Namaste Icon

बैंक

वाणिज्य बैंकहरूमा कुनको नाफा कति ? (सूची)

वाणिज्य बैंकहरूमा कुनको नाफा कति ? (सूची)

काठमाडाैं । वाणिज्य बैंकहरुमध्ये केही बैंकहरुले दोस्रो त्रैमासिकको वित्तीय विवरण सार्वजनिक गरेका छन् । यसमध्ये ग्लोबल आईएमई बैंकको नाफा उच्च देखिएको छ । बैंकले चालू आर्थिक वर्षको ६ महिनामा २ अर्ब ६६ करोड रुपैयाँ नाफा आर्जन गरेको छ। त्यस्तै एनआईसी एसियाले पनि सोही अवधिमा २ अर्ब ४० करोड नाफा आर्जन गरेको छ । यता नबिल बैंकले २ अर्ब १८ करोड नाफा कमाउँदा प्रभु बैंकले १ अर्ब २६ करोड नाफा आर्जन गरेको छ । खासगरी नाफामा ग्लोबल आईएमई, एनआईसी एसिया र नबिल बैंकबीच प्रतिस्पर्धा देखिएको छ।


सिद्दार्थ बैंकका ग्राहकलाई चितवन मिडटाउन रिर्सोटमा छुट

सिद्दार्थ बैंकका ग्राहकलाई चितवन मिडटाउन रिर्सोटमा छुट

काठमाडौ । सिद्दार्थ बैंक लिमिटेड र चितवनको भरतपुर स्थित चितवन मिडटाउन रिर्सोट प्रालि बीच बैंकका ग्राहकलाई विभिन्न सेवामा छुट प्रदान गर्ने सम्बन्धी सम्झौता भएको छ । उक्त सम्झौता पत्रमा बैंकका तर्फबाट बाग्मती प्रदेश प्रमुख दुर्गा राज पाण्डे र चितवन मिडटाउन रिर्सोटका तर्फबाट प्रबन्ध निर्देशक मदन घिमिरेले हस्ताक्षर गरेका हुन । उक्त सम्झौता अनुसार बैंकका ग्राहकले चितवन मिडटाउन रिर्सोटमा डेबिट, क्रेडिट तथा प्रिपेड कार्ड, मोबाईल बैैंकिग, वा इन्टरनेट बैैंकिग प्रयोग गरे बापत होटल बसाई सेवाको भुक्तानी गर्दा १५ प्रतिशत सम्मको छुट र रेस्टुरेन्ट, खाना तथा पेय पदार्थ सेवाको भुक्तानीमा १० प्रतिशत सम्मको छुट प्राप्त गर्न सकिने पनि बैकले भनेको छ ।


अर्घाखाँचीको धनचाैरमा मेगाकाे शाखारहीत बैंकिङ सेवा

अर्घाखाँचीको धनचाैरमा मेगाकाे शाखारहीत बैंकिङ सेवा

अर्घाखाँची । अर्घाखाँचीकाे भूमिकास्थान नगरपालिका-१० धनचौरमा मेगा बैंककाे शाखारहित बैंकिङ सेवा सुरु भएकाे छ । बैंक तथा वित्तीय सेवाको पहुँचबाट टाढा रहेका ग्रामीण क्षेत्रका बासिन्दासम्म बैंकिङ पहुँच विस्तार गर्न शाखारहीत सेवा थालिएकाे मेगा बैंक अर्घाखाँची शाखा प्रबन्धक लक्ष्मण क्षेत्रीले बताए । मेगाले सेवा सुरु गरेपछि भूमिकास्थान नगरपालिका-१० का अध्यक्ष खगिश्वर पन्थीले खुसी व्यक्त गरे ।   शाखारहीत बैंकिङ सेवाको मेयर रेशम थापाले उद्घाटन गरेका हुन् । थापाले धनचौरमा मेगाले शाखा रहित बैंकिङ सुविधा ल्याउदा नागरिकलाई  बैंकिङ सेवा सहज हुने बताए ।


नबिल बैंकको अध्यक्षमा पुनः उपेन्द्र पौडेल निर्वाचित

नबिल बैंकको अध्यक्षमा पुनः उपेन्द्र पौडेल निर्वाचित

काठमाडौं । नबिल बैंकको ३७ औं वार्षिक साधारणसभा सम्पन्न भएको छ । शुक्रबार सम्पन्न बैंकको निर्वाचनसहितको साधारणसभाले उपेन्द्र प्रसाद पौडेललाई पुनः अध्यक्षता निर्वाचित गरेको छ । पौडेल यसअघि पनि बैंकको सञ्चालक समितिको अध्यक्ष रहेका थिए । पौडेल शेयरधनीहरुको तर्फबाट प्रतिनिधित्व गर्दै पुनः अध्यक्षमा निर्विरोध निर्वाचित भएका हुन् । उक्त साधारणसभाले गत आर्थिक वर्ष २०७७/७८ को मुनाफाबाट प्रस्तावित ३८ प्रतिशत लाभांश समेत पारित गरेको छ । बैंकले सेयरधनीहरूलाई नाफापछिको चुक्तापुँजीको ३३.६० प्रतिशत बोनस सेयर र ४.४० प्रतिशत नगद लाभांश वितरण गर्नेछ । यो २७ वटा वाणिज्य बैंकहरू मध्येकै सबैभन्दा धेरै लाभांश हो ।


इन्भेष्टमेन्ट बैंकसँग मर्जरको विशेष प्रस्ताव हिमालयन बैंकको साधारणसभाबाट अस्वीकृत

इन्भेष्टमेन्ट बैंकसँग मर्जरको विशेष प्रस्ताव हिमालयन बैंकको साधारणसभाबाट अस्वीकृत

