चिनियाँ राष्ट्रपति सी चिनफिङ्सँग आइतबार होटल सोल्टीमा नेपाल कम्युनिष्ट पार्टीका शीर्ष नेताहरु भेटवार्ता गर्नुहुँदै । राष्ट्रपति सी नेपालको दुई दिने राजकीय भ्रमणका सिलसिलामा शनिबार काठमाडौँमा आउनुभएको हो । तस्वीर : प्रदीपराज वन्त, रासस ।
डोटीको सेती नदीमा जोखिम मोलेर ट्युबको सहायताले नदी तर्दै स्थानीय महिला । दिपायल सिलगढी नगरपालिका वडा नं १ बाँफी गाउँका स्थानीय पुल नहुँदा जोखिम मोलेर सेती नदी तर्न बाध्य भएका छन् ।
भक्तपुरको ब्रम्हायणी मन्दिर परिसरमा विजया दशमीको दिन आफ्नो जीउमा बत्तिबाली बसेका भक्तपुरका धर्मावलम्बी । यसरी जीउमा बत्ती बालेमा मनोकांक्षा पूजा हुने विश्वास लिइन्छ । तस्वीरः रत्न श्रेष्ठ रासस ।
नेपालीहरुको महान चाड बडा दशैंको अवसरमा तनहँुको भानु नगरपालिका–३ चाम्बासका युवती कौरा नृत्य प्रस्तुत गर्दै । कौरा नृत्य मगर जातिमा प्रख्यात रहेको छ । तस्वीर : कृष्ण न्यौपाने, रासस ।
जाजरकोट छेडागाड नगरपालिकाको पजारुमा तत्कालिन भोटे राजाले निर्माण गरेका चैते स्तुपा । मर्मत र सम्भारको अभावमा दैनिक अलपत्र पर्दै गएका छन् ।
चितवन राष्ट्रिय निकुञ्जमा सुरक्षाकर्मी गस्ती गर्दै । चाडवाडका बेला चोरी तस्करीलाई नियन्त्रण्न गर्न नेपाली सेनाको बटुक दल गण र चितवन राष्ट्रिय निकुञ्जले संयुक्तरुपमा विशेष सुरक्षा सतर्कता अपनाएको हो ।
बिर्तामोड नगरपालिका–४ स्थित कृष्णप्रसाद उप्रेतीको घरमा जडान गरिएको इजरायली प्रविधिको होम वायो ग्यास प्लान्ट । यो प्लान्ट जडानका लागि अन्य गोवर ग्यास प्लान्ट निर्माण जस्तो खाल्डो बनाई रहनु नपर्ने र कुहीने फोहरबाट ग्यास उत्पादन हुन्छ ।
पोखराको लेकसाइडस्थित ताल बाराही मन्दिरको अवलोकन गर्दै र जानकारी लिँदै होल्याण्डका नागरिक । तस्बिर : जमुना वर्षा शर्मा, रासस ।
सल्यानको सिद्धकुमाख गाउँपालिका–३ फलाटेमा पानी घट्ट बनाउँदै स्थानीय पूर्णबहादुर रेउले र पुने रेउले । कुनै समय दिनमा चार जोडा घट्ट बनाउने रेउले अहिले मुस्किलले वर्षमा तीन जोडा बनाउँछन् । गाउँघरमा विद्युतीय मिलबाटै कुटानी पिसानीको काम हुन थालेपछि पानी घट्ट सङकटमा परेको हो ।
