.png "Win Recruit Nepal"){kind=logo}
काठमाडौं । महालेखा परीक्षकको कार्यालयले बिहीबार ९९४ पृष्ठको ६०औं वार्षिक प्रतिवेदन सार्वजनिक गरेको छ । महालेखाको वार्षिक प्रतिवेदनले सरकारका हरेक निकायमा बेरुजुमा कमी नआएको र विकास आयोजनाहरुको प्रगति निराशाजनक रहेको देखाएको छ । राष्ट्रिय गौरवका २७ आयोजनामध्ये ८ वटा आयोजनाको भौतिक प्रगति ३० प्रतिशतभन्दा कम छ ।
सरकारले सुशासनको नारा दिए पनि मुलुकको बेरुजु एक वर्षमै १ खर्ब १९ अर्ब ७७ करोड रुपैयाँले बढेको छ । नियमअनुसार खर्च नगर्दा र रकम असुल गर्न नसक्दा बेजुरु डरलाग्दो गरी बढेको हो ।
महालेखा परीक्षकको कार्यालयले सार्वजनिक गरेको ६० औं वार्षिक लेखा परीक्षण प्रतिवेदनअनुसार मुलुकको कुल बेरुजु ५ खर्ब ८७ अर्ब ३३ करोड रुपैयाँ पुगेको छ । महालेखा परीक्षकको कार्यालयले संघ, प्रदेश, स्थानीय तह, समिति र अन्य संस्थाको ७१ खर्ब ३८ अर्ब ७४ करोडको लेखापरीक्षण गरेको थियो । जसमा ४ हजार ६८ संघीय सरकारी निकायको २३ खर्ब ५६ अर्बको लेखा परीक्षण गर्दा ५६ अर्ब ३१ करोड बेरुजु देखिएको छ ।
.jpg)
_GnRvz8QHio.jpg)
