.png "Win Recruit Nepal"){kind=logo}
काठमाडौं । नेपाली सेनाले ५५५ मादल एकैपटक ताल र लय प्रस्तुत गरेर विश्व कीर्तिमान राखेको छ । सैनिक मञ्च टुँडिखेलमा शनिबार महाशिवरात्री तथा २६० औं सेना दिवसको अवसरमा सेनाले ५५५ मादल बजायो ।
विशेष समारोहमा मौलिक वाद्यवाधनका साधनहरुको संरक्षण र सम्वर्द्धन गर्ने उद्देश्यले ५५५ जना सैनिकले मादलको ताल र लय प्रस्तुत गरेको थिए ।
सेनाका अनुसार त्यसको दुई दिनअघि फागुन ४ मा प्रधान सेनापति महारथी प्रभुराम शर्मा र वर्ल्ड बुक अफ रेकर्ड्स लन्डनका प्रतिनिधिको उपस्थितिमा ५५५ जना सैनिकहरुले मादल बनाएर विश्व कीर्तिमानको लागि आवेदन दिएका थिए ।
सेनाका अनुसार सोही प्रस्तुती वर्ल्ड बुक अफ रेकर्ड्स लन्डनद्वारा विश्व किर्तीमानका रुपमा प्रमाणित भइसकेको छ ।
शनिबार सैनिक मञ्चमा आयोजित बेग्लै समारोहमा वर्ल्ड बुक अफ रेकर्ड्स लन्डनका प्रतिनिधि सागर कटवालले प्रधान सेनापति शर्मालाई सो किर्तीमानको प्रोभिजनल सर्टिफिकेट हस्तान्तरण गरेका हुन् ।
1667912853.jpg)
.JPG)
