.png "Win Recruit Nepal"){kind=logo}
काठमाडौं । प्रतिनिधि सभा निर्वाचन सफलतापूर्वक सम्पन्न गराउन प्रहरी प्रधान कार्यालय ले ‘एकीकृत सुरक्षा योजना २०८२’ कार्यान्वयनमा ल्याउँदै काठमाडौं उपत्यकामा उच्चस्तरीय अनुगमन संयन्त्र परिचालन गरेको छ । समग्र सुरक्षा व्यवस्थापनलाई प्रभावकारी बनाउन अनुगमन अधिकृतका रूपमा ५ जना प्रहरी बरिष्ठ उपरीक्षक (एसएसपी) खटाइएको हो ।
प्रहरी परिचालन नीतिअनुसार काठमाडौं, ललितपुर र भक्तपुर जिल्लामा सुरक्षा अवस्थाको प्रत्यक्ष अनुगमन तथा मूल्यांकनका लागि छुट्टाछुट्टै जिम्मेवारी तोकिएको छ । काठमाडौं जिल्लाअन्तर्गत निर्वाचन क्षेत्र नम्बर १, २, ३ र ४ को जिम्मेवारी एसएसपी रमेशकुमार बस्नेतलाई दिइएको छ । उनी उपत्यका प्रहरी कार्यालय रानीपोखरी मा कार्यरत छन् ।
त्यसैगरी, क्षेत्र नम्बर ५, ६ र ७ मा एसएसपी सोमेन्द्रसिंह राठौर खटिएका छन्। उनी पनि रानीपोखरीस्थित सोही कार्यालयमै कार्यरत हुन् । क्षेत्र नम्बर ८, ९ र १० को सुरक्षा अनुगमनको जिम्मा एसएसपी नवराज अधिकारीलाई दिइएको छ। उनी हाल उपत्यका ट्राफिक प्रहरी प्रमुखका रूपमा कार्यरत छन् । काठमाडौं जिल्ला प्रहरी परिसरको कमान्ड भने एसएसपी रमेश थापाले सम्हालिरहेका छन् ।
यस्तै, ललितपुर जिल्लामा निर्वाचन सुरक्षाको अनुगमनका लागि एसएसपी सन्तोष खड्का खटिएका छन् । ललितपुरमा ३ वटा निर्वाचन क्षेत्र छ । उनी उपत्यका अपराध अनुसन्धान कार्यालय का प्रमुख हुन् । ललितपुर जिल्ला प्रहरी प्रमुखका रूपमा एसएसपी होविन्द्र बोगटी कार्यरत छन् ।
२ वटा निर्वाचन क्षेत्र भएको भक्तपुर जिल्लामा भने उपत्यका प्रहरी कार्यालय रानीपोखरी मै कार्यरत एसएसपी प्रविण धिताललाई अनुगमन अधिकृत तोकिएको छ । भक्तपुर जिल्ला प्रहरी परिसरको नेतृत्व प्रहरी उपरीक्षक (एसपी) सूर्यबहादुर खड्काले गरिरहेका छन् ।
खटाइएका एसएसपीहरूले निर्वाचन सुरक्षा व्यवस्थापनको समग्र अवस्थाको स्थलगत अनुगमन गर्नेछन् । साथै जनशक्ति तथा स्रोत–साधन परिचालनको प्रभावकारिता मूल्यांकन, स्वीकृत निर्वाचन सुरक्षा योजनाको कार्यान्वयन अवस्था परीक्षण, तथा केन्द्रबाट जारी नीति–निर्देशनको पालना भएरनभएको निरीक्षण गर्ने जिम्मेवारी उनीहरूलाई दिइएको छ ।
निर्देशन कार्यान्वयनमा कमजोरी भेटिएमा तत्काल सुधारात्मक पहल गरी आवश्यक समन्वय गर्न सम्बन्धित जिल्ला प्रहरी परिसरलाई सहजीकरण गरिने जनाइएको छ। आवश्यकता परेमा उपत्यका प्रहरी कार्यालय रानीपोखरी मार्फत थप समन्वय र निर्देशन प्रदान गरिनेछ ।
1667912853.jpg)
.JPG)
.jpeg)
.jpg)
.jpeg)
.jpg)
.jfif)
.jpg)
प्रतिक्रिया गर्न लग इन गर्नु होस्:
Log in with Google