काठमाडौं । हिमालयन बैंकको साधारणसभाले इन्भेष्टमेन्ट बैंकसँग मर्जरको विशेष प्रस्ताव अस्वीकृत गरेको छ । शुक्रबार सम्पन्न बैंकको २९औं वार्षिक साधारणसभाले उक्त प्रस्ताव अस्वीकृत गरेको हो । मर्जर विषयमा सेयरधनीहरुबीच विवाद भएपछि उक्त प्रस्ताव पारित हुन नसकेको हो । मर्जर सम्बन्धी प्रस्तावमा सहमति हुन नसकेपछि बैंकले बहुमतका आधारमा पारित गर्ने निर्णय गरेको थियो । सोही निर्णय अनुसार भएको मतदानको नतिजा आइसकेको छैन । स्रोतका अनुसार अहिले मतगणनाको काम भइरहेको छ ।


महेन्द्रनगर चम्मन चोकमा हिमलायन बैकको शाखा

महेन्द्रनगर चम्मन चोकमा हिमलायन बैकको शाखा

काठमाडौ । हिमालयन बैंक लिमिटेडले आफ्नो शाखा सञ्जाल विस्तार गर्ने क्रममा सुदुरपश्चिम प्रदेशको कञ्चनपुर जिल्ला स्थित भीमदत्त नगरपालिका–६, चम्मनचोकमा सोमबार देखि महेन्द्रनगर शाखा सञ्चालनमा ल्याएको छ । बैंकले उक्त शाखाबाट सबै ग्राहकलाई अत्याधुनिक बैंकिग सुविधा उपलब्ध गराउने जनाएको छ ।


मेगा बैंकको साझेदारीमा धरानमा फोहोरबाट ग्यास उत्पादन सुरु

मेगा बैंकको साझेदारीमा धरानमा फोहोरबाट ग्यास उत्पादन सुरु

धरान । मेगा बैंक लिमिटेडको वित्तीय साझेदारीमा नेपालमै पहिलोपटक धरानमा फोहोर प्रधोशन केन्द्रबाट ग्यास तथा जैविक मल उत्पादन सुरु गरिएको छ । भेञ्चर वेस्ट टु इनर्जी प्रालिद्वारा धरान उपमहानगरपालिका तथा सरकारको वैकल्पिक उर्जा प्रबद्र्धन केन्द्रको सहकार्यमा धरान– ६ पानबारीस्थित फोहोर प्रशोधन केन्द्रबाट ग्यास तथा मल उत्पादन सुरु गरिएको प्रमुख सूचना अधिकारी तुल्सीराम पोखरेलले जानकारी दिए ।


सबै एटीएम बुथमा सेनिटाइजर राख्न राष्ट्र बैंकको निर्देशन

सबै एटीएम बुथमा सेनिटाइजर राख्न राष्ट्र बैंकको निर्देशन

काठमाडौं । कोरोना संक्रमणको दर बढ्न थालेपछि राष्ट्र बैंकले बैंक तथा वित्तीय संस्थाहरुलाई सुरक्षाका मापदण्ड पालना गरी सेवा दिन निर्देशन दिएको छ । जसअनुसार सेवाग्राहीको भीडभाड नहुनेगरी भौतिक दूरी कायम रहने व्यवस्था मिलाई सेवा दिन निर्देशन दिइएको छ ।


मेगा बैंककी सिइओ अनुपमा खुञ्जेलीलाई ‘बेस्ट फिमेल अवार्ड २०२१’

मेगा बैंककी सिइओ अनुपमा खुञ्जेलीलाई ‘बेस्ट फिमेल अवार्ड २०२१’

काठमाडाैं । मेगा बैंक नेपाल लिमिटेडकी सिइओ अनुपमा खुञ्जेली उत्कृष्ट महिला अवार्ड २०२१ बाट सम्मानित भएकी छन् । काठमाडौंमा विशेष समारोहका बीच आयोजित प्रथम ‘एचआरएम नेपाल अवार्ड फर कर्पाेरेट एक्सिलेन्स २०२१’ मा सिइओ खुञ्जेलीलाई ‘बेस्ट फिमेल अवार्ड २०२१’ प्रदान गरिएको हो । प्रधानमन्त्री शेरबहादुर देउवाको प्रमुख आतिथ्यतामा भएको कार्यक्रममा बैंकिङ क्षेत्रमा उत्कृष्ट कार्य गरेबापत सिइओ खुञ्जेलीलाई यो अवार्ड प्रदान गरिएको हो ।


मेगा बैक र मोको डिजिटलवीच समझदारी

मेगा बैक र मोको डिजिटलवीच समझदारी

काठमाडौं । मेगा बैंक नेपालले डिजिटल बैंकिङ सुविधालाई अझ सुदृढ एवम् परिस्कृत गर्ने उद्देश्यले विभिन्न बैंक तथा वित्तीय संस्थाको कार्डका लागि साझा केन्द्रको रूपमा कार्य गर्ने मोको डिजिटल वालेटसँग सहकार्य गरेको छ । यो साझेदारीसँगै मेगा बैंकका खातावालले अब सिधै आफ्नो डेबिट वा क्रेडिट कार्ड मोको डिजिटल वालेटमा बिना मौज्दात, विना कुनै शुल्क सहज रुपमा लोड गरी मोको डिजिटल वालेटको प्रयोग गर्न सक्ने बैंकले जनाएको छ । मोको डिजिटल वालेटमार्फत प्रयोगकर्ताले आफ्नो वालेटमा कुनै पनि बैंक तथा वित्तीय संस्थाको कार्ड सहज रूपमा लोड गरी क्यूआर कोड स्क्यान गरी सहजै रकमको भुक्तानी तथा रकमान्तर गर्न सक्ने जनाएको छ ।