पूर्वी युक्रेन छाड्न जेलेन्स्कीको आदेश
मस्को । युक्रेनका राष्ट्रपति भोलोदिमिर जेलेन्स्कीले युक्रेनी नियन्त्रणमा रहेको पूर्वी डोनेत्स्क क्षेत्रका केही भागमा रहेका सबै नागरिकलाई त्यहाँबाट हट्न आदेश दिएका छन् । आफ्नो नियमित सम्बोधनका क्रममा राष्ट्रपति जेलेन्सकीले लडाइँलाई तीब्र पार्ने चेतावनी पनि दिएका छन् । ‘अहिले जति धेरै मानिसले दोनेत्स्क क्षेत्र छाड्छन्, रूसी सेनाले त्यति नै कम मानिसलाई मार्ने समय पाउने छ’, उनले भने, ‘हामी सकेसम्म धेरै जीवन बचाउन र रुसी आतंकलाई सकेसम्म सीमित गर्न सबै उपलब्ध अवसरहरू प्रयोग गर्नेछौँ ।’
उक्त क्षेत्रको ठुलो भाग नियन्त्रण गर्ने रूसी सेनाको ढिलो प्रगतिबीच थुप्रै झडप भएका छन् । सबै उपलब्ध अवसर प्रयोग गरेर सम्भव भएसम्म बढी जीवन रक्षा गर्ने राष्ट्रपति जेलेन्स्कीले बताए । अहिले हजारौँ सर्वसाधारण दोनेत्स्क क्षेत्रमा फसेका छन् । यसैबीच, क्रिमियाको बन्दरगाहमा रुसी जहाजमा भएको ड्रोन आक्रमणमा पाँच जना घाइते भएको बताइएको छ । रुसले कब्जा गरेको सेबास्टोपोल सहरका मेयर मिखाइल रजभोजायेभले उक्त जानकारी दिएका हुन् । ‘आइतबार बिहान युक्रेनी राष्ट्रवादीहरूले रुसी जहाजमा हमला गरे’, उनले भनेका छन् । उक्त हमलामा पाँच जना घाइते भएको बताइएको छ ।
युक्रेनी फौजले रुसी सेनाले २४ फेब्रुअरीपछि कब्जा गरेको क्षेत्रलाई पुनः फिर्ता लिने प्रयास गरिरहेको छ । बुधबार युक्रेनी आक्रमणमा रुसी सेनाले कब्जा गरेको खेरसन सहरको एउटा प्रमुख पुल आंशिक रूपमा ध्वस्त भएको थियो । यसैबीच, रुसले मस्को समर्थित पृथकतावादीहरूले राखेको जेलमा दर्जनौं युक्रेनी कैदीको मृत्यु भएको विषयमा छानबिन गर्न संयुक्त राष्ट्र संघ र रेड क्रसका विशेषज्ञहरूलाई आमन्त्रित गरेको रक्षा मन्त्रालयले जनाएको छ । एक विज्ञप्तिमा मन्त्रालयले यसै साताको सुरुमा जेलमा भएको आक्रमणलाई ‘वस्तुनिष्ठ अनुसन्धान सञ्चालन गर्ने हितमा’ काम गरिरहेको बताएको छ । रुस समर्थित पृथकतावादीहरूले मृतकको कुल संख्या ५३ रहेको जनाएका छन् । किभले जेलमा रकेट प्रहार गरेको उनीहरुले आरोप लगाउँदै आएका छन् । तर, युक्रेनको सशस्त्र बलले भने आक्रमण गरिएको आरोपलाई अस्वीकार गरेको छ । रुसी गोलाबारीले जेललाई निशाना बनाएको आरोप युक्रेनले लगाएको छ ।
सम्बन्धित समाचारहरु
लन्डन । बेलायतको प्रहरीले शुक्रबार प्रधानमन्त्री ऋषि सुनकलाई गुडिरहेको कारमा सिट बेल्ट नलगाएकामा जरिवाना गरेको छ । ट्राफिक नियमको उल्लङ्घन गरेको भन्दै प्रधानमन्त्री सुनकको नाम नलिई लन्काशायर प्रहरीले लन्डनका ४२ वर्षीय पुरुषलाई जरिवाना गरेको बताएको छ ।
काठमाडौं । हाल अमेरिकाका लागि चिनियाँ राजदूत रहेका उनलाई राष्ट्रपति सी चिनफिङले विदेशमन्त्री बनाएका हुन् । छिन १७ महिनायता अमेरिकाका लागि चिनियाँ राजदूतको भूमिकामा छन् । छिन चीनका वरिष्ठ कुटनीतिज्ञ हुन् ।
प्रतिक्रिया दिनुहोस
कसैलाई अवसरमाथी अवसर कसैलाई भुईबाट उठ्न नदिने, हाम्रा नेतालाई धेरै धन्यवाद
२०७९ मंसिर २६ गते ०७:०१
बोयर बाख्रा गरिबको धन
२०७९ कार्तिक २४ गते ०४:३२
भगवती चौधरीका विकासे एजेण्डा र गच्छदार
२०७९ कार्तिक १६ गते ०७:१८
एकीकृत समाजवादीलाई नै मत किन ?
२०७९ कार्तिक १४ गते ०२:०४
मिनेन्द्र रिजाललाई रामप्रसाद रिजालकाे पत्र
२०७९ आश्विन २५ गते ०७:०८
चुनावमा उम्मेदवार बन्न वाट बन्चित गरिएपनि न्याय, समान अवसर र शुद्धीकरणको अभियान जारि रहनेछ
२०७९ आश्विन २३ गते ०८:५९
संघर्षले खारिएका नेता देवराज घिमिरेकाे याेगदानकाे पार्टीले मूल्यांकन गरोस्
२०७९ भाद्र २७ गते १०:२०
मलाई व्यङ्ग गर्ने ‘बरिष्ठ नेता’लाई १५ प्रश्न
२०७९ भाद्र २६ गते ०३:३७
डेंगी (Dengue Fever ): एकपटक पढ्नुहोला
२०७९ भाद्र १२ गते ०४:५९
आसन्न निर्वाचन, गठबन्धन र स्थिरता
२०७९ भाद्र ८ गते ०८:१४