काठमाडौं । युनाईटेड ईन्स्योरेन्स कम्पनी (नेपाल) लिमिटेड, संचालक समितिको अध्यक्षमा उद्यमी रविभक्त श्रेष्ठ सर्वसम्मत चयन भएका छन । उनी सो कम्पनीको संस्थापक शेयरधनी एनई गु्रप प्रालिका अध्यक्ष रहेका थिए । बीमकको संस्थागत सुशासन सम्बन्धि निर्देशिका बमोजिम अध्यक्ष श्रेष्ठले बीमा समितिका अध्यक्ष चिरञ्जीवी चापागाईबाट सपथ लिए ।
काठमाडौं । महालक्ष्मी लाईफ इन्स्योरेन्स लिमिटेडले आफ्नो वार्षिकोत्सवको पूर्व सन्ध्यामा सामुहिक म्यादी जीवन बीमा सार्वजनिक गरेको छ । एउटै बीमालेखबाट संगठित संस्थाको कर्मचारी, ऋणी, लगानी कर्ता, निक्षेपकर्ता वा सदस्यहरुको म्यादी बीमा गर्न सकिने समेत विशेषता रहेको यस बीमा योजनामा समूहका सदस्यहरु बीमा अवधि भित्र थप घट गर्न सकिने सुविधा रहेको छ ।
काठमाडौं । सन नेपाल लाइफ इन्स्योरेन्स कम्पनीद्वारा सल्यानमा एक कार्यक्रमका बीच बीमा जागरण अभियान तथा मृत्यु दावी भुक्तानी कार्यक्रम सम्पन्न गरेको छ । बीमित स्वः केवल प्रसाद वस्नेतले २०७५ श्रावण ३१ मा प्रथम बिमा शुल्क ४८ हजार ७६४ भुक्तानी गरि ५ लाख बीमाङ्कको जीवन बीमा गरेकोमा एक कार्यक्रमकाबीच कम्पनीका महाप्रबन्धक कमलराज गौतमले मृतककी श्रीमती तीला वस्नेतलाई ५ लमख १७ हजार ५ सयको चेक हस्तान्तरण गरे ।
ललितपुर । इन्स्योरेन्स जगतमै नयाँ बीमा योजनाका साथ प्राईम लाईफ इन्स्योरेन्स कम्पनीले "प्राईम जीवन उपहार बीमा " ल्याएको छ । जस्मा एउटा बीमा गर्दा सोहि बीमाङ्क बराबरको अर्को बीमालेख उपहार स्वरुप प्रदान गरिनेछ ।
काठमाडौं । प्रदेश १ र २ लाई समेट्ने गरि अजोड इन्स्योरेन्स लिमिटेड इटहरी शाखाको आयोजनामा इटहरीमा आधारभुत निर्जीवन बीमा अभिकर्तातालिम सम्पन्न भएको छ । तालिमको अवसरमा अजोड इन्स्योरेन्स लिमिटेडका सहायक महाप्रबन्धक अनिलकुमार अर्यालले बीमाको परिचय, बीमा व्यवसायको बर्तमान अवस्था र चुनौति बारे जानकारी दिए । त्यस्तै, बीमा क्षेत्रको विकास र विस्तारमाबिमाअभिकर्ताले निर्भाह गर्नुपर्ने भुमिका र बिमाका विभिन्न पोटफोलियो वारे पनि प्रशिक्षण गरे ।
काठमाडौं । आइएमई जनरल इन्स्योरेन्स लिमिटेडको संचालक समितिले कम्पनीमा नायव महाप्रन्धक पदमा कार्यरत शरण रेग्मीलाई नायव प्रमुख कार्यकारी अधिकृत पदमा नियुक्त गरेको छ । स्नातकोत्तर तह उतिर्ण गरी विगत २७ बर्षदेखि निर्जीवन बीमा तथा बित्त क्षेत्रमा कार्यरत रेग्मीसँग तत्कालिन एनआईडिसी क्यापिटल मार्केटमा २ बर्ष, युनाईटेड इन्स्योरेनस कम्पनी (नेपाल) लिमिटेडमा ७ बर्ष, सगरमाथा इन्स्योरेन्स लिामिटेडमा ८ बर्ष, सिद्धार्थ डेभलपमेण्ट बैंक (हाल जनता बैंक) मा ६ बर्ष र आइएमई जनरल इन्स्योरेन्स लिमिटेडमा ४ बर्ष कार्य गरेको लामो अनुभव रहेको छ ।
काठमाडौं । आर्थिक वर्ष २०७५/७६ मा नेपालमा बीमा व्यवसाय गर्ने कम्पनी मध्ये मै सबैभन्दा बढी आयकर दाखिला गरेकाले आन्तरिक राजस्व विभागले नेपाल लाइफ इन्स्योरेन्स कम्पनीलाई कदरस्वरुप सम्मान गरेको छ । आठौं राष्ट्रिय कर दिवस २०७६ को अवसरमा काठमाडौंमा आयोजित एक समारोहका बीच प्रमुख अर्थमन्त्री डा. युवराज खतिवडाले नेपाल लाइफ इन्स्योरेन्स कम्पनीका प्रमुख कार्यकारी अधिकृत विवेक झालाई सम्मानपत्र प्रदान गरेका हुन ।
काठमाडौं । सिटिजन्स लाइफ इन्स्योरेन्स कम्पनीले चालु आर्थिक वर्षको तीन महिनामा ५ करोड १ लाख ३० हजार रुपैयाँ आर्जन गरेको छ । गत आवको सोहि अवधिको तुलनामा १२८ दशमलव १५ प्रतिशतले बढि रहेको कम्पनीले जनाएको छ । गत आवको तीन महिनामा इन्स्योरेन्सले २ करोड १९ लाख ७२ हजार रुपैयाँ नाफा गरेको थियो ।
काठमाडौं । सिटिजन लाइफ इन्स्योरेन्स कम्पनी लिमिटेडले सिटिजन शुभारम्भ जीवन बीमा नामक नयाँ योजना नेपालीहरु माझ प्रस्तुत गरेको छ । सञ्चालक समिति सदस्यहरु मनोज कार्की तथा दिपप्रकाश पाण्डे, प्रमुख कार्यकारी अधिकृत पोषकराज पौडेल र ब्राण्ड एम्बेसेडर द्वय हरिवंश आचार्य र मदनकृष्ण श्रेष्ठको उपस्थितिमा उक्त योजना ग्राहकहरुको लागि सार्वजनिक तथा शुभारम्भ गरिएको थियो ।
काठमाडौं । नेपाल लाइफ इन्स्योरेन्स कम्पनीले एक कार्यक्रमकावीच डोल्पाको दुनैमा कारोबार सुरु गरेको छ । उक्त औपचारिक कार्यक्रममा प्रमुख अतिथि बीमा समितिका अध्यक्ष चिरञ्जीवी चापागाँईले डोल्पाको दुनै शाखाको विधिवत् उद्घाटन गरे । उद्घाटन कार्यक्रमलाई सम्बोधन गर्दै अध्यक्ष चापागाँईले जीवन बीमाले जोखिम बहन गर्नुका साथै बचत गर्ने बानीको पनि विकास हुने भएकोले जोखिम बहनको साथै बचतसमेत हुने बताए ।
