.png "Win Recruit Nepal"){kind=logo}
ललितपुर । गोदावरीको टीकाभैरबमा बस्दै आएकी एक बालिका करिब १ महिनादेखि बेपत्ता छिन् । कैलालीको लम्कीचुहा नगरपालिका ५ स्थायी घर भई हाल गोदावरी नगरपालिका ६ टीकाभैरबमा बस्दै आएकी १५ वर्षकी संगीता चौधरी करिब १ महिनादेखी परिवारको सम्पर्कमा आएकी छैनन् ।
लेले आनन्दवन अस्पतालमा कार्यरत रामबहादुर चौधरीकी छोरी संगीता गत बैशाख १६ गतेदेखि सम्पर्कबिहीन भएकी हुन् । बेपत्ता भएकी संगीताको खेजीका लागि हरसम्भव प्रयास भएपनि अहिलेसम्म कुनै पत्ता नलागेको उनका रामबहादुरले बताए ।
उनका अनुसार गत बैशाख १६ गते टीकाभैरबकाट आफ्नी दिदी अनिता चौधरीसँगै फर्पिङस्थित बालनिकेतन होस्टलमा जान भनेर हिँडेकी संगिता त्यही साँझबाट हराएकी हुन् ।
‘दिदी अनिताले बहिनीलाई होष्टेल पुयाउन फर्पिङ गएकी थिइन्, होष्टेल नजिकै पुगेर आएकी उनी फेरी लगनखेलमा दिउँसो साढे २ बजे देखीइन्’ बुबा रामबहादुर भने, ‘दिदीले आश्चर्य मानेर लगनखेल आउनुको कारण सोध्दै फेरी संगीतालाई पैसा दिएर होस्टल जाने गाडी चढाएकी थिइन् । होष्टलमा पुग्दा पैसा हराएकाले आफू फर्किएर आएको संगीताले दिदीलाई सुनाएकी थिइन् ।’त्यसपछि दिदी अनिताले पैसा दिएर होस्टलतर्फ फर्काएकी थिइन् ।’
पछि साँझ ७ बजे होस्टलमा सम्पर्क गर्दा संगीता होष्टलमा नआएको जानकारी आएपछि छोरीको खेजीमा आफूहरु लागेको रामबहादुरले बताए ।
संगीता फर्पिङस्थित त्रिभुवन आर्दश माध्यमीक विद्यालयमा ६ कक्षामा अध्ययनरत छिन् । श्रीमतीसहित ५ छोरी र १ छोरा भएका रामबहदुर १० वर्ष देखी टीकाभैरबमा बस्दै आएका छन् ।
उनले गत बैशाख १७ गते सोमबार महानगरीय प्रहरी वृत्त चापागाउँ र पछि जावलाखेल प्रहरी परिसरमा उजुरी दिएका थिए ।
सिसी क्यामेरा हेर्दा लगनखेल बसपार्कमा देखिएको बताइएको छ । उनका अनुसार साझा बस र दक्षिणकालीको बस बिसौनी रहेको लगनखेलको प्रतिक्षालयमा केहीबेर बसेको देखिन्छ ।
.jpg)
प्रतिक्रिया गर्न लग इन गर्नु होस्:
Log in with Google