.png "Win Recruit Nepal"){kind=logo}
सोलुखुम्बु । लिखुपिके गाउँपालिकामा पालिका स्तरीय ११ सदस्यीय दलित समन्वय समिति गठन भएको छ । गाउँपालिका अध्यक्ष मिना कार्की बस्नेतको अध्यक्षतामा उपाध्यक्ष ङवाङलाक्पा शेर्पा र प्रमुख प्रशासकीय अधिकृत काजीमान राईको उपस्थितिमा छलफल तथा अन्तरक्रिया गरेर सो पालिकास्तरीय दलित समन्वय समिति गठन गरिएको हो ।
परम्परागत ढङ्गबाट चल्दै आएको आरन पेशा लगायतका विभिन्न पेशाहरूलाई आधुनिकीकरण गरेर अगाडि बढाउनुपर्ने छलफल तथा अन्तरक्रियाले निष्कर्ष निकालेको छ । दलित समुदायले गर्दै आएको पेशा व्यवसायलाई अझ आधुनिककरण गर्दै अगाडि बढाउने र दलित समुदायको हकहित तथा उत्थानका लागि सदैव लागिरहने गाउँपालिका अध्यक्ष मिना कार्की बस्नेतले बताएकी छन् । अध्यक्ष बस्नेतले लिखुपिके गाउँपालिकाभित्र दलित समन्वय समिति गठन भएको यो नै पहिलो भएको पनि जानकारी दिएकी छन् ।
त्यस्तै नयाँ बनेको दलित समन्वय समितिको बैठक बसी औजार खरिदका लागि यही पौष मसान्तभित्र गाउँपालिकामा योजना माग गर्ने निर्णय भएको छ । नयाँ बनेको दलित समन्वय समितिमा परशुराम दर्जी अध्यक्ष रहेका छन् भने रामकुमार विक उपाध्यक्ष, जुनु घिमिरे कोषाध्यक्ष राजु रसाइली सचिव तथा हिरामाया रसाइली सहसचिव रहेका छन् । त्यस्तै सदस्यहरुमा कुमार रसाइली, कुलबहादुर बराइली, जयबहादुर कामी, लक्ष्मी घिमिरे, अर्जुन विक र भीमकुमार विश्वकर्मा रहेका छन् ।
1667912853.jpg)
.JPG)
.jpeg)
प्रतिक्रिया गर्न लग इन गर्नु होस्:
Log in with Google