राजविराज। किशोरी छोरीले आत्महत्या गरेपछि रधियादेवी मण्डलको मनमा यस्तो तर्कना आउँछ, ‘पापीहरूले बलात्कार गरे, पञ्चहरूले हत्या।’ तिनै पञ्च र आरोपित परिवारका महिला सदस्यले अहिले घरमा आएर उजुरी फिर्ता लिन रधियादेवीलाई धम्क्याउन थालेका छन्। ‘दुःखी, गरिब, कमजोरको आफ्नो भन्ने कोही हुँदा रहेनछन्’, उनले भनिन्, ‘आँट, भरोसा र आस दिनेभन्दा धम्क्याउने बढी भयो।’
काठमाडौं । विश्वकर्मा पूजाको मूर्ति सेलाउन जाने क्रममा दुई समुदायबीच विवाद बढेपछि जिल्ला प्रशासन कार्यालय सर्लाहीले सदरमुकाम मलंगवा बजारमा कर्फ्यू आदेश जारी गरेको छ । प्रशासनले शनिबार साढे १ देखि आइतबार बिहान ८ बजेसम्म कर्फ्यू आदेश जारी गरेको हो । मलंगवा ३ विश्वकर्मा चोकबाट विश्वकर्मा पूजाको मूर्ति सेलाउन जाने क्रममा दुई समुदायबीच विवाद बढेको हो ।
सप्तरी। न्याय नपाएपछि यहाँकी एक बलात्कृत किशोरीले आत्महत्या गरेकी छिन्। बलात्कारीहरू विरुद्ध प्रहरीकहाँ उजुरी गर्न गाउँलेहरूले नै रोक लगाउँदै चेतावनी दिएपछि डाकनेश्वरी नगरपालिका– ७ ललितपुरकी १७ वर्षीया किशोरीले मङ्गलबार आत्महत्या गरेको सप्तरी प्रहरीले जनाएको छ।
सप्तरी । एक १८ वर्षीया किशोरीलाई बलात्कार गरेको आरोपमा प्रहरीले सुरुङ्गा नगरपालिका–५ कुशहाका १७ वर्षीय मोहम्मद अन्साद मियाँलाई पक्राउ गरेको छ । फरार भएका आरोपितलाई नौ महिनापछि सिरहाको धनगढीमाई नगरपालिका–२ धनगढास्थित मामाघरमा लुकेर बसेको अवस्थामा प्रहरीले पक्राउ गरेको जनाइएको छ । मामाघरमा लुकेर बसेको गोप्य सूचनाका आधारमा प्रहरी नायब निरीक्षकको टोलीले पक्राउ गरी ल्याएको इलाका प्रहरी कार्यालय कडरबोनाका प्रहरी निरीक्षक रामराजा केशरीले जानकारी दिए ।
सुनसरी। गत भाद्र ३ गते ३ की २२ वर्षीय रिङ्की कुमारी मेहतालाई भगाएर बिहे गरेको परिवारले मागेको १० लाख दाइजो नदिएको नाममा उनकै हत्या गरेको आरोप आफन्तले लगाएका छन्। सोही गाउँपालिका–४ निवासी रमेशकुमार मेहताले छोरीलाई अपहरण शैलीमा जबरजस्ती भगाएर घर लगेको २४ घण्टा नबित्दै दाइजोको लागि हत्या गरेको मृतकका बुवा जयकिशोर महतोको आरोप छ।
जनकपुरधाम । धनुषामा बाख्रा चराउन गएकी एक जना बालिकामाथि बलात्कार भएको घटना बाहिरिएको छ। धनुषाको गणेशमान चारनाथ नगरपालिका घर भएकी ती १५ वर्षीया बालिकामाथि भदौ १५ गते बलात्कार भएको हो। गत सोमबार बिहान ९ बजे घरबाट करिब एक किलोमिटरको दूरीमा रहेको फूलबारी भन्ने स्थानमा आँपको बगैंचामा आफ्नो चार जना साथीहरूसँग बाख्रा चराउन गएकी बालिकामाथि बलात्कार भएको प्रहरीले जनाएको छ।
काठमाडौं । रौतहटका पुजारी श्रीराम शाहको सापट दिएको रकम माग्दा विवादपछि हत्या भएको प्रहरीको प्रारम्भिक अनुसन्धानबाट खुलेको छ । पक्राउ परेका रामनरेश पटेलका बुवाले पुजारीसँग केही रकम ब्याजमा लिएको र माग्ने बेला विवाद भएपछि हत्याको योजना बुनेको प्रहरीसमक्ष बताएका छन् । मृतक पुजारीको मन्दिर नजिक ३ वटा रक्सी पसल रहेको र रक्सी सेवनपछि मन्दिरको धारामा आई खुट्टा धुने, पानी खाने गरेपछि घटना हुनुभन्दा ३ दिन अघि रामनरेश र पुजारीबीच विवाद भएको थियो । प्रहरीले यसलाई पनि हत्याको कारण मानेको छ ।
रौतहट। आफ्नै साथीको हत्या गरेको आरोपमा पक्राउ परेका १९ वर्षीय विजय महराको उपचारको क्रममा मृत्यु भएको छ। गरुडा नगरपालिका ८ जीगडियाका २० वर्षीय निरञ्जन रामको हत्या अभियोगमा पक्राउ परेका महराको बुधबार मध्यराति वीरगञ्जस्थित नेशनल मेडिकल कलेजमा उपचारको क्रममा मृत्यु भएको गरुडा इलाका प्रहरी कार्यालयका प्रमुख डीएसपी ज्ञानकुमार महतोले जानकारी दिए।
वीरगन्ज। तलब वृद्धि, स्वास्थ्य तथा जीवन बिमा गर्नुपर्ने लगायतका विभिन्न ५ बुंदे माग राख्दै आन्दोलनमा उत्रिएका वीरगन्जका विभिन्न निजी अस्पतालहरुमा कार्यरत एमविविएस डाक्टरहरुले मंगलबारसम्म आफ्ना माग पुरा नभए सामुहिक राजिनामा दिने चेतावनी दिएका छन्।
रौतहट । पुजारी हत्याको विरोधमा प्रदर्शन गर्दै राष्ट्रिय एकता अभियानले प्रदेश २ का मुख्यमन्त्री लालबाबु राउतको राजीनामा माग गरेको छ । गत भदौ ३ गते राति रौतहटको माधवनरायण नगरपालिकाको खेसरहिया स्थित हनुमान मन्दिरका पुजारी श्रीराम साहको अज्ञात समूहले हत्या गरेको थियो ।
२०७७ आश्विन ४ गते ०२:०७
२०७७ आश्विन ३ गते ०७:१९
२०७७ भाद्र ३१ गते ०५:१९
२०७७ भाद्र २९ गते ०७:३५
२०७७ भाद्र २९ गते ०७:२७
२०७७ भाद्र २९ गते १०:११
२०७७ भाद्र २४ गते १२:३३
२०७७ भाद्र २३ गते ०८:४४
२०७७ भाद्र २० गते ११:३३
