हो । त्यस अवसरमा सभाका उपाध्यक्ष एवम महानगरकी उपप्रमुख सुनिता डंगोल, सभाका सचिव एवं महानगरका प्रमुख प्रशासकीय अधिकृत लोकनाथ पौड्यालसहित नगरसभा सदस्यहरु सहभागी थिए ।

अमेरिकी उच्च सैन्य अधिकारीसँग प्रधानसेनापति शर्माको संवाद

काठमाडौं । प्रधानसेनापति प्रभुराम शर्मा अमेरिका भ्रमणमा व्यस्त छन्। उनले त्यसक्रममा उच्चस्तरीय भेटघाटलाई जारी राखेका छन् ।  शर्माले अमेरिकी सेना प्रमुखसहितका उच्च सुरक्षा अधिकारीसँग भेटवार्ता गरिरहेका छन् ।

प्रतिक्रिया दिनुहोस