उदयपुरमा खुल्यो ३ करोड लगानीमा कर्मदीप पशु तथा कृषि फार्म, कृषि कलेज बनाउने उद्देश्य

काठमाडौं । उदयपुर जिल्ला अदालतमा वहस पैरवीको काम गरिरहेका दिपक बस्नेतले २०७४ सालमा कृषिमा हात हाले । आफ्नै माटोमा केहि गर्नुपर्छ भन्ने मान्यताले बस्नेतले कृषि हात हालेको बताए । उनले उदयपुर जिल्लाको त्रियुगा नगरपालिका वाड नम्बर २ को मथियाईमा रहेको ४ विघाहा जग्गामा कर्मदीप पशु तथा कृषि फार्म सञ्चालनमा ल्याए । सो फार्ममा माछा, लोकल कुखुरा , बोइलर कुखुरा, बंगुर, बट्टाई, गाई, राँगा, बाख्रा, सिजन अनुसारको तरकारी तथा फल–फूल पनि पाईने एकिकृत कृषि फर्म सञ्चालन गरिरहेका बस्नेतले जानकारी दिए । उनको फार्ममा उन्नत जातको घाँस पनि खेती गरिएको छ । ​उनका अनुसार ३ करोड लगानीमा सञ्चालन गरेको सो फार्ममा प्रत्यक्ष र अप्रत्यक्ष गरी १५ जना भन्दाले रोजगारी पाएका छन । फार्मले त्रियुगा नगरपालिका मात्र होइन पुरै उदयपुर जिल्ला तथा यस जिल्लाको सिमानामा रहेका खोटाङ्ग भोजपुर ओखलढु्ङ्गा सिराहा, सप्तरी, सुनसरी, सोलुखुम्बु लगाएतका जिल्लाहरुका मानिसलाई समेत सेवा दिइरहेको व्यवसायी बस्नेतले बताए ।

४१ विश्व खाद्य दिवस : स्वस्थ्य मानिसका लागि स्वच्छ खाद्यान्नको आवश्यकता

काठमाडाैं । कृषि तथा पशुपक्षी विकास मन्त्रालयका (पशुपक्षी तर्फका) सचिव डा. गोविन्द शर्माले मुलुक निर्माणका लागि स्वस्थ्य मानिसका लागि स्वच्छ खाद्यान्नको आवश्यकता रहेको बताए । नेपालमा मनाईने महिनाव्यापी ४१ औ विश्व खाद्य दिवसको आज भएको भर्चुअल उद्घाटन कार्यक्रममा बोल्दै उनले सो कुरा बताएका हुन । उनले स्वस्थ्य खानाका लागी कृषिलाई प्राथमिकतामा राख्नुपर्नेे कुरामा जोड दिँदै भने, 'विभिन्न कारणले कृषिबाट पलायन भएका युवा जनशक्तिलाई पुनः कृषिमा फर्काउनुपर्ने खालका कार्यक्रमहरु ल्याउनुपर्छ ।’

अकबरे खुर्सानीबाट मनग्ये आम्दानी गर्दै अर्घाखाँचीका नारायण अधिकारी

माधव खनाल, अर्घाखाँची । जिल्लाको छ्त्रदेबका युवा नारायण अधिकारीले अहिले कृषि कार्यलाई महत्त्व दिंदै ५ महिना पहिले स्थानीय जातको खुर्सानीको खेति गर्न शुरु गरेका थिए । अन्य खेती गर्दा बाँदर र बंदेलको समस्या रहेको तर खुर्सानी खेतिमा यो समस्या नरहेकोले आफू खुर्सानी खेती तर्फ आकर्षित भएको उनले बताए । उनले घर नजिकै रहेको करीब १० रोपनी जग्गा भाडामा लिएर लगभग ४ हजार भन्दा धेरै डल्ले खुर्सानी (लोकल अकबरे) को विरुवा रोपेका थिए । हाल आएर उत्पादन शुरु भएकोमा आफू अत्यन्तै खुशी भएको उनले बताए । गरे हुँदो रहेछ भन्ने कुरा प्रमाणित भएको देखिन्छ । मासिक आम्दानि राम्रो भएको उनको भनाइ छ ।

अकबरे खुर्सानी

अवैध पुष्प तथा पुष्पजन्य आयात रोक्न माग, माग सुनुवाई नभए कडा आन्दोलन गर्ने चेतावनी

काठमाडौं । भारतबाट पुष्प तथा पुष्पजन्य वस्तु अवैध आयात भइरहेको भन्दै त्यसलाई रोक्न माग गरिएको छ । अखिल नेपाल किसान महासंघ, ङ्खलोरिकल्चर एसोसियसन नेपाल तथा नर्सरी तथा पुष्प उत्पादक किसान संघले संयुक्त रूपमा पुष्प एवं पुष्पजन्य सामग्री अवैध कारोबार रोक्न माग गर्दै बुधबार राजधानीमा प्रदर्शनसमेत गरेका छन् ।

