.png "Win Recruit Nepal"){kind=logo}
ललितपुर । वैदेशिक रोजगारको सिलसिलामा बेलायत पुगेर दुर्घटनामा निधन भएका ललितपुरका सन्दीप तामाङको परिवारलाई सन नेपाल लाईफ इन्स्योरेन्स कम्पनीले वैदेशिक रोजगार म्यादी जीवन बिमा दावी रकम भुक्तानी गरेको छ । मंगलबार सन नेपाल लाईफ लगनखेल शाखामा शाखा प्रमुख भुवन केसीले चापागाउँ कार्यालय प्रमुख सन्तोष दहाल, मार्केटिङ म्यानेजर दिनेश खड्कासहितको उपस्थितिमा सन्दीपका बुबा बेनकुमार तामाङलाई दावी भुक्तानीको चेक प्रदान गरेका हुन् ।
बेलायत पुगेको २२ महिनापछी सन्दीपको दुर्घटनामा परी निधन भएको थियो । बेलायतमै अन्त्यष्टि गरिएका उनको बाबुलाई सन नेपालले १३ लाख रुपैयाँ बराबरको भुक्तानी दिएको छ । चेक हस्तान्तरण गर्दै लगनखेल शाखा प्रमुख भुवन केसीले मृतक तामाङ प्रति श्रद्धाञ्जली प्रकट गर्दै परिवारजनमा समवेदना व्यक्त गरेका थिए ।
साथै उनले तामाङको निधनबाट परिवारमा पुगेको आर्थिक क्षतिको न्युनीकरणका लागि वैदेशिक रोजगार बिमाले सहयोग पुर्याएको र अन्य हरेको जोखिम वहनको क्षेत्रमा बिमाले भूमिका खेल्ने उल्लेख गरेका छन् ।
.jpg)
_GnRvz8QHio.jpg)
.jpeg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google