.png "Win Recruit Nepal"){kind=logo}
काठमाडौँ । तारकेश्वर नगरपालिकाले आपतकालीन अवस्थामा तत्काल उद्धार तथा सहयोग पुर्याउने उद्देश्यले ‘इमरजेन्सी रेस्पोन्स कन्सोल’ सञ्चालनमा ल्याएको छ । नेपाली अनुसन्धानकर्ता रामलक्ष्मण रिमालले विकास गरेको हार्डवेयरमा आधारित ‘इमरजेन्सी रेस्पोन्स कन्सोल’ नगरपालिकाको विपद् व्यवस्थापन शाखाको पहलमा हार्डवेयरमा आधारित यो अत्याधुनिक प्रणाली जडान गरिएको हो ।
राष्ट्रिय भूकम्प सुरक्षा दिवसको अवसर पारेर नगरप्रमुख कृष्णहरि महर्जनले एक कार्यक्रमका बीच उक्त प्रणालीको उद्घाटन गरे । नगरपालिकाका अनुसार यस प्रणालीमार्फत नगरवासीले स्वास्थ्य, सुरक्षा, आगलागी जस्ता आपतकालीन अवस्थामा निःशुल्क सहयोग लिन सक्नेछन् ।
यसका लागि ‘कता हो एप’ प्रयोग गर्न सकिनेछ । उक्त एपमार्फत जानकारी प्राप्त हुनासाथ स्थान पहिचान गरी तत्काल उद्धार टोली परिचालन गरिनेछ । यस प्रणालीमा ‘नागरिक आँखा’ नामक सेवा पनि रहेको छ । यसमार्फत नागरिकले स्थानीय तहले गरेका कामको मूल्याङ्कन गर्न सक्नेछन् ।
यसैगरी सेवा प्रवाह, विकास निर्माण र अन्य समस्याका बारेमा गुनासो तथा सुझाव दिन पनि सकिनेछ । यसबाट नागरिकमा सचेतना बढ्नुका साथै जनप्रतिनिधिहरूलाई उत्तरदायी बनाउन सहयोग पुग्ने नगरपालिकाको अपेक्षा छ । उद्घाटन कार्यक्रममा बोल्दै नगरप्रमुख महर्जनले नेपालमै पहिलो पटक यो प्रणाली सुरु गर्न पाउँदा खुशी व्यक्त गरे । विपद्को समयमा हुनसक्ने क्षति न्यूनीकरण गर्न यो प्रणाली महत्त्वपूर्ण हुने उनको भनाइ छ । यसले नगरपालिकाका सेवालाई चुस्त बनाउन मद्दत गर्ने उनको विश्वास छ ।
'पालिका भित्रका कुनै नागरिक एक्लै परेको अवस्थामा वा सहयोग चाहिएमा, कता हो एपमार्फत नगरपालिकामा तुरुन्तै सूचना प्राप्त हुनेछ र तारकेश्वर नगरपालिका सहयोगका लागि सधैँ तत्पर रहनेछ,' कार्यक्रममा बोल्दै नगर प्रमुख महर्जनले भने ।
यसका अलावा यस प्रणालीको नागरिक आँखा नामक सेवामार्फत स्थानीय तहले गरेका कामहरुको प्रशंसा समेत गर्न सकिनेछ । नगरपालिकाले गर्नुपर्ने कार्यहरुको बारेमा आम नागरिकले सेवा प्रवाहको विषयमा तथा पालिकाभित्रका समस्या, विकाश निर्माण लगायतका कुराहरुमा सूचना तथा गुनासो गर्न सक्नेछन् । यसको प्रयोगले आम मानिसमा सचेतना सँगसँगै जनप्रतिनिमा उत्तरदायित्व समेत बोध गराउने र आम जनमानसमा शान्ति सुरक्षाको प्रत्याभूती दिने अपेक्षा गरिएको छ ।
नगरपालिकाले घोषणापत्रमा समावेश गरिएका घर ठेगाना, टोल, ब्लक र घर नम्बर जस्ता सेवालाई पनि अविलम्ब लागू गर्ने तयारी रहेको जानकारी दिएको छ । अनुसन्धानकर्ताहरू राम-लक्ष्मण रिमालले विकास गरेको यो प्रणालीको बारेमा जानकारी दिन अभिमुखीकरण तालिम समेत सञ्चालन गरिएको थियो ।
.jpg)
_GnRvz8QHio.jpg)
.jpeg)
.jpeg)
.jpg)
.jpg)
.jfif)
.jpg)
प्रतिक्रिया गर्न लग इन गर्नु होस्:
Log in with Google