बदाम खेतीबारे जानकारी

अङ्ग्रेजीमा 'पिनट' भनिने वस्तु नेपालमा 'बदाम' भनेर चिनिन्छ। नेपालमा सबैतिर उपभोग गरिने खाद्य पदार्थमा बदाम पर्दैन। तर हाल आएर कतिपय साना उद्योगहरूले निकै ठुलो मात्रामा बदाम प्रशोधन गर्ने र प्याकिङ गर्ने काम गर्न थालेका छन्। गत दुई दशकमा नेपालका विभिन्न भागका किसानहरूले नगदे बालीका रूपमा उल्लेख्य मात्रामा बदाम खेती गर्न थालेका छन्। तेल उत्पादनका लागि बदामको पर्याप्त माग हुन थालेको पनि छ।

कुखुराको मासुमा उच्च मूल्य वृद्धि

काठमाडौं । निषेधाज्ञा खुकुलो भएसँगै तयारी ब्रोइलर कुखुराको मासुको मूल्यमा उच्च वृद्धि भएको छ । एक सातामा तयारी कुखुराको मासुको खुद्रा मूल्य किलोमा ४५ रुपैयाँले बढेको खुद्रा विक्रेताहरुले बताएका छन् । गत आइतबार प्रतिकिलो ३४० रुपैयाँ प्रतिकिलोमा कारोबार भएको तयारी कुखुराको मासुको भाउ शुक्रबार ३८५ रुपैयाँ पुगेको हो ।

सरकारीलाई अनुदान, निजीलाई पक्षपात गरेको डेरी उद्योग संघकाे आरोप

काठमाडौं । कोरोनाले थलिएको दुग्ध क्षेत्रलाई उकास्न सरकारले बेवास्ता गरेको निजी डेरी उद्योगीहरुले गुनासो गरेका छन् । डेरी उद्योग संघले बुधबार प्रेस विज्ञप्ति जारी गर्दै सरकारी डेरीलाई मात्र सरकारले पटकपटक अनुदान दिएको तर निजी क्षेत्रलाई पक्षपात गरेको आरोप लगाएको छ । विज्ञप्तिमा भनिएको छ ‘एकातिर निजी क्षेत्रलाई सरकारबाट कुनै सहयोग र प्रोत्साहन नगर्ने अर्कोतर्फ सरकारी (दुग्ध विकास संस्थान) र सहकारी डेरीहरुलाई संघीय तथा प्रदेश सरकारबाट विभिन्न शिर्षकमा पटक–पटक अनुदान दिइरहँदा निजी क्षेत्रको प्रतिस्पर्धी क्षमता गुम्न गई अर्बौंको लगानी डुब्ने जोखिम सिर्जना भएको छ ।’ कोरोना महामारीका बेला दूध र दुग्धजन्य वस्तुको खपत नहुँदा निजी डेरी उद्योगमा मात्र ४ अर्बभन्दा बढीको दूग्धजन्य पदार्थ मौज्दात रहेको संघका अध्यक्ष राजकुमार दाहालले बताए ।

सरकारले नेपालको कृषि क्षेत्रलाई तहसनहस पार्ने काम गर्याे : वामदेव गौतम

काठमाडौं । अखिल नेपाल किसान संघका अध्यक्षसमेत रहेका नेकपा एमालेका नेता वामदेव गौतमले वर्तमान सरकारले नेपालको कृषि क्षेत्रलाई तहसनहस पार्ने काम गरिरहेको आरोप लगाएका छन् । धान दिवसको अवसमा एक विज्ञप्ति जारी गर्दै नेता गौतमले वर्तमान सरकारले भूमि बैंक र करार खेतीजस्ता प्रणाली ल्याएर कृषि क्षेत्र भतभुंग बनाउने काम गरेको दाबी गरेका हुन् । 'हामीले भन्दै आएका थियौँ, नेपालको कृषि क्षेत्र (प्राथमिक उत्पादनको क्षेत्र) मा बहुराष्ट्रिय कम्पनीलाई प्रवेश गर्न दिइनुहुँदैन। यदि त्यसो गरियो भने नेपाली किसान जनताका हक, अधिकार र समृद्धिका सम्पूर्ण योजना भताभुङ हुन्छन्,' गौतमद्वारा जारी विज्ञप्तिमा भनिएको छ, 'तर, वर्तमान सरकारले बहुराष्ट्रिय कम्पनीलाई नेपालको प्राथमिक उत्पादनको क्षेत्रमा प्रवेश गराउनका लागि बैदेशीक लगानी व्यवस्था ऐनको अनुसूची संशोधन गरेर अनुकुल बनाइदिएको छ। यो कार्यले नेपाली किसानलाई पूर्णत बेरोजगार र घरबारविहीन बनाउने छ।'

जग्गा भाडामा लिएर नरभान तरकारी खेती गर्दै, वर्षको ४/५ लाखसम्म आम्दानी

काठमाडौं । अमरगढी नगरपालिका वडा ८ डडेल्धुराका किसान नररभान पार्किङले विगत २ वर्षदेखि तरकारी खेती गर्दै आएका छन् । वर्षेनी ६० हजार रुपैयाँ तिर्ने गरि १४ रोपनी जग्गा भाडामा लिएर पार्किङले काउली, फर्सी, गोलभेडा, आलु लगायत तरकारी खेती गरिरहेका हुन । उनले आफ्नो जीविकोपार्जनका लागि मात्रै खेती गरिरहेका छैनन् । बरु झन्डै आधा दर्जन बेरोजगारी युवाहरूलाई रोजगारी समेत दिएका छन ।